Luˇkaꞈ 10:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aerkhawf, naefdeuq, nawmaf-euq aerdawq narhaq-eu mirnae laqkhaq taqcaer. Mq-euq khoertav nawmaf-euq tsawrmyanr bofanr taq-euq mirnae laqkhaq caer-awq.”

Akha

²⁰ Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Luˇkaꞈ 10:20 ပူးပေါင်းရင်းမြစ်များ

Jaceuq 69:28

Aqyawf maf-anr daef-eu deuq-euq tsawrmyanr-euq sanqbof-anr nae sivdzae naeq-awr, Tsaq-awr dawr-eu tsawrhaq-euq tsawrmyanr naeq-aer taq boftaq.

Maꞈtehˬ 10:1

Khoernar-aq, Yeqsur, aqyawf-euq zaqlanr 12 ghaq-anr kurlaf-awr, naef yawjawf deuq-anr taedov nya’ni, nar-awr gawr-eu kharngeur-eu jeq hawr-eu nargawr yawqjeq navluf lavtaq nya’ni, aqyawf maf-anr aryaq bif-euq mae.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Maꞈtehˬ 27:5

Yurdav-aq, pyur khoer uqduq tanqnymr nymrma-euq lafkhoer biqanr yaf-awr dov-ir-awr nae, yawqhar yawqha pafsaef-ir-euq mae.

Piˇliˇpiˆ 4:3

Aqdir ngaq-euq gar mrcawq pyeuf-eu ghaq-or! Zaqmiq aqbur heu nyiq ghaq-anr cawba naeq-awq laer ngar, nawq-anr khawf shar-eu ma. Aqyawfnyaf, ngaq naeq-aer guiqlanqdawq maeq-eu gar mr-euq mae. Gaqleqmeq hawr-eu ngaq-euq gar mrcawq nuideuq khawf, aqyawf maf-euq tsawrmyanr Daef-eu jeq bif-eu sanqbof-euq lafkhoer bofanr taq-euq mae.

HeˬByehˇ 12:23

Mq-euq khoertav bofanr taq-euq huqbaw zaqyo deuq-euq Kalizaq armur uiqlar duq-anr larkeuv-euq mae. Tsawrhaqzaq yawqghaq navluf-anr yarkhaq dar-eu Miqyaer hawr-eu, bi byanlar-euq tsaq-awr dawr-eu tsawrhaq-euq saflar khawf jawr-eu mae.

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Panmaeq 17:8

Nawq nae mawr-euq jeqzaq yawghae khoermawr-aq, arhu jawr-euq khawf, nymq-mr maqpar jawr-aer, aqkar li-eu maqbaw-eu duqkhanq-anr nae dovlar-awr, cawv-ir-eu jeq-euq lafkhoer ya’ur-ir-eu mae. Mq hawr-eu mir bae ngae nae, Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav daef-eu tsawrhaq deuq-aq, jeqzaq yawghae heumawr-anr ya’mawr ngae zanq duidui ler taef-a. Aqjeq mirnae aernar-aq, jeqzaq yawghae heumawr-aq, arhu jawr-euq khawf, nymq-mr maqjawr-aer, aqkar par jawrlar-eu mae.

Panmaeq 20:12

Khoernar-aq, ngar, shir-euq tsawrhaq huiqzaq nyirzaq dawqtawvluf, Miqyaer-euq maeqshi yawfluf-eu gar ya’mawr-euq ma. Khoerngae, sanqbof ghawqmya dmq pantaq-euq mae. Daef-eu jeq bif-eu sanqbof khawf pantaq-euq mae. Shir-euq tsawrhaq deuq nae mr-awr shar-euq deuq, sanqbof khoerdeuq-euq lafkhoer bofanr taq-euq mae. Bofanr taq-euq khoerdeuq-anr hawhaw-aer geuxni aqyawf maf-anr yarkhaq darnaeq-eu mae.

Panmaeq 20:15

Khoernar-aq, Daef-eu jeq bif-eu sanqbof-euq lafkhoer tsawrmyanr maqanr-eu tsawrhaq yawqghaq navluf, miqdzaq-euq lan-anr bi dzaepuf jir-euq mae.

Panmaeq 21:27

Aerkhawf, maqshawr-eu aqgeu jeq maqkaq, meuq heumeuq-anr maqya urler-a. Nuidav davlar paq-aer ghae-eu hawr-eu jaqmyawf myawf-eu tsawrhaq-aq, meuq heumeuq-anr maqya urler-a. Yawrzaq-euq Daef-eu jeq bif-eu sanqbof-euq lafkhoer, tsawrmyanr bofanr taq-euq tsawrhaq taef-aer ya urler-eu mae.

Panmaeq 3:5

Ghaqler-eu tsawrhaq-aq, maeqtsoeq yawpyur yadm taef-a. Ngar, aqyawf-euq tsawrmyanr, Daef-eu jeq bif-eu sanqbof-anr nae maq sivbyovni, ngaqDa hawr-eu aqyawf-euq mqtav ghaqkhaer deuq-euq maeqshi, aqyawf-euq tsawrmyanr aerdov ma.