Luˇkaꞈ 1:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Garkawv heudeuq-anr yawbae ngae nae ya’mawr-awr, dawqmaeq maeq-eu tsawrhaq nae nga’maf-anr ja’naeq laf-euq lof-aer bofdov taq-euq ma.

Akha

² Gaˇ kawˆ kʼoeˇ deuˬ-ahˇ aˇ dahˬ beh ngeh neh ya mawˇ-euˬ deuˬ hawˇ-eu, guiˬ lahˬ dawˬ mehˬ-eu deuˬ neh kʼaˇ dzawˇ mehˬ-euˬ loꞈ-ehˇ aˬ yawꞈ maꞈ boꞈ-euˬ meh.

Luˇkaꞈ 1:2 ပူးပေါင်းရင်းမြစ်များ

Maˬkuˆ 1:1

Miqyaer-euq Zaqyo, Yeqsur Kali-euq guiqlanqdawq ardanq heulof-aer bae-euq mae.

Maˬkuˆ 16:20

Zaqlanr deuq dov-ir-awr, yawqgar navluf dawqmaeq maeq-ir-euq mae. Sanqpaq Miqyaer, aqyawfmaf naeq-aer gar mr-awr, aqyawfmaf nae maeq-euq dawq bi duqdzaeq larni, bisiq bimawr-eu jeq khawf bi mawrluf-eu mae. Aqmeq.

Maˬkuˆ 4:14

Siqyoeq saeq-eu ghaq-aq, Yaerdawq saeq-eu mae.

Luˇkaꞈ 24:48

Nawmaf-aq, garkawv heudeuq-euq gharduq sarkir yakamq-eu tsawrhaq deuq mae.

Yoˇhaˬ 15:27

Nawmaf khawf, yawbae ngae nae ngaq naeq-aer jawrluf-eu mirnae, ngaq-euq garkawv sarkirkamq taef-a.”

Yoˇhaˬ 16:4

Garkawv heu ngar, nawmaf-anr aernaeq-euq ma. Aryamq tsaqlar ngae, ngaq nae nawmaf-anr aernaeq-euq deuq nawmaf noeqdovlar taef-a. Yawbae ngae, ngar, nawmaf-anr maq aernaeq-euq khoer-aq, ngar, nawmaf naeq-aer jawrluf-eu mirnae ma.”

Gʼaˬkʼehˇ 1:3

Aqyawf shaqzanq daqghaq-euq nar-aq, yawduq baw-eu sarkir ghawqmya jeq nae aqyawf daefluf-eu ma laer, ghaqkhaer deuq-anr bimawr-euq mae. Oeqtser nan-euq lafkhoer aqyawf-euq mawrdo aqyawf maf-anr bimawr-awr, Miqyaer uvlanr-eu garkawv ja’maeq naeq-euq mae.

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 14:25

Beqlaqgeq meuq-anr Yaerdawq maeqnaeq-awr, Aqdaqlir meuq-anr ir-euq mae.

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Gʼaˬkʼehˇ 17:11

Khoergar jawr-eu tsawrhaq deuq-aq, Tersaqlorni meuq-anr jawr-eu tsawrhaq deuq navmaqtser sharnoeq nya-awr, aqyawfmaf laeqhmqdan taq-euq lafkhoer, Miqyaer-euq dawq-anr hageuf-eu mae. Garkawv khoerdeuq tsaq nga laq maqtsaq nga laq laer yasiqni, yawqnan navluf Yaerbof-anr povtserhaw luf-eu mae.

Gʼaˬkʼehˇ 26:16

Tur-awr, nawq-euq aqkuir nae yawf-awq. Aqjeq mirnae aernar-aq, ngar, nawq-anr heu-euq gharduq bimawr-euq ma. Nawq nae ya’mawr-euq garkawv hawr-eu maeqhu paw ngar, nawq-anr panmaeq naeq-eu garkawv deuq, nawr gar mr-awr, sarkir kamqni ngar, nawq-anr tserdov-euq ma.

Gʼaˬkʼehˇ 4:20

Nga’nyaf-aq, nga’nyaf nae yagaq-awr ya’mawr-euq garkawv deuq maqja-aer maq jawrnya nya.”

Gʼaˬkʼehˇ 8:4

Caevbyav ghae-euq khoerdeuq, khar irkeuv-euq gar Yaerdawq maeqnaeq-euq mae.

Lormav 15:16

ngar, aqcawq tsawrjeuq tsawrca-euq gharduq Yeqsur Kali-euq gar mrzaq geuf-awr, Miqyaer-euq guiqlanq dawq-euq gar mrluf-eu ma. Yawshawr Saflar nae aqcawq tsawrjeuq tsawrca-anr lavshawr-euq nar-aq, aqyawf maf-anr yur-awr lawrnaeq-eu jeq lof-aer lawrnaeq ngae, Miqyaer hageuf paq-aer ngar mrluf-eu ma.

1 Gawˇliˬtu 4:1

Nga’maf-aq, Kali-euq ghaqzaq ghaqkhaer pyeuf-awr, Miqyaer nae zaftaq-euq deuq-anr hawpir-eu tsawrhaq nga laer tsawrhaqzaq sawxnaeq laf-eu tsaq taef-a.

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

2 Beˬtuˆluˆ 1:16

Nga’maf, nawmaf-anr aqdui-euq Sanqpaq Yeqsur Kali-euq baoq hawr-eu aqyawf zafka le-eu garkawv bisiq-eu heu-aq, tsawrganr zmq-awr noeqdov-euq garkawv-anr ghoe-awr bisiq-eu maqngeur. Aerkhawf, nga’maf-euq myavnuiv nae aqyawf-euq khanqsaer huiq-eu gar ya’mawr-awr bisiq-eu ma.