Luˇkaꞈ 1:53 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵³ Maef-awr shuf-eu deuq-anr dzarkuir dzarmyaer tiqdaev bidzaq-awr, Smrmuiq smrbaw deuq-anr yawqngaef yawqkuq-aer bidov-ir-euq mae.

Akha

⁵³ Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Luˇkaꞈ 1:53 ပူးပေါင်းရင်းမြစ်များ

Jaceuq 146:7

Aqyawf, bi nyaefsuf taq-euq deuq-euq gharduq, Dawr-awr tsaq-eu jeq bi dovlar-awr; Maef-eu tsawrhaq-anr dzaqdzaq dawrdawr bifnaeq-awr, Ya’we Miqyaer, kuv-anr ur-eu tsawrhaq deuq-anr pyaeqnaeq-eu mae.

Jaceuq 34:10

Arlaqjaqshir zaqguq dzaq-eu maqjav-aer maef-eu gar keuv-eu khawf, Ya’we Miqyaer-anr pov-eu deuq-aq, yawmuiq jeq maqnym-ar.

Maꞈtehˬ 5:6

“Tsaq-awr dawr-eu jeq-anr maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf ya dzaqdaev ya dawrdaev taef-a.

Luˇkaꞈ 1:54

Aqyawf, aqyawf-euq kuirlaf zaqkhav Irsaqleqlav-anr cawba naeq-awr, Maqngaer naeqni ghawqshaq gaqnaeq-euq mae.

Luˇkaꞈ 6:21

“Nymq-mr nawmaf maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, nawmaf yadzaq ya dawrdaev taef-a. Nymq-mr tsawrngoer ngoerluf-eu nawmaf-aq, guiqlanq huiq-eu mae. Aqjeq mirnae aernar-aq, nawmaf ya’uir taef-a.

Luˇkaꞈ 6:24

“Aerkhawf, nawmaf smrmuiq smrbaw deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf yawsar zadzeur-euq mae.

Yoˇhaˬ 6:35

Yeqsur, aqyawf maf-anr heulof-aer aernaeq-euq mae: “Ngar-aq, daef-eu jeq bif-eu kaqmur ma. Ngar jawr-eu gar lar-eu tsawrhaq-aq, hawq maqpar maef-ar. Ngaq-anr jan-eu tsawrhaq-aq, ircuf tiqjawr-iq maqpar maef-ar.

1 Gawˇliˬtu 1:26

Aqyuif aqnyir deuq-or! Miqyaer, nawmaf-anr kur-euq gar sharnoeqhaw sher-eq. Shiqshaq paw sharsawx nar-aq, nawmaf-euq lafkhoer zaqsiq tsawrganr anr-eu tsawrhaq maqmyaq-a, ghaq khav-eu tsawrhaq maqmyaq-a, tsawrhuiq tsawrma khawf maqmyaq-a.

1 Gawˇliˬtu 4:8

Nawmaf yawqjeq navluf javlar-euq ngar-a! Smrmuiq khawf muiqlar-euq ngar-a. Nga’maf maqjawr khawf, nawmaf sanqpaq geuf-awr uvlanrnya lar-euq ngar-a. Nawmaf aqdir uvlanr-eu gar ngar geufmawf mir-a. Khoerlof-aer nar-aq, nga’maf khawf nawmaf naeq-aer tiqkawv lof-aer ya uvlanr taef-a.