Luˇkaꞈ 1:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqyawf, Erlirya-euq nuima hawr-eu baoq anr-eu lafkhoer, Miqyaer-euq maeqshi ir taef-a, ‘Aqda hawr-eu zaq tsaqler dzoerlerni’ maqaer, maq narhaq geuf-eu tsawrhaq, dawr-awr tsaq-eu tsawrhaq-euq zaqsiq tsawrganr-euq maeqnan cantae larni maqaer, Sanqpaq Miqyaer-euq gharduq aqyawf nuima tsaq-eu tsawrhaq laeqhmqtaq taef-a.”

Akha

¹⁷ Aˬ da hawˇ-eu zaˬ deuˬ tsaˬ leˇ tsahˇ leˇ nya ni maˬ ehˇ, naˬ lehˬ lehˬ-eu tsawˇ haˬ deuˬ yaw tsaˬ yaw dawˇ tsawˇ haˬ-euˬ nui noeˬ mehˬ nah caw teh laˇ ni maˬ ehˇ, Sahˬpaˬ Miˬyehˇ-euˬ tsawˇ jeuˬ-ahˇ Sahˬpaˬ Miˬyehˇ gʼaˇ duˬ bi lehˬ hmˬ dah taˬ-eu gʼaˇ duˬ maˬ ehˇ, Eˇliˇyaˆ-euˬ nui ma hawˇ-eu baoˬ aˬ yawꞈ pi-awˇ, Sahˬpaˬ-euˬ mehˬ hu aˬ yawꞈ iˇ tehꞈ-a.”

Luˇkaꞈ 1:17 ပူးပေါင်းရင်းမြစ်များ

Jaceuq 10:17

Ya’we Miqyaer-or! Nawr, yawshaqzaq geufmawf-eu jeq-anr yagaq-euq mae. Nawr, aqyawf maf-euq nuima laeqhmq-awr, nawq-euq naqbawr ciqkhmr-awr narhaq naeq-eu mae.

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Jaceuq 78:8

Khoer-aq, aqyawf maf-anr, aqyawf maf-euq aqpoeq deuq lof-aer, Maqbi durlar-eu gharduq mae. Aqyawf maf-euq tsawrtsuif-aq, nuima taq-eu maqtsaq-aer; Aqyawf maf-euq saflar, Miqyaer-anr sarjax maqzif-eu uqtaf, Miqyaer-euq aerdawq maq narhaq geuf-aer puiq-euq tsawrtsuif mae.

Maꞈtehˬ 11:14

Nawmaf hageuf ma laer nar-aq, Erlirya oe taef-a laer aertaq-euq khoer-aq, Yorhaq-anr aer-eu mae.

Maꞈtehˬ 14:4

Aqjeq mirnae aernar-aq, Yorhaq, aqyawf-anr heulof-aer aernaeq-euq mirnae mae, “Nawr, zaqmiq aqbur teughaq-anr sheuq-euq-aq, zanr-anr maqtsaq-a.”

Maꞈtehˬ 3:3

Miqyaer gharduq ngaeqdan-eu Irsaqyar nae aertaq-euq dawq heudawq-aq, Yorhaq-anr aerkeuv mawf-eu mae, “Bawrtsanq bawrdanr-anr tsawrhaq tiq ghaq-euq tersar gur-eu, ‘Sanqpaq Miqyaer-euq garma shardanr-awr, aqyawf-euq garma dawrcoeni lavdawr-awq.’ ” (Isy 40:3)

Maꞈtehˬ 3:4

Yorhaq-aq, lawtaw cafhm-euq maeqtsoeq dm-awr, jof-anr shaqkhov jofpaf paftaq-awr nae, nyaevbanr hawr-eu bawrtsanq byaquir dzaq-eu mae.

Luˇkaꞈ 1:16

“Aqyawf, Irsaqleqlav tsawrhaq ghawqmya ni-anr aqyawf maf-euq Sanqpaq Miqyaer jawr-eu paw bi ghoflar taef-a.

Luˇkaꞈ 1:76

Aqli-or! Nawq-anr Gor duidui-eu ghaq-euq gharduq ngaeqdan-eu ghaq laer kur taef-a. Aqjeq mirnae aernar-aq, nawr-aq, Sanqpaq-euq maeqshi yale-awr, aqyawf-euq garma ya shardanr taef-a.

