Luˇkaꞈ 11:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, heulof-aer pyeuflar-euq mae. Yeqsur tiqgarpaw jawr-awr guiqlanq sharluf-eu mae. Aqyawf guiqlanq sharghaq ngae, aqyawf-euq zaqlanr deuq-anr nae tiq ghaq, aqyawf-anr aernaeq-eu, “Sanqpaq-or! Yorhaq, aqyawf-euq zaqlanr deuq-anr guiqlanq aqjox-aer yashar-eu la laer maeqnaeq-euq lof-aer, nga’maf-anr khawf maeqnaeq laf-awq.”

Akha

¹ Tiˬ poˆ-aˬ, Yeˬsuˇ jawˇ duˬ tiˬ tsahˇ-ahˇ guiˬ lahˬ shaˇ luꞈ-eu meh. Aˬ yawꞈ guiˬ lahˬ shaˇ gʼaˬ ngeh, aˬ yawꞈ-euˬ zaˬ lahˇ tiˬ gʼaˬ aˬ yawꞈ-ahˇ ehˇ-eu, “Sahˬpaˬ-oˇ, Yoˇhaˬ neh aˬ yawꞈ-euˬ zaˬ lahˇ deuˬ-ahˇ mehˬ nehˬ-euˬ loꞈ-ehˇ, guiˬ lahˬ aˬ joˆ-ehˇ ya shaˇ-eu gaˇ kawˆ nga maꞈ-ahˇ mehˬ nehˬ laꞈ-awˬ.”

Luˇkaꞈ 11:1 ပူးပေါင်းရင်းမြစ်များ

Jaceuq 10:17

Ya’we Miqyaer-or! Nawr, yawshaqzaq geufmawf-eu jeq-anr yagaq-euq mae. Nawr, aqyawf maf-euq nuima laeqhmq-awr, nawq-euq naqbawr ciqkhmr-awr narhaq naeq-eu mae.

Jaceuq 19:14

Ngaq-euq logur pyeuf-awr, Ngaq-anr kakhof-eu Ya’we Miqyaer-or! Ngaq-euq khaqmae-anr nae ngaeqdov lef-euq dawq, Ngaq-euq nuima-euq lafkhoer dzardziv dziv-euq jeq, Nawq-euq maeqshi, nawr nuima tsaq-eu jeq bipyeuf law.

Luˇkaꞈ 10:42

Aerkhawf, mawf-eu-aq tiqjeq jav-eu taef mae. Maqliv-aq, aqcawq maq ludov nya-eu muiqdzaeq-eu khoerjeq-anr tsergeuf-euq mae.”

Luˇkaꞈ 11:2

Khoerngae, Yeqsur heulof-aer aernaeq-euq mae, “Nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law. Nawr uvlanr-eu jeq bi keuvle law. Mq-euq khoertav nawr nuikhanr shir-eu jeq byan-eu lof-aer, mirtsaq-euq khoertav khawf bi byanle law.

Luˇkaꞈ 6:12

Khoerngae, heulof-aer pyeuflar-euq mae. Yeqsur dov-ir-awr, gawqjawq-anr davler-awr nae guiqlanq sharler-euq mae. Uqcif mirlan-aer Miqyaer-anr guiqlanq shar-euq mae.

Luˇkaꞈ 7:13

Sanqpaq Yeqsur, miqcoeq miqma khoerghaq-anr ya’mawr ngae, aqyawf-anr ghawqshaq hawgaq-awr, “Taqngoer” laer aernaeq-euq mae.

Luˇkaꞈ 7:19

Yorhaq, aqyawf-euq zaqlanr nyiq ghaq-anr kur-awr, Sanqpaq Yeqsur-anr heulof-aer bi narhaq-ir-euq mae. “Oe taef-a laer aer-eu khoerghaq, nawr ma lor? Maqngeur nar-aq, nga’maf yawqghaq yawq-anr parya dawq-a siq laq?”

Luˇkaꞈ 9:18

Tiqpov-aq, Yeqsur tiq ghaq taef-aer guiqlanq sharluf ngae, zaqlanr deuq khawf aqyawf naeq-aer jawr-eu mae. Khoerngae, Yeqsur, aqyawf maf-anr narhaq-eu, “Tsawrhaq armaf mafma, ngaq-anr aqsur ghaq nga laer aerluf-eu la?”

Luˇkaꞈ 9:28

Khoerlof-aer aerghaq-awr yaef nan aerghaqni byanlar ngae, Yeqsur-aq, Beqtuvluv, Yorhaq hawr-eu Yaqkov sheuq-awr gawqjawq-anr guiqlanq sharler-eu laer le-euq mae.

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.

Yuˇdaˆ 1:20

Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.