Luˇkaꞈ 1:49 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁹ Baoq huiq-eu ghaq, ngaq-anr huiq duidui-eu jeq janrnaeq laf-euq mae. Aqyawf-euq tsawrmyanr-aq yawshawr mae.

Akha

⁴⁹ Iˬ nah neh naˇ aˬ cawˬ ngaˬ-ahˇ, laˬ kʼaˬ cehˇ-eu gʼaˬ lehˇ kuˇ meh. Aˬ jeˬ miˇ neh kuˇ ta ehˇ naˇ, Baoˬ huiˬ-eu Miˬyehˇ neh ngaˬ-ahˇ, huiˬ-eu jeˬ mˇ nehˬ laꞈ-euˬ meh. Aˬ yawꞈ tsawˇ myahˇ muiˬ meh shawˇ meh;

Luˇkaꞈ 1:49 ပူးပေါင်းရင်းမြစ်များ

Jaceuq 111:9

Aqyawf, aqyawf-euq tsawrhaq-anr kakhof-eu arpoeq bifghae lef-awr; Aqyawf-euq dawqma sarjax mqmaq maqbyav yarzir zifni dawq biftaq-euq mae. Aqyawf-euq tsawrmyanr-aq, yawzeu bawlar paq-aer ghae-awr yawshawr mae.

Jaceuq 24:8

Yawshaef khanqsaer-euq Sanqpaq heughaq aqsur ghaq la? Ghaq khav-awr, ghae duidui-eu Ya’we Miqyaer mae, Guirdeuvdeuv ngae, ghae duidui-eu Ya’we Miqyaer mae.

Jaceuq 99:3

Aqyawfmaf nae, yawzeu bawlar paq-aer huiq-eu nawq-euq tsawrmyanr-anr bi jaceuq-awq—Aqyawf-aq yawshawr mae.

Jaceuq 99:9

Aqdui-euq Miqyaer pyeuf-eu Ya’we Miqyaer-anr ciqpoeq ciqgor-awq. Aqyawf-anr aqyawf-euq shawr-eu gawqjawq-anr uqduq tanqler-awq. Aqjeq mirnae aernar-aq, aqdui-euq Miqyaer pyeuf-eu, Ya’we Miqyaer-aq yawshawr mae.

Maˬkuˆ 5:13

Yeqsur, aqyawf maf-anr pyaeq-awr bidov-ir-euq naeq-aer, naef yawjawf khoerdeuq, aqzaf-euq lafkhoer urler-euq mae. Khoerngae, aqzaf khoermaf baqghashaq-anr nae lan-anr caevka ghae-awr, lan-anr gapufsaef jir-euq mae. Aqzaf khoerdeuq-aq 2,000 mawr aerghaqni byan-eu mae.

Luˇkaꞈ 1:48

Aqjeq mirnae aernar-aq, teq-awr nyir-eu aqyawf-euq aqbur zaqkhav-anr aqyawf noeqkeuv naeqlaf-euq mae. Aqkar nar-aq, tiqzir sair tiqzir ngaq-anr guiqlanq huiq-eu ghaq laer kur taef-a.

Luˇkaꞈ 1:50

Aqyawf-anr yawzeu baw-eu tsawrhaq-euq khoertav, Aqyawf-euq ghawqshaq gaq-eu jeq tiqzir sair tiqzir jav-eu mae.

Eˇpeˇsu 3:20

Aqdui-euq lafkhoer gar mrluf-eu aqyawf-euq baoq-anr ghoe-awr, aqdui sharnoeq-awr tanqshar nya-eu navmaqtser, ardzaeq paw-aer tiqbyan tiqlof mrpyeuf nya-eu Miqyaer-anr taqhuiq taqmanr kar-eur.

Panmaeq 15:4

Sanqpaq Miqyaer-or! Nawq-anr maqguv-aer, Nawq-euq tsawrmyanr-anr maq ciqhuiq-eu aqsur ghaq jawr-eu la? Aqjeq mirnae aernar-aq, nawr, tiq ghaq taef-aer yawshawr mae. Mirkhanq-euq tsawrjeuq dawqtawvluf, Nawq-euq maeqshi lar-awr uqduq tanqlar taef-a. Aqjeq mirnae aernar-aq, nawq nae dar-euq lof-aer byacaevni dovlar-euq mae.”

Panmaeq 4:8

Yawdaef jeq khoer oeq mawr-aq, yawqmawr navluf aqdanr kof danr tsof-awr, lafkhoer lafnyir-aer myavnuiv tiqbyanni tsof-eu mae. Aqyawfmaf uqcif nan’ghanr maqaer maq naqlerni aer-eu, “Baoq huiq duidui-eu Sanqpaq Miqyaer-aq, Yawshawr mae, yawshawr mae, yawshawr mae. Aqyawf-aq, arhu nae daef-eu, nymq-mr keuvni daefluf-awr aqkar zafka le-eu ghaq mae!”