Luˇkaꞈ 1:41 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Erlirsaqbaev, Maqliv dawqcawq puqlar-eu gar yagaq-euq naeq-aer, aqyawf piluf-eu zaq khoerghaq, uqmav-euq lafkhoer luvluv-aer teuv-eu mae. Khoeruqtaf, Erlirsaqbaev-anr Yawshawr Saflar byanle-awr,

Akha

⁴¹ Maˬliˇ dawˬ cawˬ puˬ nehˬ gaˇ Eˇliˇsaˬbehˆ ya gaˬ ngeh, aˬ yawꞈ-euˬ uˬ maˆ laꞈ kʼoeˇ pi luꞈ-eu zaˬ kʼoeˇ gʼaˬ luˆ laˇ-awˇ, Eˇliˇsaˬbehˆ -ahˇ Muiˬ-eu Shawˇ-eu Yaw sahˇ Miˬyehˇ uˇ le-euˬ meh.

Luˇkaꞈ 1:41 ပူးပေါင်းရင်းမြစ်များ

Jaceuq 22:10

Ngar daefle ngae nae, nawq-anr bighoe naeqlaf-euq mae. Ngar, ngaqma-euq uqmav-euq lafkhoer jawrluf ngae nae nawr-aq, ngaq-euq Miqyaer pyeuf-eu mae.

Luˇkaꞈ 1:15

Aqyawf, Sanqpaq Miqyaer-euq maeqshi yawhuiq yawmanr ghaq pyeuflar taef-a. Aqyawf-aq, aqgaf dzaruir yawtav hawr-eu aqgaf dzaruir yawbyawq khawf maqdawr-ar. Aqma-euq uqmav-euq lafkhoer ur ngae nae, Yawshawr Saflar tiqbyanni byan taef-a.

Luˇkaꞈ 1:40

Zeqkaqlir-euq nymr-anr urler-awr, Erlirsaqbaev-anr dawqcawq puq-euq mae.

Luˇkaꞈ 1:42

tersar yawkhav-aer heulof-aer aer-eu mae: “Nawr-aq, zaqmiq aqbur deuq-euq lafkhoer nae guiqlanq huiqdzaeq dzaeq-eu ghaq ngar-a, nawq-euq uqmav-euq lafkhoer piluf-eu zaq khawf guiqlanq huiq-eu mae!

Luˇkaꞈ 1:44

Aqjeq mirnae aernar-aq, nawr dawqcawq puq-eu tersar ngaq-euq naqbawr-anr gaqlar-eu naeq-aer, ngaq-euq uqmav-euq lafkhoer piluf-eu zaq laqkhaq caerlar-awr luvluv-aer teuvluf mir-a.

Luˇkaꞈ 1:67

Khoerngae, Yawshawr Saflar, Yorhaq-euq aqda Zeqkaqlir-anr byanle-awr, Miqyaer gharduq heulof-aer ngaeqdan-euq mae:

Luˇkaꞈ 4:1

Yeqsur-aq, Yawshawr Saflar byan-eu lafkhoer, Yawrdaq lawrbaq-anr nae ghofler ngae, muiq-eu Saflar, aqyawf-anr bawrtsanq bawrdanr-anr sheuqghae-awr,

Gʼaˬkʼehˇ 2:4

Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae.

Gʼaˬkʼehˇ 4:8

Khoerngae, Beqtuvluv, Yawshawr Saflar byan-eu lafkhoer, aqyawf maf-anr heulof-aer aernaeq-euq mae: “Mirkhanqzaq-anr uvlanr-eu deuq hawr-eu Irsaqleqlav-euq aqyuif aqtsu deuq-or,

Gʼaˬkʼehˇ 6:3

Khoermirnae, aqyuif aqnyir deuq-or! Nawmaf-euq lafkhoer tsawrmyanr muiq-awr, Yawshawr Saflar hawr-eu zaqsiq tsawrganr byan-eu tsawrhaq shif ghaq-anr tserdov-awq. Nga’maf, aqyawf maf-anr khaerdar naeq-awr gar heu bimr ma.

Gʼaˬkʼehˇ 7:55

Khoerngae, Saqteqpaq-anr Yawshawr Saflar byanle-awr mq-anr hawtsovtaq ngae, Miqyaer-euq yawshaef khanqsaer-anr mawr-awr, Yeqsur, Miqyaer-euq armar paw yawfluf-eu gar khawf ya’mawr-awr,

Gʼaˬkʼehˇ 9:17

Khoermirnae, Aqnaqnir ir-awr, nymr khoernymr-anr urler-euq mae. Aqyawf, Sawrluv-euq khoertav aqlaf bafdav-awr aer-eu, “Maernmr Sawrluv-or! Nawr garpaer-anr oeluf ngae dovle-euq Sanqpaq Yeqsur khoerghaq, nawr myavnuiv mawrnya lar-awr, Yawshawr Saflar byanlarni, ngaq-anr khaerghae lef-euq mae.”

Eˇpeˇsu 5:18

Jirbaq taq dawryaef. Dawryaef nar-aq, yawuq uq-ir nya-eu mae. Aerkhawf, nawmaf-euq lafkhoer muiq-eu Saflar bi byanlar-awq.

Panmaeq 1:10

Ngar, Sanqpaq Miqyaer-euq arnan-anr, muiq-eu Saflar-euq lafkhoer jawrluf ngae, darhae tersar lof-aer ngaq-euq narkhan paw, khav duidui-eu tersar-anr yagaq-euq ma.