Luˇkaꞈ 11:29 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Tsawrhaq armaf mafma myaqlar duiduiluf ngae, Yeqsur danqbae-awr heulof-aer aer-eu mae: “Heuzir-aq, doer duidui-eu zir mae. Aqyawfmaf bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq maqngeur nar-aq, aqyawf maf-anr bisiq bimawr-eu yawqjeqyawq maqbi mawr.

Akha

²⁹ Yeˬsuˇ dawˬ peh uiˬ laˇ luꞈ-eu tsawˇ haˬ aˇ maꞈ myaˬ laˇ tehˇ tehˬ luꞈ ngeh, Yeˬsuˇ heu loꞈ-ehˇ ehˇ-eu meh. “Heu ziˇ-ahˇ dehꞈ luꞈ-eu tsawˇ haˬ heu deuˬ aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ laꞈ lehˇ aˬ yawꞈ maꞈ ehˇ-eu meh. Yawˇnaˆ gaˇ kawˆ kʼaˆ jeˬ-ehˇ gʼeh-eu kʼoeˇ maˬ ngeuˇ naˇ, nui jeˬ maˬ mehˬ nehˬ.

Luˇkaꞈ 11:29 ပူးပေါင်းရင်းမြစ်များ

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Maˬkuˆ 8:38

Aqsur ghaq maqkaq, banq-awr joe-eu hawr-eu iqbax mrluf-eu heuzir-euq tsawrhaq-euq maeqshi, ngar hawr-eu ngaq-euq dawq-euq baqda’nae shafdawr nar-aq, aqyawf Tsawrhaq-euq Zaqyo khawf, aqyawf-euq Aqda-euq yawshaef khanqsaer-euq lafkhoer, shawr-eu mqtav ghaqkhaer deuq naeq-aer zafkale ngae, tsawrhaq khoerghaq-euq baqda’nae shafdawr taef-a.”

Luˇkaꞈ 11:16

Aerkhawf, tiqpavnav deuq, aqyawf-anr tsermrhaw mawf-eu mirnae, mq-euq khoertav-euq bisiq bimawr-eu jeq-anr sharpov-eu mae.

Luˇkaꞈ 11:50

Khoermirnae, mirtsaq bae ngae nan-anr nae, Miqyaer gharduq ngaeqdan-eu tsawrhaq dawqtawv luf-anr saef-euq shiq-euq arpoeq-aq, heuzir-euq tsawrhaq-euq khoertav keuvle taef-a.

Luˇkaꞈ 12:1

Khoerngae, tsawrhaq tiqghaq tirghaq nawqtaeq tsarni, maq guijircoer paq-aer uiqlar taq-euq mae. Yeqsur danqbae-awr, aqyawf-euq zaqlanr deuq-anr heulof-aer aernaeq-euq mae: “Paqliqsaer deuq-euq daeqtseq-anr yanr-awq. Daeqtseq laer aer-eu-aq, yawmuiq janrgeuf-eu jeq-anr aermawf-eu mae.

Luˇkaꞈ 9:41

Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr parya or-eu la siq? Nawq-euq zaqyo heugar sheuqlaf-awq.”

Yoˇhaˬ 2:18

Khoermirnae, Yurdav tsawrhaq-euq aqyuif aqtsu deuq, Yeqsur-anr narhaq-eu, “Nawr heudeuq janr-euq heu, nga’maf-anr aqgeu jeq bisiq bimawr-eu laer janr-eu le?”

Yoˇhaˬ 6:30

Khoerngae, aqyawfmaf heulof-aer paraer-eu mae, “Tox-aer mar-iq, nga’maf ya’mawr-awr nawq-anr janlarni, nawr, bisiq bimawr-eu aqgeu jeq mr nmr-mq? Nawr gar aqgeu jeq mr-eu laer ghae-eu le?

Yoˇhaˬ 8:44

Nawmaf-aq, nawmaf-euq aqda, naef sanqpaq-anr nae dovle-awr, nawmaf-euq aqda-euq nuikhanr nawmaf mrmawf-eu mae. Aqyawf-aq, yawbae ngae nae tsawrhaq-anr saef-awr, yawtsaq yawdawr-euq lafkhoer maqjawr-a. Aqjeq mirnae aernar-aq, aqyawf-euq lafkhoer yawtsaq yawdawr jeq maqanr-a. Aqyawf jaqmyawf myawf-eu-aq, aqyawf-euq lafkhoer pyeufluf-eu lof-aer myawf-eu mae. Aqjeq mirnae aernar-aq, aqyawf-aq, jaqmyawf myawf-eu ghaq pyeuf-awr, jaqmyawf-euq aqda mae.

1 Gawˇliˬtu 1:22

Aqjeq mirnae aernar-aq, Yurdav tsawrhaq-aq, bisiq bimawr-eu jeq mawrmawf-awr, Heqlaqsar tsawrhaq-aq, zaqsiq tsawrganr-anr sharpov-eu mae.