Luˇkaꞈ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Huiq-awr manr-eu Tawrpirlu-or! Nga’maf jawr-eu gar pyeuflar-euq garkawv deuq, tsawrhaq ghawqmya ghaq khar ghaenya-eu lof-aer pyeufyaf-euq garkawv-euq maeqhu maeqnan tsaqni sanqbof bofdov taq-euq mae.

Akha

¹ Nga maꞈ jawˇ gaˇ pyeuꞈ dzeuˇ yaꞈ-euˬ gaˇ kawˆ deuˬ-ahˇ, tsawˇ haˬ gʼawˬ mya gʼaˬ kʼaˇ gʼeh nya-eu loꞈ-ehˇ sahˬ boꞈ boꞈ doˆ taˬ gʼaˬ-euˬ meh.

Luˇkaꞈ 1:1 ပူးပေါင်းရင်းမြစ်များ

Maˬkuˆ 16:20

Zaqlanr deuq dov-ir-awr, yawqgar navluf dawqmaeq maeq-ir-euq mae. Sanqpaq Miqyaer, aqyawfmaf naeq-aer gar mr-awr, aqyawfmaf nae maeq-euq dawq bi duqdzaeq larni, bisiq bimawr-eu jeq khawf bi mawrluf-eu mae. Aqmeq.

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Lormav 14:5

Tsawrhaq tiqghaqnav, heunan-aq, khoernan navmaqtser muiqdzaeq-eu mae laer taqhuiq-awr, tiqghaq nav-aq, yawqnan navluf tiqkawv mae laer noeq-eu mae. Aerkhawf, yawqghaq navluf yawqha-euq nuima-euq lafkhoer tiqbyanni janduq taq-euq jeq bijav-awq.

Lormav 4:21

Sarjax aertaq-euq lof-aer Miqyaer mrnya mae laer aqyawf zifdanni janduq taq-euq mae.

Gawˇlawˇsehˇ 2:2

Aqyawf maf-euq nuima ghaq khavlar-awr, gaq-eu lafkhoer tiqghaq tirghaq gmlar-eu uqtaf, Aqda Miqyaer hawr-eu Kali-anr nae oe-euq, Miqyaer nae zaftaq-eu jeq-anr siqnya-eu tsawrganr hawr-eu, tiqbyan tiqlof yawduq baw-awr ghovshaw nya-eu jeq kharsanr-eu dawqtawv luf-anr bi za’mawf mir-a.

Gawˇlawˇsehˇ 4:12

Nawmaf-euq lafkhoer Kali-euq kuirlaf zaqkhav pyeuf-eu Irbaqpaqlar, nawmaf-anr dawqcawq puqanr lef-euq mae. Nawmaf, Miqyaer nuima tsaq-eu yawqjeq navluf-euq lafkhoer, zifdanni yawfnya lar-awr byanlarni, aqyawf aqmyanluf laejae-awr guiqlanq yawkhav-aer sharluf-eu mae.

1 Teˇsaˬloˇni 1:5

Nga’maf nae maeq-euq guiqlanq dawq-aq, nawmaf jawr-eu gar dawq taef-aer keuvle-euq maqngeur-a. Aerkhawf, baoq lafkhoer, Yawshawr Saflar-euq lafkhoer hawr-eu janduq duidui-eu lafkhoer keuvle-euq mae. Aqjeq mirnae aernar-aq, nga’maf, nawmaf naeq-aer jawr ngae, nawmaf-euq gharduq gardanr tsoeqni daef-euq gar nawmaf siqnya-eu mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

HeˬByehˇ 10:22

Aqdui-euq mawrdo-anr ircuf irshawr nae tsiqshawr naeqlaf-awr, zaqsiq nuisiq yawdoer-anr nae aqdui-euq nuima-anr shiq juifshaeq naeqlaf-euq mirnae, dawrcoeni ghae-eu nuima anr-awr, janduq-eu jeq byan-eu lafkhoer, Miqyaer-euq maeqshi urler kar-eur.

HeˬByehˇ 6:11

Nawmaf nae noeqtmqduq taq-euq lof-aer aqdir byanlarni, nawmaf yawqghaq navluf arsaqsaq ngae keuvni yawmuiq-aer laejae-awr mrghae-eu gar nga’maf geufmawf mir-a.