Luˇkaꞈ 10:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, Yeqsur, aqyawf maf-anr heulof-aer aernaeq-euq mae, “Caer yaeqder lar-euq ghawqmya’ni jav-eu khawf, caer yaeq-eu tsawrhaq yawcuiv nga. Khoermirnae, aqyawf-euq caeryar-anr caer yaeq-eu tsawrhaq bi oeni, nawmaf caeryar-euq Yawsanr ghaq-anr shar-awq.

Akha

² Aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Cehˇ yehˬ deˇ laˇ-euˬ jaˆ dui dui meh. Ehˇ kʼawꞈ, yehˬ-eu tsawˇ haˬ ui cuiˆ tehꞈ meh. Kʼoeˇ miˇ neh, cehˇ yehˬ-eu tsawˇ haˬ gʼawˬ mya ni bi oe-eu gʼaˇ duˬ, deh ma Yaw sahˇ gʼaˬ-ahˇ shaˇ-awˬ.

Luˇkaꞈ 10:2 ပူးပေါင်းရင်းမြစ်များ

Jaceuq 68:11

Sanqpaq Miqyaer, dawq bifdov lef-euq, Tsawrhaq-euq baqmaf mafma dawq khoer dzawrgaq-eu mae.

Maꞈtehˬ 20:1

“Aqjeq mirnae aernar-aq, mqtav mirkhanq-aq, heulof-aer dur-eu mae, yarsanr aqda tiq ghaq uqshawq yawnaf-aer dov-ir-awr, aqyawf-euq aqgaf yarkmr-euq lafkhoer ghaqmanr manrdzaq-eu tsawrhaq pov-ir-euq mae.

Maˬkuˆ 13:34

Aryamq khoer-aq, tsawrhaq tiq ghaq, yawqkhanq yawqmir yawq-anr ir-euq gar dur-eu mae. Aqyawf ir-eu laer ghae ngae, zaqkhav yawqghaq navluf-anr aryaq bif-awr, gar khawf birnaeq yaf-euq uqtaf, larghov-anr lof-eu ghaq-anr khawf, yawbeur beur-aer lofni dawq bifyaf-euq mae.

Maˬkuˆ 16:15

Khoernar-aq, Yeqsur, aqyawf maf-anr heulof-aer aernaeq-euq mae: “Mirtsaq doeni ir-awr, tsawrhaq dawqtawv luf-anr guiqlanqdawq maeqnaeq-ir-awq.

Maˬkuˆ 16:20

Zaqlanr deuq dov-ir-awr, yawqgar navluf dawqmaeq maeq-ir-euq mae. Sanqpaq Miqyaer, aqyawfmaf naeq-aer gar mr-awr, aqyawfmaf nae maeq-euq dawq bi duqdzaeq larni, bisiq bimawr-eu jeq khawf bi mawrluf-eu mae. Aqmeq.

Luˇkaꞈ 9:1

Yeqsur, ghaqkhaer 12 ghaq-anr kuruiq-awr, naef dawqtawv luf-anr ghaqlerni hawr-eu nargawr kharngeur-eu jeq-anr lavtaqnaeq nya’ni, aqyawf maf-anr baoq hawr-eu aryaq bif-euq mae.

Gʼaˬkʼehˇ 11:19

Saqteqpaq-anr khaeq-awr khav-euq mirnae, jawrbyav taq-euq tsawrhaq khoerdeuq, Pirnir mirkhanq, Gurbaqlur irjawlanr hawr-eu Aqdirawq-anr keuvni ir-awr, Yurdav tsawrhaq-anr taef-aer dawqmaeq maeqnaeq-euq mae.

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Gʼaˬkʼehˇ 13:4

Khoermirnae, Yawshawr Saflar, aqyawf nyaf-anr khaer-eu lof-aer, Seqlurgir meuq-anr irka-awr, khoergar nae lawq-anr dziq-awr, Gurbaqlur irjawlanr-anr irghae-euq mae.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 22:21

Khoerngae, aqyawf, ngaq-anr aernaeq laf-eu, ‘Nawr ir-awq. Ngar, nawq-anr garmanr kaq-eu gar jawr-eu aqcawq tsawrjeuq tsawrca jawr-eu gar khaerghae-eu ma.’ ”

Gʼaˬkʼehˇ 8:4

Caevbyav ghae-euq khoerdeuq, khar irkeuv-euq gar Yaerdawq maeqnaeq-euq mae.

