Luˇkaꞈ 11:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ “Ngar, nawmaf-anr aernaeq nyar. Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

Akha

⁹ “Ngaˇ naw maꞈ-ahˇ ehˇ nehˬ nyaˇ. Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Luˇkaꞈ 11:9 ပူးပေါင်းရင်းမြစ်များ

Jaceuq 118:5

Ngar nuima cawvluf ngae, Ya’we Miqyaer-anr kur-euq ma. Aqyawf, ngaq-anr narhaq naeqlaf-awr, Jerloni ghae-eu gar sheuqtaq naeqlaf-euq mae.

Jaceuq 27:4

Ngar, Ya’we Miqyaer-anr nae tiq jeq geufmawf mir-a, Khoerjeq-anr ngar pov-eu ma. Khoer-aq, ngar khardaef-eu arnan aryamq dawqtawvluf, Ya’we Miqyaer-euq nymr-euq lafkhoer jawr-awr nae, Hawmuiq-eu Ya’we Miqyaer-euq yawmuiq-anr hawhaw-aer, Aqyawf-euq uqduq tanqnymr nymrma-euq lafkhoer narhaqtser mawf mir-a.

Jaceuq 27:8

“Ngaq-euq myavpyawq-anr pov-awq” laer nawr aer ngae, “Ya’we Miqyaer-or, ngar, nawq-euq myavpyawq-anr pov ma” laer ngaq-euq nuima, nawq-anr aernaeq-euq ma.

Jaceuq 34:10

Arlaqjaqshir zaqguq dzaq-eu maqjav-aer maef-eu gar keuv-eu khawf, Ya’we Miqyaer-anr pov-eu deuq-aq, yawmuiq jeq maqnym-ar.

Jaceuq 34:4

Ngar, Ya’we Miqyaer-anr pov ngae, Aqyawf, ngaq-anr narhaq naeqlaf-awr, Ngar guv-eu jeq dawqtawv luf-anr nae, Ngaq-anr bibuq-ir naeqlaf-euq mae.

Jaceuq 50:15

Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Maꞈtehˬ 21:22

Nawmaf guiqlanqshar ngae, jan-eu nuima anr nar-aq, kharshar-eu dawqtawvluf za taef-a.”

Maꞈtehˬ 21:31

Zaqyo khoer nyiq ghaq-anr nae, aqda-euq nuima tsaqni mr-eu aqgeu ghaq nya?” Aqyawfmaf aerkhof-eu, “Aqyuif ghaq mir-a.” Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, jeq taf-eu tsawrhaq hawr-eu mawrdo anq-eu tsawrhaq deuq-aq, nawmaf-euq jeqhu nae Miqyaer uvlanr-eu jeq-euq lafkhoer urler luf-eu mae.

Maꞈtehˬ 6:29

Aerkhawf, ngar, nawmaf-anr aernaeq nyar, Sorlaqmoq nae yadm yaghaq-euq yawshaef khanqsaer huiq-eu maeqtsoeq-aq, aryaev khoer tiq yaev navni khawf maqtawq-a.

Maˬkuˆ 11:24

Khoermirnae, ngar, nawmaf-anr aernaeq nyar, nawmaf guiqlanq kharshar ngae, aqjeq shar-eu maqkaq, za’ma laer nawmaf jan-awr shar nar-aq, nawmaf za taef-a.

Maˬkuˆ 13:37

Ngar, nawmaf-anr aernaeq luf-eu heudeuq, tsawrhaq dawqtawv luf-anr khawf aernaeq luf-eu ma. Yawbeur beur-aer jawr-awq!”

Luˇkaꞈ 11:10

Aqjeq mirnae aernar-aq, kharshar-eu tsawrhaq za taef-a. Kharpov-eu tsawrhaq ya’mawr taef-a. Kharkhov-eu tsawrhaq-anr khawf, aqyawf-anr pannaeqle taef-a.

Yoˇhaˬ 14:13

Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Yoˇhaˬ 15:7

Nawmaf, ngaq-euq lafkhoer jawr-awr, ngaq-euq dawq khawf nawmaf-euq lafkhoer anr-eu nar-aq, nawmaf geufmawf-eu lof-aer shar-awq, nawmaf-euq gharduq bi pyeuflar taef-a.

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

2 Gawˇliˬtu 6:2

Aqjeq mirnae aernar-aq, Miqyaer aer-eu, “Aryamq tsaq ngae, ngar, nawq-euq shardawq-anr narhaq-euq ma. Kakhof-eu arnan ngae nan, ngar, nawq-anr cawba-euq ma.” (Isy 49:8) Hawsher-eq. Nymq-mr-aq, aryamq tsaq-eu mae. Iqnan-aq, kakhof-eu arnan mae.

HeˬByehˇ 11:6

Jan-eu jeq maqanr nar-aq, tiqjeq ghaenae-iq Miqyaer nuikhanr shirni maq janrnya-a. Aqjeq mirnae aernar-aq, Miqyaer jawr-eu gar kharlar-eu tsawrhaq-aq, Miqyaer aqdir jawr mae laer jan-awr, laejae-awr aqyawf-anr sharpov-eu tsawrhaq-anr guiqlanq bif-eu mae laer khawf yajan-eu mae.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.

Yaˬkoˆ 1:5

Nawmaf-euq lafkhoer tiqghaqnav zaqsiq tsawrganr teqluf nar-aq, Miqyaer-anr shar-eu tsaq mae. Miqyaer, aqyawf-anr bif taef-a. Aqjeq mirnae aernar-aq, Miqyaer-aq, aqyawf-anr kharshar-eu tsawrhaq-anr maqdaeq-aer ghawqmya’ni bif-eu mae.

Yaˬkoˆ 5:15

Jan-eu lafkhoer guiqlanqshar ngae, nar-eu khoerghaq taqler-awr, Sanqpaq Miqyaer, aqyawf-anr jawrsar bi dovlar taef-a. Aqyawf iqbax mrtaq-euq jav law nar-aq, aqyawf-euq iqbax-anr pyaeqnaeq taef-a.

1 Yoˇhaˬ 3:22

Aqdui, aqyawf nae biftaq-euq dawqdeuq-anr narhaq geuf-awr, aqyawf nuima tsaq-eu lof-aer mr nar-aq, aqdui kharshar-eu yawqjeq navluf za-eu mae.

Panmaeq 2:24

“Aqcawq, naef Saqdaq-euq dawqtsuif naf duidui-eu jeq laer aer-eu deuq-anr maq siqnya-aer, khoerlof-aer ghae-eu dawqmaeq dawqtsov-euq maeqnan maq cantae ghae-euq nawmaf hawr-eu Tiqyaqdiqlar-anr jawr-eu nuideuq-anr ngar heulof-aer aernaeq nyar: ngar, nawmaf-anr khavbaev yawqjeqyawq maqpar ciqpinaeq ma.