Luˇkaꞈ 11:36 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Nawq-euq mawrdo dolanni yawzanr tiqpawf-iq maqanr-aer, yawshaef taef-aer bya nar-aq, tsirkhmq-euq yawshaef nawq-anr tsaeqbya-eu lof-aer, nawq-euq mawrdo dolan-aer yawshaef bya taef-a.”

Akha

³⁶ Nawˬ-euˬ gʼawˇ mawˇ mawˇ lah-ehˇ yaw shehꞈ za-awˇ, yaw zahˇ tiˬ tsahˇ-iˬ maˬ baw naˇ, tsiˇ kʼmˬ-euˬ yaw shehꞈ nawˬ-euˬ kʼoeˇ taˆ bya gaˇ duˇ ni, nawˬ-euˬ gʼawˇ mawˇ mawˇ lah-ehˇ yaw shehꞈ bya tehꞈ-a.”

Luˇkaꞈ 11:36 ပူးပေါင်းရင်းမြစ်များ

Dawqdaq 1:5

Tsawrganr anr-eu deuq narhaq ngae dzawlanq-eu jeq biza-awr, Ghovshaw nya-eu tsawrhaq maeqbawq biza-eu gharduq mae.

Dawqdaq 20:27

Tsawrhaqzaq-euq saflar-aq, Ya’we Miqyaer-euq tsirkhmq pyeuf-awr, Tsawrhaq-euq lafkhoer kharanr-eu jeq-anr povtser haw-eu mae.

Dawqdaq 6:23

Aqjeq mirnae aernar-aq, zanrdawq khofdawq-aq, tsirkhmq pyeuf-awr, Zanrdawq-aq, yawshaef pyeuf-eu mae. Maeqpar naeqlaf-eu maeqdawq tsovdawq-aq, daef-eu jeq bif-eu garma mae.

Maꞈtehˬ 13:52

Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Maꞈtehˬ 5:15

Tsirkhmq dof-awr, khavpuq nae moftsanq-eu zanr maqjav-a. Paeqzaq mazaq mawrnya’ni tsirkhmq ciqtaq duq-anr ciqdav taq-eu mae.

Luˇkaꞈ 11:35

Khoermirnae, nawq-euq lafkhoer anr-eu yawshaef zanrtsuini maqbi pyeuf-ir ni yanr-awq.

Luˇkaꞈ 11:37

Yeqsur khoerlof-aer aerluf ngae, Paqliqsaer tiq ghaq, Yeqsur-anr kur-awr aqyawf naeq-aer hawq bi dzaqtaf le-euq mae. Khoermirnae, Yeqsur urler-awr hawqdzaq dzaq-eu laer nuirluf-eu mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Eˇpeˇsu 4:14

Khoerngae tiqjawr, aqdui, zaq maqpar pyeuf-eu uqtaf, tsawrhaq-euq tsawrganr hawr-eu jaqmyawf maershuir-euq bawqtov zmq-eu lafkhoer, kharngeur-eu dawqmaeq dawqtsov-euq jaqlaer bawlar ngae, khar bawpyawr ghae-eu paw maqpyawr-ir-ar.

Gawˇlawˇsehˇ 3:16

Kali-euq dawq nawmaf-euq lafkhoer tiqbyan tiqlof bi sanrlar-awq. Zaqsiq tsawrganr tiqbyanni anr-eu lafkhoer, jaceuq-eu dawq, jaceuq-eu cardawq hawr-eu saflar paw-euq cardawq-anr ghoeghoe-aer, tiqghaq tirghaq maeqnaeq tsovnaeq-awr ghaq bif-awq. Nawmaf-euq nuima-euq lafkhoer anr-eu guiqlanq yawdzanr nae Sanqpaq Miqyaer-anr carcar-aer jaceuq-awq.

HeˬByehˇ 5:14

Dzar yawzae-aq, tsawrkhav khavlar-euq deuq-euq gharduq mae. Aqyawf maf-aq, yawqha-euq nuima-anr maeq-awr, yawmuiq hawr-eu yawdoer tserpav birpav nya’ni, mrdzaw shardzaw dzaw-euq tsawrhaq mae.

Yaˬkoˆ 1:25

Bibuq-ir-eu, byan duidui-eu zanrdawq-anr hawduq taq-euq uqtaf, aqmyanluf mrcaw-eu tsawrhaq-aq, aqyawf yagaq-awr maqngaerni mrdov shardov laf-eu mae. Khoerlof-aer ghae-eu tsawrhaq-aq, aqyawf mr-awr shar-eu yawqjeq navluf-euq lafkhoer guiqlanq baw taef-a.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.