Luˇkaꞈ 12:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² “Yawr yawrmaf mafzaq-or! Taqguv. Aqjeq mirnae aernar-aq, nawmaf-euq Aqda-aq, aqyawf-euq mirkhanq, nawmaf-anr nuikhanr tiqshir bifmawf-eu mae.

Akha

³² “Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Luˇkaꞈ 12:32 ပူးပေါင်းရင်းမြစ်များ

Maꞈtehˬ 14:27

Khoerngae, Yeqsur, aqyawf maf-anr yawkawr-aer aernaeq-eu, “Taqguv, ngar le! Nuima zifdanni ghae-awq.”

Maꞈtehˬ 20:16

Khoerlof-aer durni, aqcawq-euq maeqnan jawr-eu tsawrhaq-aq, aqcawq-euq maeqhu yajawr taef-a. Aqcawq-euq maeqhu jawr-eu tsawrhaq-aq, aqcawq-euq maeqnan yajawr-ir taef-a. Aqjeq mirnae aernar-aq, bikur-euq tsawrhaq yawmyaq khawf, tserdov-euq tsawrhaq-aq, yawcuiv mae.”

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Maꞈtehˬ 7:15

“Nawmaf, Miqyaer gharduq ngaeqdan-eu jaqmyawf deuq-anr yanr-awq. Aqyawfmaf, lafnyir paw yawrzaq-euq bawkhov tsanrkaq taq-awr, lafkhoer paw-aq, zawr zir-eu khaqyaer pyeuf-awr nawmaf jawr-eu gar lar-eu mae.

Luˇkaꞈ 10:21

Khoerngae, Yeqsur, Yawshawr Saflar-euq baqda’nae laqkhaq caer-awr heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-euq mae. Aqda-or! Heu-aq, nawr nuima tsaq-eu jeq pyeuf-eu mae.

Yoˇhaˬ 18:36

Yeqsur aerkhof naeq-eu, “Ngar uvlanr-eu jeq-aq, mirtsaq heu-anr maqtaf. Ngar uvlanr-eu jeq mirtsaq heu-anr taf-eu lawnmr-aq, ngar, Yurdav tsawrhaq-euq aqlaf-anr maqya keuv-ir ni, ngaq-euq kuirlaf deuq guirdeuvdeuv taef-a. Aerkhawf, nymq-mr ngar uvlanr-eu jeq-aq, mirtsaq heu-anr maqtaf.”

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 20:29

Ngar dov-ir dzeur-euq nar-aq, zawr ghae-eu khaqyaer deuq, nawmaf-euq ghanrcae urlar-awr, yawr yawrmaf-anr lavcawv duidui taef-a laer ngar siqnya ma.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

2 Teˇsaˬloˇni 1:11

Khoermirnae, aqdui-euq Miqyaer, nawmaf-anr kur-euq gar geux-awr, aqyawf-euq baoq baqda’nae nawmaf mrmawf-eu yawmuiq yawqjeq navluf hawr-eu jan-awr, mr-euq dawqtawvluf bi pyeuflarni, nga’maf aqmyanluf nawmaf-euq gharduq guiqlanq sharluf-eu ma.

2 Teˇsaˬloˇni 1:5

Khoerdeuq dawqtawv luf-euq lafkhoer, Miqyaer-aq, dawrcoeni yarkhaq dar-eu nga laer byacaevni dovlar taef-a. Khoermirnae, nawmaf, Miqyaer uvlanr-eu jeq-anr geux-eu nga laer sawxnya’ni, Miqyaer uvlanr-eu jeq-euq gharduq nawmaf ya daqluf-eu mae.

HeˬByehˇ 12:28

Aqdui maq gheunyae nya-eu uvlanr-eu jeq zataq-euq mirnae, Miqyaer-euq guiqlanq yawdzanr-anr hageuf-awr, yawzeu baw-awr guv-eu lafkhoer, Miqyaer nuima tsaq-eu lof-aer aqyawf-euq gar mr kar-eur.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

2 Beˬtuˆluˆ 1:11

Khoeruqtaf, aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq, mqmaq maqbyav yarzir uvlanr-eu mirkhanq-euq lafkhoer, nawmaf urler nya’ni tiqbyan tiqlof laeqhmqtaq taef-a.

Panmaeq 1:6

Khoeruqtaf, aqyawf, aqdui-anr aqyawf-euq Aqda Miqyaer-euq pirma hawr-eu sanqpaq bi pyeuflarni janrnaeq laf-euq mae. Yawshaef khanqsaer hawr-eu uvlanr-eu baoq, li-eu maqbawni aqyawf-anr of luf-ur. Aqmeq.

Panmaeq 22:5

Heugar-aq, uqcif cif-ir-eu maqpar baw-aer, aqyawfmaf, tsirkhmq hawr-eu nanrma-euq yawshaef maqpar mawf-eu mae. Aqjeq mirnae aernar-aq, Sanqpaq Miqyaer, aqyawf maf-anr yawshaef tsaeqbya’naeq taef-a. Aqyawfmaf, li-eu maqbawni ya uvlanr taef-a.