Luˇkaꞈ 11:41 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.

Akha

⁴¹ Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Luˇkaꞈ 11:41 ပူးပေါင်းရင်းမြစ်များ

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Jaceuq 41:1

Irshaqzaq-anr sharnoeq naeq-eu tsawrhaq-aq, guiqlanq huiq-eu mae. Gardzaq garkawv keuvle-eu aryamq-anr, Ya’we Miqyaer, aqyawf-anr bibuq-ir taef-a.

Dawqdaq 14:31

Irshaqzaq-anr khaeq-eu tsawrhaq-aq, Aqyawf-anr bae-euq ghaq-anr hawdoer-eu jeq pyeuf-eu mae. Aerkhawf, yawshaqzaq-anr ghawqshaq gaq-eu-aq, Aqyawf-anr taqhuiq-eu jeq pyeuf-eu mae.

Dawqdaq 16:6

Ghawqshaq gaq-eu jeq hawr-eu yawtsaq yawdawr jeq-euq baqda’nae, Yawbanq yawlaeq-euq gharduq lawrdan-awr, Tsawrhaq tiq ghaq, Ya’we Miqyaer-anr guv-eu jeq-euq baqda’nae, Yawcawv jeq-anr garjaw jawnya-eu mae.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Maꞈtehˬ 26:11

Aqjeq mirnae aernar-aq, shaqzaq zanqzaq-aq, nawmaf naeq-aer aqmyanluf jawr taef-a. Aerkhawf, ngar, nawmaf naeq-aer aqmyanluf jawr-eu maqngeur.

Maꞈtehˬ 5:42

Nawq-anr shar-eu tsawrhaq-anr bif-awr, nawq-anr ngaqmawf parmawf-eu tsawrhaq-anr garjaw taq jawnaeq.

Maˬkuˆ 7:19

Aqjeq mirnae aernar-aq, aqyawf-euq nuima-euq lafkhoer anr-ir-eu maqngeur-aer, aqyawf-euq uqmav-euq lafkhoer anr-ir-awr, lafnyir paw irdov dzae-eu mae.” (Yeqsur khoerlof-aer aer-eu-aq, dzaqdzaq dawrdawr dawqtawvluf yawshawr mae laer aermawf-eu mae).

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 16:9

“Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Luˇkaꞈ 18:22

Yeqsur dawq khoerdawq-anr yagaq ngae khoerghaq-anr aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae jir-awr, irshaqzaq-anr birnaeq-ir-awq. Khoerlof-aer janr nar-aq, mq-euq khoertav zawr poeq-eu pyurshuir myawqganq jav taef-a. Khoernar-aq, lar-awr ngaq-euq maeqnan cantae lar-awq.”

Luˇkaꞈ 19:8

Khoerngae, Saqgaer gawqyawf yawf-awr, Sanqpaq Yeqsur-anr aernaeq-eu, “Sanqpaq-or! Haeq! Ngar kharjav-eu yawqjeq navluf tiq pav, irshaqzaq-anr bif ma. Ngar tiqghaq nav-anr myawfdzaq taq-euq jav nar-aq, oeq myav tsoeqkhofnaeq ma.”

Gʼaˬkʼehˇ 10:15

Tersar khoer nyiq pov tiqpov aqyawf-anr paraer-eu, “Miqyaer nae shawr-euq jeq-anr maq dzaqkhmq-eu jeq laer nawr taqsawx.”

Gʼaˬkʼehˇ 11:29

Khoerngae, zaqlanr deuq yawqha khar ghaenya-eu lof-aer, Yurdav mirkhanq-anr jawr-eu aqyuif aqnyir deuq-anr cawba-eu pyur shaghae ma laer noeqtsaev taq-euq mae.

Gʼaˬkʼehˇ 24:17

“Heumyav khof dzeur-ir-euq nar-aq, ngar, ngaq-euq tsawrjeuq tsawrca-euq shaqzaq-anr cawba-eu gharduq gamfnaeq-eu jeq hawr-eu lawrnaeq-eu jeq shaha ler-euq ma.

2 Gawˇliˬtu 8:12

Aqjeq mirnae aernar-aq, yawbae jeq-aq, tsawrhaq tiq ghaq bifmawf-eu nuima anr nar-aq, aqyawf kharjav-eu lof-aer Miqyaer hageuf-eu mae. Maqjav-eu gar keuvni mr laer Miqyaer maqaer-a.

Eˇpeˇsu 4:28

Dzeurlaf ngae, smrkhoeq khoeq-euq tsawrhaq taqpar khoeq. Mawf-eu tsawrhaq-anr bif-eu tiqjeqnav javlarni khawf, laejae-awr yawqha-euq aqlaf nae gar yawmuiq jeq mr-awq.

Tiˇtuˆ 1:15

Yawshawr tsawrhaq deuq-euq gharduq-aq, yawqjeq navluf yawshawr mae. Aerkhawf, maqjan-aer jawflafni ghae-eu tsawrhaq deuq-euq gharduq-aq, yawshawr tiqjeq-iq maqjav-a. Aqyawf maf-euq nuinoeq nuidur hawr-eu zaqsiq nuisiq khawf yawjawf mae.

HeˬByehˇ 13:16

Aerkhawf, yawmuiq jeq mr-awr aqcawq-anr birnaeq pav naeq-eu jeq-anr taqngaer. Aqjeq mirnae aernar-aq, khoerlof-aer lawrnaeq-eu jeq-anr-aq, Miqyaer nuima tsaq-eu mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Yaˬkoˆ 1:27

Murcoeq aqnmr hawr-eu miqcoeq miqma deuq shaq-eu gar cawba-eu uqtaf, mirtsaq-euq yawjawf, yawqha-anr maqbi jawflarni yanr-eu-aq, aqdui-euq Aqda Miqyaer-euq maeqshi, shawrjaevni ghae-awr maq lavjawf-euq uqduq tanq-eu zanr mae.