Luˇkaꞈ 1:65 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁵ Garkawv heudeuq Yurdav mirkhanq-anr jav-eu danrtav doeni gaqbyan-ir-awr, jawqlaw jawrlawr tiqjawq jawr-eu tsawrhaq dawqtawvluf guv-eu mae.

Akha

⁶⁵ Tahꞈ gʼoꞈ tahˬ jawˇ jawˇ-eu tsawˇ haˬ deuˬ guˆ-iˇ-euˬ meh. Gaˇ kawˆ kʼoeˇ Yuˇdaˆ miˇ kʼahˬ dahˇ taˆ doe ni gaˬ byah jiˇ-euˬ meh.

Luˇkaꞈ 1:65 ပူးပေါင်းရင်းမြစ်များ

Maꞈtehˬ 2:1

Sanqpaq Heqlor uvlanrluf ngae, Yeqsur, Yurdav mirkhanq Baeqlaeqhaeq-anr daefle-euq mae. Khoerngae, siqzaq ganryo heumyav ghaq nanrma dovkhaeq paw nae Yeqlursaqlaeq-anr larkeuv-awr narhaq-eu,

Luˇkaꞈ 1:39

Khoerngae, Maqliv dov-ir-awr, Yurdav mirkhanq-euq lafkhoer danrtav jav-eu meuq tiq meuq-anr yawkawr-aer le-euq mae.

Luˇkaꞈ 2:18

Kharya gaq-euq tsawrhaq dawqtawvluf, yawr bo-eu deuq nae, aqyawf maf-anr ja’naeq-euq dawq-anr zanq duidui ler-eu mae.

Luˇkaꞈ 5:26

Tsawrhaq armaf mafma dawqtawvluf zanq duidui ler-awr Miqyaer-anr ciqhuiq ciqmanr-eu uqtaf, guv duidui-eu lafkhoer aer-eu, “Iqnan aqduimaf maq mawrhaw-euq jeq-anr ya’mawr-euq ma.”

Luˇkaꞈ 7:16

Tsawrhaq dawqtawvluf zanq duidui ler-awr, Miqyaer-anr ciqhuiq ciqmanr-eu lafkhoer aer-eu, “Aqdui-euq lafkhoer, Miqyaer gharduq ngaeqdan-eu yawhuiq ghaq dovlar-euq ngar-a.” Khoeruqtaf, “Miqyaer, aqyawf-euq tsawrhaq-anr hawle-euq ngar-a” laer khawf aer-eu mae.

Gʼaˬkʼehˇ 19:17

Garkawv heu-aq, Erpersu-anr jawr-eu Yurdav tsawrhaq hawr-eu, Heqlaqsar tsawrhaq dawqtawvluf yasiq-euq mae. Aqyawfmaf dawqtawvluf guv duidui-awr, Sanqpaq Yeqsur-euq tsawrmyanr-anr yawkhav-aer ciqhuiq ciqmanr-eu mae.

Gʼaˬkʼehˇ 2:43

Khoernar-aq, guv-eu jeq yawqghaq navluf-euq khoertav keuvle-euq mae. Khoerngae, ghaqkhaer deuq zanqler paq-aer ghae-eu jeq hawr-eu bisiq bimawr-eu jeq ghawqmya jeq mrdov laf-euq mae.

Gʼaˬkʼehˇ 5:11

Khoermirnae, Kalizaq armur hawr-eu, garkawv khoer kharya gaq-euq tsawrhaq dawqtawvluf guv duidui-ir-euq mae.

Gʼaˬkʼehˇ 5:5

Aqnaqnir dawq khoerdawq-anr yagaq ngae, coqdzae ghae-awr saf tsaev-euq mae. Garkawv khoer yagaq-euq tsawrhaq dawqtawvluf guv duidui-ir-euq mae.

Panmaeq 11:11

Smq nan taf tiq pav byanlar ngae, Miqyaer-anr nae dovle-euq daef-eu jeq bif-eu saf, aqyawf nyaf-euq lafkhoer anrle-awr, aqyawfnyaf turlar-euq mae. Aqyawf nyaf-anr ya’mawr-euq tsawrhaq deuq guv duidui-ir-euq mae.