Luˇkaꞈ 10:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Heudeuq dawqtawvluf ngaqDa nae, ngaq-anr bifnaeq laf-euq mae. Aqda maqngeur nar-aq, Zaqyo aqsur ghaq-a laer tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda aqsur ghaq-a laer tiqghaq-iq maq siqnya-a.”

Akha

²² “Yawˬ jeˬ naˬ luꞈ ngaˬ Da neh ngaˬ-ahˇ a nehˬ jiˇ laꞈ-euˬ meh. Zaˬmaˇ-aˬ, aˬ suˇ gʼaˬ-a lehˇ, Aˬda maˬ ngeuˇ naˇ tiˬ gʼaˬ-iˬ maˬ siˬ nya-a. Kʼoeˇ loꞈ-ehˇ duˇ ni, Aˬda-aˬ, aˬ suˇ gʼaˬ-a lehˇ, Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ deuˬ maˬ ngeuˇ naˇ, tiˬ gʼaˬ-iˬ maˬ siˬ nya-a.”

Luˇkaꞈ 10:22 ပူးပေါင်းရင်းမြစ်များ

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Yoˇhaˬ 10:15

Khoerlof-aer durni, Aqda, ngaq-anr siqnya-awr, ngar khawf Aqda-anr siqnya-eu ma. Ngar, ngaq-euq daefzir yawrdeuq-euq gharduq shirdan peuq-eu ma.

Yoˇhaˬ 13:3

Aqda Miqyaer nae aqyawf-euq aqlaf-euq lafkhoer yawqjeq navluf a’naeq jir-awr, aqyawf, Miqyaer jawr-eu gar nae oe-awr, Miqyaer jawr-eu gar ya ghofler-eu mae laer Yeqsur siqnya luf-eu mae.

Yoˇhaˬ 17:10

Ngaq-euq dawqtawvluf nawq-euq mae. Nawq-euq dawqtawvluf khawf ngaq-euq ma. Heudeuq-euq baqda’nae ngar yawshaef khanqsaer za-euq ma.

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Yoˇhaˬ 17:26

Nawq nae ngaq-anr gaqnaeq laf-euq, gaq-eu jeq khoer, aqyawf maf-euq lafkhoer anr-awr, ngar khawf aqyawf maf-euq lafkhoer yajawrni, ngar, aqyawf maf-anr nawq-euq tsawrmyanr dzawrmaeqnaeq dzeur-euq khawf, pardzawr maeqnaeq le siq.”

Yoˇhaˬ 17:5

Aqda-or! Mirtsaq maqbae-euq minav-aer, ngar, nawq naeq-aer jawr ngae jav-euq yawshaef khanqsaer khoer, nymq-mr nawq naeq-aer tiqkawv lof-aer yawshaef khanqsaer biza naeqlaf-awq.

Yoˇhaˬ 3:35

Aqda, Zaqyo-anr gaq-awr, yawqjeq navluf aqyawf-euq aqlaf-euq lafkhoer a’naeq jir-euq mae.

1 Gawˇliˬtu 15:24

Khoernar-aq, arsaq saq-eu aryamq keuvle taef-a. Khoerngae, dzoeqluf-eu deuq dawqtawvluf, aryaq hawr-eu baoq dawqtawv luf-anr Kali lavcawv-awr, uvlanr-eu jeq Aqda Miqyaer-anr a’naeq taef-a.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Eˇpeˇsu 1:21

Kali-aq, mqsanr deuq, aryaq deuq, baoqdeuq, sanqpaq deuq hawr-eu tsawrmyanr khar myanrtaq-euq dawqtawv luf-euq khoertav huiq-eu ghaq pyeuf-awr, heuzir-anr taef-aer maqngeur-eu, aqkar karzir-anr khawf, huiq-eu ghaq pyeuf-eu mae.

HeˬByehˇ 2:8

nawr, yawqjeq navluf aqyawf-euq aqkuir-euq uqmov bijawr bijav-euq mae.” (Jc 8:4-6) Yawqjeq navluf aqyawf-euq uqmov bijawr bijav-eu laer aer-eu-aq, aqyawf-euq uqmov maqbi jawr maqbi javni tiqjeq-iq maqbi dzerlar-aq. Aerkhawf, nymq-mr keuvni-aq, kharjawr kharjav-eu jeq aqyawf-euq uqmov jawrluf-eu gar aqdui maqya mawr-aq siq.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

2 Yoˇhaˬ 1:9

Kali-euq dawqmaeq dawqtsov-euq lafkhoer maqdaefni, daefbanq daeflaeq-eu aqsur ghaq maqkaq, aqyawf-euq lafkhoer Miqyaer maqjawr-a. Kali-euq dawqmaeq dawqtsov-euq lafkhoer daef-eu aqsur ghaq maqkaq, Aqda Miqyaer hawr-eu Zaqyo-anr taf-eu mae.