Luˇkaꞈ 1:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Akha

⁶ Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 1:6 ပူးပေါင်းရင်းမြစ်များ

Jaceuq 119:6

Ngar, nawq-euq zanrdawq khofdawq dawqtawv luf-anr hawtsovtaq ngae, Ngar daq maqga’ni yadaef taef-a.

Luˇkaꞈ 1:7

Aerkhawf, zaq maqjawr-a. Aqjeq mirnae aernar-aq, Erlirsaqbaev-aq, maqbaw aqma pyeuf-awr, aqnyaf dzerzaq nyiq ghaqluf mawqle-euq mae.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Luˇkaꞈ 2:25

Khoerngae, Yeqlursaqlaeq-anr Surmoq laer kur-eu tiq ghaq jawr-eu mae. Aqyawf-aq, dawrcoeni ghae-awr, Miqyaer-anr yawzeu baw-eu tiq ghaq mae. Aqmyanluf Irsaqleqlav tsawrhaq-anr nuima bi sarlar-eu ghaq oekeuv-eu gar noeqtmq luf-eu mae. Khoeruqtaf, Yawshawr Saflar, aqyawf-euq lafkhoer jawrluf-eu mae.

Gʼaˬkʼehˇ 2:25

Daqbir, aqyawf-euq garkawv heulof-aer aertaq-euq mae: ‘Ngar, aqmyanluf, Sanqpaq Miqyaer-anr ngaq-euq maeqshi jawrluf-eu gar ngar mawr-euq ma. Ngar maqya nyaelarni, aqyawf, ngaq-euq armar paw jawrluf-eu mae.

Gʼaˬkʼehˇ 23:1

Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

Gʼaˬkʼehˇ 8:21

Miqyaer-euq maeqshi nawq-euq nuima maqdawr-eu mirnae, nawr garkawv heu-anr tiqjeq-iq maqtaf-aer, tiqpawf-iq maqgawf-a.

Lormav 8:4

Aqdui shiqshaq-euq maeqnan maq cantae-aer, muiq-eu Saflar-euq maeqnan cantae luf-eu ma. Khoermirnae, zanrdawq-euq lafkhoer ya’mr mae laer aertaq-euq tsaq-awr dawr-eu jeq aqdui-euq lafkhoer byanlarni, Miqyaer khoerlof-aer janr-euq mae.

1 Gawˇliˬtu 11:2

Yawqjeq navluf-euq lafkhoer, nawmaf, ngaq-anr noeqkeuv-awr, ngaq nae nawmaf-anr bifyaf-euq lof-aer, zanroer khoerdeuq-anr cantae luf-eu mirnae, ngar, nawmaf-anr jaceuq ma.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Piˇliˇpiˆ 2:15

Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

Gawˇlawˇsehˇ 1:22

Khoer-aq, nawmaf, Miqyaer-euq maeqshi, aerkhar maqza-aer iqbax taqkhar maqza-eu uqtaf, shawr-eu tsawrhaq lof-aer bi jawrlerni, shiqshaq baw-eu Kali-euq mawrdo shirdan-euq gar ghoe-awr janr-euq mae.

1 Teˇsaˬloˇni 3:13

Khoernar-aq, aqdui-euq Sanqpaq Yeqsur Kali, aqyawf-euq tsawrshawr dawqtawvluf naeq-aer zafkale ngae, aqdui-euq Aqda Miqyaer-euq maeqshi nuima shawrjaevni, aerkhar maqza-aer, aqyawf, nawmaf-euq nuima-anr bi ziflaf taef-a.

2 Beˬtuˆluˆ 3:14

Khoermirnae, ngar zawr gaq-eu cawqdeuq-or! Nawmaf khoerdeuq-anr noeqtmq-awr dawq-awq. Aqyawf-euq maeqshi, nawmaf nuisar of-eu lafkhoer, marbyawf maqbaw-aer aerkhar maqza nga laer aqyawf mawrni laejae-awq.

1 Yoˇhaˬ 2:29

Kali-aq, tsaq-awr dawr-eu ghaq mae laer nawmaf siqnya nar-aq, tsaq-awr dawr-eu jeq kharmr-eu tsawrhaq yawqghaq navluf, aqyawf-anr nae daefle-euq mae laer nawmaf yasiq taef-a.

1 Yoˇhaˬ 2:3

Aqdui, Miqyaer nae biftaq-euq dawq-anr narhaqgeuf nar-aq, aqdui, aqyawf-anr siqnya ngar-a laer siqlar-eu mae.

1 Yoˇhaˬ 3:7

Ngar gaq-eu zaqdeuq-or! Tiqghaq nae-iq nawmaf-anr maershuir taqbi shuirtawv. Tsaq-awr dawr-eu jeq mr-eu tsawrhaq-aq, Kali tsaq-awr dawr-eu lof-aer tsaq-awr dawr-eu tsawrhaq mae.