Luˇkaꞈ 10:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, Yeqsur, Yawshawr Saflar-euq baqda’nae laqkhaq caer-awr heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-euq mae. Aqda-or! Heu-aq, nawr nuima tsaq-eu jeq pyeuf-eu mae.

Akha

²¹ Kʼoeˇ ngeh, Muiˬ-eu shawˇ-eu Yaw sahˇ Miˬyehˇ laꞈ kʼoeˇ Yeˬsuˇ laˬ kʼaˬ cehˇ-awˇ, heu loꞈ-ehˇ ehˇ-eu meh. “Mˬ sahˇ Sahˬpaˬ miˇ sahˇ Sahˬma pyeuꞈ-eu Aˬda-oˇ, nawˬ-euˬ guiˬ lahˬ-ahˇ ngaˇ ja ceuˬ-eu ma. Aˬ jeˬ miˇ neh ehˇ naˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu, siˬ-eu nya-eu tsawˇ haˬ deuˬ-ahˇ, gaˇ kawˆ heu deuˬ nawˇ zaꞈ taˬ-awˇ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ nehˬ-euˬ meh. Nawˬ-euˬ gʼawˬ shaˬ gaˬ-eu jeˬ baˬ da neh, nawˇ kʼoeˇ loꞈ-ehˇ jahˇ nehˬ laꞈ mawꞈ-eu jeˬ pyeuꞈ-eu meh.

Luˇkaꞈ 10:21 ပူးပေါင်းရင်းမြစ်များ

Jaceuq 24:1

Mirtsaq hawr-eu mirtsaq-euq khoertav kharjawr kharjav-eu yawqjeq navluf, Ya’we Miqyaer-euq mae; Mirtsaq tanqkhawr hawr-eu mirtsaq tanqkhawr-euq lafkhoer daef-awr jawr-eu deuq khawf, aqyawf-euq mae.

Jaceuq 25:14

Ya’we Miqyaer nae zaftaq-euq jeq-aq, aqyawf-anr guv-eu tsawrhaq deuq naeq-aer jav-awr; Aqyawf, aqyawf maf-anr aqyawf-euq dawqma sarjax bimawr-eu mae.

Jaceuq 8:2

Nawq-anr muir-eu deuq-euq baqda’nae, Nawr, zaqnanq hawr-eu aqcoer dawrzaq-euq khaqmae-anr ghoe-awr nawq-euq baoq bi dovlar-euq mae. Khoer-aq, muir-eu tsawrhaq hawr-eu lafpov povkhof-eu tsawrhaq-anr lavnaq-eu gharduq mae.

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Maꞈtehˬ 21:16

Aqyawfmaf, Yeqsur-anr narhaq-eu, “Zaq heudeuq aqjeq laer gurluf-eu nawq-anr gaqlar mir-a lor?” Yeqsur aerkhof naeq-eu, “Gaqlar mir-a-eq. ‘Zaqnanq deuq hawr-eu aqcoer dawrzaq deuq-euq khaqmae-anr nae, Byan duidui-eu jaceuq-eu dawq, nawr bi dovlar-eu mae’ (Jc 8:2) laer boftaq-euq gar nawmaf maq guihaw-aq laq?”

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Maˬkuˆ 10:15

Ngar, nawmaf-anr aqdirma-aer aernaeq nyar, zaq yawnyir tiq ghaq lof-aer Miqyaer uvlanr-eu jeq-anr maq hageuf-eu aqsur ghaq maqkaq, Miqyaer uvlanr-eu jeq-anr tiqjeq ghaenae-iq maqya urler-ar.”

Luˇkaꞈ 15:5

Povmawr-euq nar-aq, laqkhaq caertavni bafpu-anr bafdav taef-a.

Luˇkaꞈ 15:9

Povmawr ngae, aqyawf-euq cawqdeuq hawr-eu dawqpae jawr-eu deuq-anr kur-awr aernaeq-eu, ‘Ngaq nae bi gabyov-euq pyur khoerbyav povmawr khof-euq mirnae, nawmaf, ngaq naeq-aer laqkhaq cawcaer lar-awq.’

Yoˇhaˬ 11:41

Khoerngae, aqyawfmaf, shir-euq khoerghaq bafpanq taq-euq gar nae, khaqlo ngawqdzae-euq mae. Yeqsur mq paw ghawrleur-awr heulof-aer aer-eu mae, “Aqda-or! Nawr, ngaq-euq shardawq-anr narhaq-eu mirnae, ngar, nawq-anr jaceuq ma.

2 Gawˇliˬtu 4:3

Nga’maf maeqluf-eu guiqlanq dawq-anr daeqkaq taq-euq jav-eu ngeur nar-aq, cawv-ir luf-eu tsawrhaq-euq gharduq daeqkaq taq-euq mae.

Eˇpeˇsu 1:11

Aqdui khawf Kali-euq lafkhoer jeqbir of-eu tsawrhaq pyeuflar-euq ma. Miqyaer-euq arpyar jav-eu lof-aer, aqyawf yawbae ngae nae tserdov taq-awr, dawqtawv luf-euq lafkhoer aqyawf nuinoeq nuidur jav-awr nuima tsaq-eu lof-aer mr-euq mae.

Eˇpeˇsu 1:5

Miqyaer nuima tsaq-awr nuikhanr shir-eu lof-aer, Yeqsur Kali-anr ghoe-awr nae aqdui, aqyawf-euq zaq pyeuflarni, Miqyaer yawbae ngae nae tserdov taq-euq mae.