Yoˇhaˬ 1:13

Tsawrhaq khoerdeuq, Miqyaer-euq zaq pyeuflar-euq-aq, tsawrjeuq tsawrca baqda’nae maqngeur-a. Shiqshaq-euq nuinoeq nuilov baqda’nae khawf maqngeur-aer, tsawrhaq-euq nuinoeq nuilov baqda’nae khawf maqngeur-a. Miqyaer nuima tsaq-eu baqda’nae pyeuflar-euq mae.

Yoˇhaˬ 1:34

Ngar khoer-anr ya’mawr-awr, tsawrhaq khoerghaq-aq, Miqyaer-euq Zaqyo mae laer ngar sarkir kamq-eu ma.”

Yoˇhaˬ 3:28

‘Ngar-aq, Kali maqngeur, Kali-euq maeqhu Miqyaer nae khaerghae lef-euq ghaq taef ma’ laer ngar, nawmaf-anr aernaeq-euq ma. Ngaq nae aer-euq dawq heudawq-anr nawmaf khawf sarkir kamqnya-eu mae.

Gʼaˬkʼehˇ 10:33

Khoermirnae, ngar tiqpov taef-aer nawr jawr-eu gar khaerghae lef-euq ma. Nawr lar-euq-aq zawr muiq-eu mae. Miqyaer nae nawq-anr biftaq-euq yawqdawq navluf-anr narhaq-eu laer, nymq-mr nga’maf, Miqyaer-euq maeqshi uiqlar taq-euq ma.”

Lormav 9:23

Khoeruqtaf, yawshaef khanqsaer bi za’ni yawbae ngae nae laeqhmq taq-euq, aqyawf ghawqshaq gaq-eu oeqlanq deuq-anr, aqyawf-euq yawshaef khanqsaer arnavni sanr-eu nga laer bi siqlar-eu gharduq mae.

Gawˇlawˇsehˇ 1:12

Yawshaef-euq lafkhoer jawr-eu tsawrshawr deuq naeq-aer aqdui jeqbir of-eu tsawrhaq pyeuf-eu gar geuxni, janrnaeq laf-euq Aqda Miqyaer-anr jaceuq-awq.

2 Tiˆmoˇseˬ 2:21

Tsawrhaq tiq ghaq maqtsaq maqdawr-eu khoerdeuq-anr yawqhar yawqha tsiqshawr nar-aq, yawsanr ghaq zmqnya-eu lavshawr-euq, poeq-awr lawq-eu keuka pyeuflar-awr, yawmuiq yawqjeq navluf mr-eu gharduq laeqhmqdan taq-eu jeq pyeuf-eu mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

1 Yoˇhaˬ 2:28

Ngar gaq-eu zaqdeuq-or! Nawmaf, Kali-euq lafkhoer jawr-awq. Aqyawf-euq lafkhoer jawr nar-aq, aqyawf dovle ngae, aqdui nuima zifdanni ghae-awr, aqyawf oe ngae, aqyawf-euq maeqshi maqya shafdawr-ar.

Panmaeq 20:4

Khoernar-aq, ngar, nuirmanq tiqdeuq-anr ya’mawr-euq ma. Nuirmanq-anr nuirluf-eu deuq-anr yarkhaq dar-eu baoq biftaq-euq mae. Khoerngae, ngar, Yeqsur-euq garkawv sarkir kamq-euq hawr-eu Miqyaer-euq Dawq-euq baqda’nae, uqduq tov-eu gar yadaq-euq tsawrhaq deuq-euq saflar-anr khawf ya’mawr-euq ma. Aqyawf maf-aq, jeqzaq yawghae khoermawr hawr-eu aqyawf-euq mawrkawr-anr uqduq maqtanq-aer, aqyawf maf-euq narkhawr hawr-eu aqlaf-anr khawf, jeqzaq yawghae khoermawr-euq jmq maq diqtaq-aq. Aqyawfmaf ghofdaef lar-awr, Kali naeq-aer tiqkawv lof-aer 1,000 khof byanni sanqpaq geuf-awr uvlanr-euq mae.