Luˇkaꞈ 10:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf ir-awq. Hawsher-eq, ngar, nawmaf-anr khaqyaer baqmaf-euq tsanq-anr yawrzaq pyaequr ghae-eu lof-aer, khaerghae-eu ma.

Akha

³ Naw maꞈ doˆ-iˇ-awˬ. Kʼaˬ yehˇ yehˇ maꞈ laꞈ kʼoeˇ yawˇ zaˬ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ uˇ gʼeh-eu ma.

Luˇkaꞈ 10:3 ပူးပေါင်းရင်းမြစ်များ

Jaceuq 22:21

Nawr, ngaq-anr ngaeqghae-awr, naefnyoq-euq uqcoer-anr nae bidzeur-ir naeqlaf-euq mae. Ngaq-anr arlaqjaqshir-euq khaqmae-anr nae, bibuq-ir naeqlaf-awq.

Maꞈtehˬ 10:16

“Hawsher-eq, ngar, nawmaf-anr khaqyaer baqmaf-euq tsanq-anr, yawr pyaequr ghae-eu lof-aer khaerghae-eu ma. Khoermirnae, nawmaf, arlawr lof-aer zaqsiq tsawrganr anr-awr, khaqkhoeq lof-aer aqcawq-anr maqcoeq maqcivni jawr-awq.

Maꞈtehˬ 10:22

Khoeruqtaf, ngaq-euq tsawrmyanr baqda’nae tsawrhaq dawqtawvluf, nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Maꞈtehˬ 7:15

“Nawmaf, Miqyaer gharduq ngaeqdan-eu jaqmyawf deuq-anr yanr-awq. Aqyawfmaf, lafnyir paw yawrzaq-euq bawkhov tsanrkaq taq-awr, lafkhoer paw-aq, zawr zir-eu khaqyaer pyeuf-awr nawmaf jawr-eu gar lar-eu mae.

Luˇkaꞈ 10:4

Pyur pawqbaev, paertanr hawr-eu saeqnawv taq yurghae. Garpaer canluf ngae, aqcawq-anr dawqcawq puqpuq-aer taqjawr.

Yoˇhaˬ 10:12

Aqdir yawr bo-eu ghaq maqngeur-aer ghaqmanr manrdzaq-eu tsawrhaq-aq, yawqha-euq yawr maqngeur-eu mirnae, khaqyaer lar-eu gar ya’mawr ngae, yawrdeuq-anr byaerdzae-awr caev-eu mae. Khaqyaer khoer yawrdeuq-anr sheu-awr, aqyawf maf-anr taebyav-eu mae.

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Yoˇhaˬ 16:2

Aqcawq, nawmaf-anr zanrdawq khawqnymr-anr nae taedov naeqlaf taef-a. Khoeruqtaf, nawmaf-anr saef-eu aqsur ghaq maqkaq, aqyawf, Miqyaer-euq gar mr-eu ma laer noeq-eu aryamq keuvle luf-eu mae.

Gʼaˬkʼehˇ 20:29

Ngar dov-ir dzeur-euq nar-aq, zawr ghae-eu khaqyaer deuq, nawmaf-euq ghanrcae urlar-awr, yawr yawrmaf-anr lavcawv duidui taef-a laer ngar siqnya ma.

Gʼaˬkʼehˇ 9:16

Ngaq-euq tsawrmyanr baqda’nae, aqyawf shaqzanq ghawqmya jeq yadaq-a laer ngar, aqyawf-anr bimawr ma.”

Gʼaˬkʼehˇ 9:2

Kali-euq Garma khar tawqluf-eu zaqmiq aqbur, zaqyo aqli-anr ya’mawr nar-aq, aqyawf, aqyawf maf-anr paf-awr Yeqlursaqlaeq-anr sheuqghaeni, Daqmaqsaer-anr jav-eu zanrdawq khawqnymr-anr bif-eu sanqbof sharler-euq mae.