Luˇkaꞈ 10:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Aerkhawf, mawf-eu-aq tiqjeq jav-eu taef mae. Maqliv-aq, aqcawq maq ludov nya-eu muiqdzaeq-eu khoerjeq-anr tsergeuf-euq mae.”

Akha

⁴² Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Luˇkaꞈ 10:42 ပူးပေါင်းရင်းမြစ်များ

Jaceuq 119:111

Nawq-euq dawqdzawr-aq, ngaq-euq nuima gharduq laqkhaq caer-eu jeq pyeuf-eu mirnae, Mqmaq maqbyav yarzir ngaq-euq jeqbir pyeuf-eu mae.

Jaceuq 119:173

Ngar, nawq-euq maeqdawq-anr tsergeuf-eu mirnae, Nawq-euq aqlaf, ngaq-anr cawba naeqlaf-awq.

Jaceuq 119:30

Ngar, yawtsaq yawdawr-euq garma tsergeuf-awr, Nawq nae dartsaev-euq jeq, ngaq-euq maeqshi bijav-euq ma.

Jaceuq 142:5

Ya’we Miqyaer-or! Ngar, nawq-anr gurgaq-eu ma. Ngar heulof-aer aer ma: “Nawr-aq, ngaq-euq caevzafduq pyeuf-awr, Yawdaefzaq jawr-eu mirtsaq-euq khoertav, ngaq-euq shaqbymr ma.

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

Jaceuq 27:4

Ngar, Ya’we Miqyaer-anr nae tiq jeq geufmawf mir-a, Khoerjeq-anr ngar pov-eu ma. Khoer-aq, ngar khardaef-eu arnan aryamq dawqtawvluf, Ya’we Miqyaer-euq nymr-euq lafkhoer jawr-awr nae, Hawmuiq-eu Ya’we Miqyaer-euq yawmuiq-anr hawhaw-aer, Aqyawf-euq uqduq tanqnymr nymrma-euq lafkhoer narhaqtser mawf mir-a.

Jaceuq 73:25

Mq-euq khoertav, nawr maqngeur nar-aq, ngar, aqsur ghaq parjawr-eu? Mirtsaq-euq khoertav, nawr maqngeur nar-aq, Ngar geufmawf-eu tiqghaq-iq maqjawr.

Maˬkuˆ 8:36

Tsawrhaq tiq ghaq mirtsaq dawqtawvluf za-euq khawf, aqyawf-euq nuima saflar yasmq nar-aq, aqyawf-euq gharduq aqjeq gardanr tsoeq-eu la?

Luˇkaꞈ 10:39

Maqta-aq, Maqliv laer kur-eu aqnyir tiq ghaq jawr-eu mae. Maqliv-aq, Yeqsur-euq aqkuir-euq dawqpae nuir-awr, aqyawf-euq dawq narhaq luf-eu mae.

Luˇkaꞈ 11:1

Khoerngae, heulof-aer pyeuflar-euq mae. Yeqsur tiqgarpaw jawr-awr guiqlanq sharluf-eu mae. Aqyawf guiqlanq sharghaq ngae, aqyawf-euq zaqlanr deuq-anr nae tiq ghaq, aqyawf-anr aernaeq-eu, “Sanqpaq-or! Yorhaq, aqyawf-euq zaqlanr deuq-anr guiqlanq aqjox-aer yashar-eu la laer maeqnaeq-euq lof-aer, nga’maf-anr khawf maeqnaeq laf-awq.”

Luˇkaꞈ 12:20

Aerkhawf, Miqyaer, aqyawf-anr aernaeq-eu, ‘Aqdzawq argan-or! Nymrcif nae ngar, nawq-euq saflar yurkhof ma. Tox-aer mar-iq, nawq nae povuiq taq-euq deuq, aqsur ghaq-euq pyeuf-ir-eu jeq la?’

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 16:2

Smrmuiq aqda khoerghaq, aqyawf-anr kur-awr aernaeq-eu, ‘Nawq-euq garkawv ngaq nae yagaq-euq khoer aqjox-aer la? Nawr myawqganq hawpir-eu nanqmyaq sanqbof khoer ngaq-anr bifnaeq laf-awq. Aqkar nar-aq, nawq-anr myawqganq hawpir-eu ghaq maqpar bigeuf ma.’

Luˇkaꞈ 16:25

Aqbyaqhaq heulof-aer aernaeq-euq mae, ‘Aqli-or! Nawr yawdaefdaef ngae, yawmuiq bymr yatawv-awr, Laqzaqlur-aq, yawdoer jeq za-euq gar taqngaer de-eq. Nymq-mr aqyawf heugar nuisar of-eu lafkhoer yajawr-awr, nawr-aq, shaqdui zanq duidui-eu gar ya daqluf-eu mae.

Luˇkaꞈ 18:22

Yeqsur dawq khoerdawq-anr yagaq ngae khoerghaq-anr aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae jir-awr, irshaqzaq-anr birnaeq-ir-awq. Khoerlof-aer janr nar-aq, mq-euq khoertav zawr poeq-eu pyurshuir myawqganq jav taef-a. Khoernar-aq, lar-awr ngaq-euq maeqnan cantae lar-awq.”

Luˇkaꞈ 8:18

Khoermirnae, nawmaf aqjox-aer narhaq-eu le laer yanr-awq. Aqjeq mirnae aernar-aq, jav-eu tsawrhaq-anr par biflanq naeq-awr, maqjav-eu tsawrhaq-anr-aq, jav ma laer noeq-euq jeq khawf yurdovjir naeq taef-a.”

Yoˇhaˬ 11:1

Khoerngae, Laqzaqlur laer kur-eu tiq ghaq narluf-eu mae. Aqyawf-aq, Maqliv hawr-eu Maqta aqnyafnmr jawr-eu Beqtaqnir pu-anr jawr-eu mae.

Yoˇhaˬ 11:19

Yurdav tsawrhaq ghawqmya’ni, Maqliv hawr-eu Maqta jawr-eu gar lar-awr, aqnyaf nmr-euq aqmanr shir-euq mirnae, aqyawfnyaf nuima bi sarlar-eu gharduq lartaq-euq mae.

Yoˇhaˬ 12:3

Khoerngae, Maqliv-aq, naqdur laer kur-eu zawr poeq-eu tsir yawsaw smq kar yur-awr, Yeqsur-euq aqkuir-anr shaevlaef naeq-euq mae. Khoernar-aq, aqyawf-euq uqduq-euq tsaerkanr nae Yeqsur-euq aqkuir-anr sivshawr-euq mae. Tsir yawsaw khoer, nymr nymrlan-aer sawkheufni jav-eu mae.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

1 Gawˇliˬtu 13:3

Ngar kharjav-eu myawqganq dawqtawvluf shaqzaq-anr bidzaq-eu laer bifjir-awr, ngaq-euq mawrdo miqdzaq-anr bi puivpeuq-eu khawf, gaq-eu jeq maqanr nar-aq, ngaq-euq gharduq tiqjeq-iq gardanr maqtsoeq-a.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.