Luˇkaꞈ 1:80 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸⁰ Zaq heughaq huiqlar-awr, saflar khawf ghaq khavlar-euq mae. Aqyawf, Irsaqleqlav tsawrhaq-euq maeqshi maq dovlar-euq khoerkeuvni, bawrtsanq-anr jawr-euq mae.

Akha

⁸⁰ Aˬ li kʼoeˇ li huiˬ laˇ-awˇ, nui ma gʼawˇ mawˇ nyiˬ jeˬ luꞈ huiˬ laˇ mahˇ laˇ luꞈ-eu meh. Iˇsaˬleˬlaˆ tsawˇ haˬ deuˬ mehˬ shi aˬ yawꞈ maˬ doˆ laˇ kʼoeˇ keuˆ ni, bawˇ tsahˬ bawˇ dahˇ-ahˇ jawˇ-euˬ meh.

Luˇkaꞈ 1:80 ပူးပေါင်းရင်းမြစ်များ

Maꞈtehˬ 11:7

Yorhaq-euq zaqlanr deuq ghofdov-ir luf ngae, Yeqsur danqbae-awr, Yorhaq-euq garkawv tsawrhaq armaf mafma deuq-anr heulof-aer aernaeq-euq mae: “Nawmaf bawrtsanq bawrdanr-anr ir-awr aqjeq-anr haw-eu laer ir-euq le? Jaqlaer baw-eu mirnae nyaeluf-eu artof-euq arkanq-anr laq?

Maꞈtehˬ 3:1

Khoerngae yamq-anr, Bartirsaq mrnaeq-eu Yorhaq dovlar-awr, Yurdav mirkhanq-anr jav-eu bawrtsanq bawrdanr-anr jawr-awr dawqmaeq heulof-aer maeqluf-eu mae,

Luˇkaꞈ 1:15

Aqyawf, Sanqpaq Miqyaer-euq maeqshi yawhuiq yawmanr ghaq pyeuflar taef-a. Aqyawf-aq, aqgaf dzaruir yawtav hawr-eu aqgaf dzaruir yawbyawq khawf maqdawr-ar. Aqma-euq uqmav-euq lafkhoer ur ngae nae, Yawshawr Saflar tiqbyanni byan taef-a.

Luˇkaꞈ 2:40

Zaq khoerghaq huiqlar-awr, saflar khawf ghaq khavlar-euq uqtaf, zaqsiq tsawrganr tiqbyanni anrlar-awr, Miqyaer-euq guiqlanq yawdzanr khawf, aqyawf-euq khoertav jav-eu mae.

Luˇkaꞈ 2:52

Yeqsur-aq, zaqsiq tsawrganr hawr-eu mawrdo huiqlar-awr, Miqyaer khawf, tsawrhaqzaq khawf, aqyawf-anr ghoer mr-eu mae.

Yoˇhaˬ 1:31

Yawbae ngar, aqyawf-anr maq siqnya-aq. Aerkhawf, Irsaqleqlav-anr panmaeq naeq-eu gharduq, nymq-mr ngar oe-awr bartirsaq mrnaeq luf-eu ma.”

Gʼaˬkʼehˇ 18:28

Aqjeq mirnae aernar-aq, Yeqsur-aq, Kali mae laer Yaerbof panpan-aer tsawrhaq dawqtawv luf-euq maeqshi, Yurdav tsawrhaq naeq-aer tsawrpyaer pyaer ngae, aqyawf pyaerghaq nya-eu mae.