1 Gawˇliˬtu 12:28

Miqyaer, tsawrhaq heudeuq-anr Kalizaq armur-euq lafkhoer bijawr-euq mae. Tif, ghaqkhaer deuq, nyif, Miqyaer gharduq ngaeqdan-eu deuq, smr, maeqnaeq tsovnaeq-eu deuq mae. Khoernar-aq, khavjeq-aer ghae-eu jeq mr-eu deuq, nargawr lavtaq-eu lafsawq za-euq deuq, aqcawq-anr cawba-eu deuq, dzoeqdzaq mr-eu deuq hawr-eu dawqbav ghawqmya jeq bav-eu deuq-anr bijawr-euq mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

Piˇliˇpiˆ 2:21

Tiqghaq-iq Yeqsur Kali-euq gharduq maq sharnoeq-aer, yawqghaq navluf yawqha-euq gharduq taef-aer povluf-eu mae.

Piˇliˇpiˆ 2:25

Ngaq-euq maernmr Irbaqpawqdir-anr nawmaf jawr-eu gar bighofle-eu tsaq-eu paq laer khawf ngar sharnoeq luf-eu ma. Aqyawf-aq, ngaq-euq gar mrcawq hawr-eu, saflar paw-euq guirdeuv deuvcawq mae. Nawmaf nae ngar mawf-eu jeq-anr bi cawba-eu laer khaerlef-euq tiq ghaq khawf pyeuf-eu mae.

Piˇliˇpiˆ 2:30

Aqjeq mirnae aernar-aq, nawmaf nae ngaq-anr maq cawba jirnya-euq jeq-anr cawba-eu gharduq, aqyawf-euq daefzir lawrnaeq-awr, shirtaw taeqni Kali-euq gar mr-euq mae.

Gawˇlawˇsehˇ 1:29

Kali, ngaq-euq lafkhoer baoq huiq duidui-eu jeq nae gar mrluf-eu gar ghoe-awr, teu-euq gharduq ngar khawf laejae-awr gar mrluf-eu ma.

Gawˇlawˇsehˇ 4:12

Nawmaf-euq lafkhoer Kali-euq kuirlaf zaqkhav pyeuf-eu Irbaqpaqlar, nawmaf-anr dawqcawq puqanr lef-euq mae. Nawmaf, Miqyaer nuima tsaq-eu yawqjeq navluf-euq lafkhoer, zifdanni yawfnya lar-awr byanlarni, aqyawf aqmyanluf laejae-awr guiqlanq yawkhav-aer sharluf-eu mae.

1 Teˇsaˬloˇni 2:9

Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

1 Teˇsaˬloˇni 5:12

Aqyuif aqnyir deuq-or! Nga’maf, nawmaf-anr heulof-aer shar-eu ma. Nawmaf-euq ghanrcae laejae-awr mr-eu tsawrhaq-anr yawzeu baw-awq. Aqyawf maf-aq, Sanqpaq Yeqsur-euq lafkhoer nawmaf-anr uvlanr-awr maeqbawq bif-eu mae.

2 Teˇsaˬloˇni 3:1

Aqyuif aqnyir deuq-or! Arsaq saq-eu dawq-aq heulof-aer ma. Sanqpaq Miqyaer-euq dawq, nawmaf-euq ghanrcae yawkawr-aer gaqdoe le-awr, nawmaf ciqpoeq-eu lof-aer, yawqgar navluf khoerlof-aer pyeuflarni, nga’maf-euq gharduq guiqlanq sharcaw naeqlaf-awq.

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

2 Tiˆmoˇseˬ 4:5

Aerkhawf, nawr-aq, yawqjeq navluf-euq lafkhoer yawqha-euq nuima-anr ghaqler-eu tsawrhaq pyeuf-awq. Shaqzanq nargawr-anr daq-awr, guiqlanqdawq maeq-eu uqtaf, nawq-euq guiqlanq-euq gar mrluiv-awq.

Piˇleˇmoˬ 1:1

Ngar-aq, Yeqsur Kali-euq gharduq kuv-anr urluf-eu Pawrluv ma. Aqnyir Tivmorseq nga’nyaf, nga’nyaf zawr gaq-eu gar mrcawq Pirlermoq-anr maqaer,

HeˬByehˇ 3:6

Aerkhawf, Kali-aq, Miqyaer-euq nymrkhanq-anr hawlanr-eu Zaqyo mae. Aqdui khawf arsaqsaq ngae keuvni, nuima khaqduqni ghae-eu jeq hawr-eu, nuima huiqkhar za-eu noeqtmq-eu jeq-anr zifdanni tuvtaeqtaq nar-aq, aqdui, aqyawf-euq nymrkhanq-euq lafkhoer yajawr mae.

Panmaeq 2:1

“Erpersu Kalizaq armur-euq mqtav ghaqkhaer-anr heulof-aer bofnaeq-awq: ‘Armar laf-anr aqguir shif siq nyaeftaeq taq-awr, shuir nae janr-euq tsirkhmq dofdavduq shif hmq-euq ghanrcae canluf-eu khoerghaq heulof-aer aer-eu mae: