Luˇkaꞈ 12:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, tsawrhaq tiqghaq tirghaq nawqtaeq tsarni, maq guijircoer paq-aer uiqlar taq-euq mae. Yeqsur danqbae-awr, aqyawf-euq zaqlanr deuq-anr heulof-aer aernaeq-euq mae: “Paqliqsaer deuq-euq daeqtseq-anr yanr-awq. Daeqtseq laer aer-eu-aq, yawmuiq janrgeuf-eu jeq-anr aermawf-eu mae.

Akha

¹ Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 12:1 ပူးပေါင်းရင်းမြစ်များ

Luˇkaꞈ 11:44

Yawmuiq janrgeuf-eu Paqliqsaer hawr-eu zanrdawq khofdawq maeqzaq, nawmaf ghawqshar shaq-aer ya ghaesaef taef-a! Aqjeq mirnae aernar-aq, nawmaf-aq, maq mawrlar-eu lmqbymr-anr dur-awr, nawqnawq-aer can-eu deuq khawf lmqbymr nga laer maq siqnya-a.”

Luˇkaꞈ 12:56

Yawmuiq janrgeuf-eu tsawrhaq deuq-or! Nawmaf, mirtsaq hawr-eu mq-anr haw-awr aqjeq pyeuflar-eu nga laer aernya-eu gar nae, aqjeq mirnae aryamq arlaw heu-anr maq tserpav nya-eu nya?

Luˇkaꞈ 5:1

Yeqsur, Geqneqsaqlaer lan landzer yawfluf ngae, tsawrhaq armaf mafma, Miqyaer-euq dawq narhaq-eu laer aqyawf jawr-eu gar tan’urlef luf-eu mae.

Luˇkaꞈ 5:15

Aerkhawf, Yeqsur-euq garkawv yawbae navmaqtser par gaqdoe-ir-euq mae. Tsawrhaq ghawqmya’ni aqyawf-euq dawq narhaqni maqaer, aqyawf maf-euq nar-awr gawr-eu jeq aqyawf nae bi lavtaqni maqaer uiqlar taq-euq mae.

Luˇkaꞈ 6:17

Yeqsur, aqyawfmaf naeq-aer gawqjawq-anr nae oeka ngae, Yurdav mirkhanq hawr-eu Yeqlursaqlaeq doeni, iqmalavshav-euq lawrdae-anr jav-eu Durlu hawr-eu Sirdoq-anr nae lar-euq tsawrhaq deuq, aqyawf-euq zaqlanr baqmaf hawr-eu aqyawf dawqmaeq maeq-eu gar narhaq-eu uqtaf, aqyawf maf-euq nargawr deuq bi lavtaq-eu laer uiqlar taq-euq tsawrhaq armaf mafma deuq khawf yawfluf-eu mae.

Gʼaˬkʼehˇ 21:20

Aqyawfmaf yagaq ngae, Miqyaer-anr ciqhuiq ciqmanr-eu mae. Khoernar-aq, aqyawfmaf, Pawrluv-anr heulof-aer aernaeq-euq mae: “Maernmr-or! Yurdav tsawrhaq-euq lafkhoer Kali-anr janlar-euq armyav tanr ghaq jawr-eu la laer nawr mawrluf-eu mae. Aqyawfmaf dawqtawvluf zanrdawq-anr nuima keuv duidui-eu mae.

1 Gawˇliˬtu 15:3

Ngaq nae za-awr nawmaf-anr maeqnaeq-euq yawbae jeq-aq, Yaerbof-euq lafkhoer aertaq-euq lof-aer, Kali, aqdui-euq iqbax-euq gharduq shirdan-awr,

HeˬByehˇ 12:22

Aerkhawf, nawmaf-aq, Ziroq gawqjawq hawr-eu daefluf-eu Miqyaer-euq meuq-anr larkeuv-euq mae. Meuq heumeuq-aq, mqtav-euq Yeqlursaqlaeq pyeuf-awr, heugar maq guijir coerni myaq-eu mqtav ghaqkhaer deuq uiqlarduq pyeuf-eu mae.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

1 Beˬtuˆluˆ 2:1

Khoermirnae, nawmaf maqmuiq maqjaq-eu yawqjeq navluf byaerdzae yaf-awq. Jaqmyawf maershuir, yawmuiq janrgeuf-eu, myavnav nav-eu hawr-eu dawqdoer ngaeq-eu dawqtawvluf byaerdzae jir-awq.