Luˇkaꞈ 11:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae.

Akha

³⁹ Kʼoeˇ ngeh, Sahˬpaˬ Yeˬsuˇ aˬ yawꞈ-ahˇ heu loꞈ-ehˇ ehˇ nehˬ-euˬ meh. “Naw maꞈ Paˬliˬsehˇ deuˬ-aˬ, naˬ bo hawˇ-eu kʼmˬ maˬ-ahˇ laꞈ nyiˇ paw joˆ shawˇ-eu meh. Ehˇ kʼawꞈ, naw maꞈ-euˬ laꞈ kʼoeˇ paw-aˬ, mehˇ juiˇ juiˇ-eu nui ma hawˇ-eu, yaw haiˬ jeˬ mˇ mawꞈ-eu nui noeˬ tiˬ byah ni ahˇ-eu meh.

Luˇkaꞈ 11:39 ပူးပေါင်းရင်းမြစ်များ

Jaceuq 22:13

Aqyawfmaf, zir duidui-eu arlaqjaqshir joeq-eu lof-aer, Khaqmae mrnga-awr, ngaq-anr lmqluf-eu mae.

Dawqdaq 26:23

Nuima doer-awr maeqluq bym-eu tsawrhaq-aq, Pyur-euq khaqlaer nae laeftaq-euq, mirtsaq-euq oeqlanq-anr dur-eu mae.

Dawqdaq 26:25

Aqyawf ghawqshaq gaq-awr, ngaeq-eu gar dur-eu khawf taqjan. Aqjeq mirnae aernar-aq, aqyawf-euq nuima-euq lafkhoer, Nuidav davlar paq-aer ghae-eu shif jeq anr-eu mae.

Dawqdaq 30:12

Yawqha-euq yawjawf maqbi tsiqshawr-euq khawf, Yawqhar yawqha, yawshawr ma laer noeq-eu tsawrhaq tsawrtsuif jawr-eu mae.

Maꞈtehˬ 15:19

Aqjeq mirnae aernar-aq, nuima-euq lafkhoer nae heudeuq dovlar-eu mae: yawdoer jeq sharnoeq-eu, tsawrhaq saef-eu, banq-awr joe-eu, banq-awr muv-eu, smrkhoeq khoeq-eu, maqtsaq maqdawr-eu sarkir kamq-eu hawr-eu, yaeqbawq saerlu-aer aer-eu

Maꞈtehˬ 7:15

“Nawmaf, Miqyaer gharduq ngaeqdan-eu jaqmyawf deuq-anr yanr-awq. Aqyawfmaf, lafnyir paw yawrzaq-euq bawkhov tsanrkaq taq-awr, lafkhoer paw-aq, zawr zir-eu khaqyaer pyeuf-awr nawmaf jawr-eu gar lar-eu mae.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Luˇkaꞈ 7:13

Sanqpaq Yeqsur, miqcoeq miqma khoerghaq-anr ya’mawr ngae, aqyawf-anr ghawqshaq hawgaq-awr, “Taqngoer” laer aernaeq-euq mae.

Luˇkaꞈ 7:19

Yorhaq, aqyawf-euq zaqlanr nyiq ghaq-anr kur-awr, Sanqpaq Yeqsur-anr heulof-aer bi narhaq-ir-euq mae. “Oe taef-a laer aer-eu khoerghaq, nawr ma lor? Maqngeur nar-aq, nga’maf yawqghaq yawq-anr parya dawq-a siq laq?”

Yoˇhaˬ 12:6

Aqyawf khoerlof-aer aer-eu-aq, shaqzaq zanqzaq deuq-anr sharnoeq-awr aer-eu maqngeur-eu, smrkhoeq pyeuf-eu mirnae aer-eu mae. Aqyawf pyur pawqbaev jeqhmq-eu ghaq pyeuf-awr, khoer-euq lafkhoer anr-eu pyur khoeqluf-eu mae.

Yoˇhaˬ 13:2

Cifhawq dzaqluf ngae, naef sanqpaq nae Sirmoq-euq zaqyo, Yurdav Irsaqgaqliqoq-euq nuima-euq lafkhoer, Yeqsur-anr anqdzaq-eu nuinoeq dawvanr naeq-euq mae.

Gʼaˬkʼehˇ 5:3

Khoerngae, Beqtuvluv heulof-aer aernaeq-euq mae: “Aqnaqnir-or! Aqjeq mirnae nawq-euq nuima-anr naef Saqdaq bi urbyan lar-awr, Yawshawr Saflar-anr jaqmyawf myawf-awr, mirtsaq anqza-euq pyur uicuiv yurdov yaf-euq le?

Gaˬlaˬtiˆ 1:14

Ngar-aq, ngaq-euq tsawrjeuq tsawrca-euq lafkhoer, tiqcawq tiqshaev deuq navmaqtser Yurdav tsawrhaq-euq zanr-anr cantae-awr, ngaq-euq aqpoeq deuq nae tawqka lef-euq zanr-anr nuima keuv duidui-euq ma.

2 Tiˆmoˇseˬ 3:5

Aqyawfmaf, Miqyaer-anr yawzeu baw-eu janrgeuf-eu khawf, heu-euq baoq-anr maq hageuf-a. Khoerlof-aer ghae-eu tsawrhaq-anr garjaw jaw-awq.

Tiˇtuˆ 1:15

Yawshawr tsawrhaq deuq-euq gharduq-aq, yawqjeq navluf yawshawr mae. Aerkhawf, maqjan-aer jawflafni ghae-eu tsawrhaq deuq-euq gharduq-aq, yawshawr tiqjeq-iq maqjav-a. Aqyawf maf-euq nuinoeq nuidur hawr-eu zaqsiq nuisiq khawf yawjawf mae.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.