Lormav 2:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Tsawrhaqzaq-or! Khoerlof-aer mrluf-eu tsawrhaq-anr nawr yarkhaq dar-awr, nawr ghae khoerlof-aer mrluf-eu khawf, nawr ghaq-aq, Miqyaer darnaeq laf-eu gar nae yabuq-ir taef-a laer noeq-eu le lor?

Akha

³ Ehˇ kʼawꞈ, aˬ cawˬ mˇ-euˬ yaw lehˬ nga lehˇ nawˇ noeˬ-eu jeˬ-ahˇ yawˬ ha paˇ mˇ luꞈ-eu meh. Miˬyehˇ yaˇ kʼaˬ daˇ-eu jeˬ-ahˇ buˬ-iˇ nya ma lehˇ duˇ te loˇ.

Lormav 2:3 ပူးပေါင်းရင်းမြစ်များ

Jaceuq 50:21

Nawmaf heudeuq mr-euq khawf, ngar ciqcurni jawr-euq ma; Nawmaf, ngar, nawmaf-anr dur taef-a laer noeq-eu mae; Aerkhawf, ngar, nawmaf-anr daeq-awr, Nawmaf-euq myavkhae aqyawf jeq aqyawf-aer lavtsaq ma.

Jaceuq 56:7

Aqyawfmaf yawlaeq yawca-anr nae caevdzeurnya taef-a lor? Miqyaer-or! Nuima paer-eu lafkhoer, tsawrhaq heudeuq biqka naeq-awq.

Dawqdaq 11:21

Tsawrcawv deuq-aq, darnaeq-eu jeq-anr nae, Maqdzeur-ir nya-eu yawduq baw-eu mae. Aerkhawf, tsaq-awr dawr-eu deuq-euq nanqzaq-aq, yabuq-ir taef-a.

Dawqdaq 16:5

Ya’we Miqyaer, nuima-euq lafkhoer nuima huiq-eu jeq anr-eu tsawrhaq yawqghaq navluf-anr nuidav dav-awr, Yawduq bawni darnaeq-eu jeq-anr, maqya daq-aer maqya dzeur-ir-ar.

Maꞈtehˬ 23:33

Arlawr-euq baqmaf-or! Dof khav-eu arlawr-euq zaqdeuq-or! Yarkhaqdar ngae nan, nawmaf shiqbuir lanma yarkhaq dar-eu jeq-anr nae aqjox-aer dzeur-ir nya-eu?

Maꞈtehˬ 26:53

Nymq-mr, ngar jawr-eu gar mqtav ghaqkhaer 12 maf dzaeqni khaerghae lef-awq laer ngar, ngaqDa-anr maqshar nya-ar laer nawr noeq-eu le lor?

Luˇkaꞈ 12:14

Yeqsur, aqyawf-anr aernaeq-eu, “Cawq-or! Nawq-anr darnaeq-eu ghaq hawr-eu jeqbir birnaeq-eu ghaq geufni, aqsur ghaq nae ngaq-anr khaertaq-euq la?”

Luˇkaꞈ 22:58

Ghawqmyanr maqghae-aer, yawqghaqyawq, Beqtuvluv-anr mawr-awr aer-eu, “Nawr khawf aqyawf maf-euq armur-anr keuq-eu tiq ghaq ngar-a.” Khoerngae, Beqtuvluv aer-eu, “Tsawrhaq heu-aq, ngar maqngeur laer aernar-aq.”

Luˇkaꞈ 22:60

Aerkhawf, Beqtuvluv parpyaer-eu, “Tsawrhaqzaq-or, nawr aqjeq aerluf-eu teu, ngaq-anr maq siqlar nya!” Aqyawf khoerlof-aer aerluf ngae yapoer doerlar-euq mae.

Lormav 1:32

Heudeuq kharmr-eu tsawrhaq-aq, shir-eu geux mae laer Miqyaer nae tsaq-awr dawr-eu lafkhoer dartsaev taq-euq khoer-anr aqyawfmaf siqnya luf-eu khawf, aqyawfmaf mrluf-eu uqtaf, aqcawq khawf khoerlof-aer mrni nuima tsaq-eu mae.

Lormav 2:1

Aqcawq-anr yarkhaq dar-eu tsawrhaq deuq-or! Nawr aqsur ghaq maqkaq, tiqjeq-anr-iq daeqlaefkhar maqza-a. Aqjeq mirnae aernar-aq, nawr, aqcawq-anr yarkhaq dar-eu khoer-aq, yawqhar yawqha yarkhaq dar-eu mae. Aqjeq mirnae aernar-aq, aqcawq-anr yarkhaq dar-eu nawr khawf, aqyawf lof-aer mrluf-eu mae.

Lormav 2:2

Aerkhawf, Miqyaer khoerlof-aer ghae-eu tsawrhaq-anr yarkhaq darnaeq-eu-aq, yawtsaq yawdawr-euq lafkhoer dar-eu mae laer aqdui siqnya ma.

Lormav 9:20

Tsawrhaqzaq-or! Miqyaer-anr dawqpov povler paq-aer nawr aqsur ghaq le? Bi taevtaq-euq jeq, taev-eu ghaq-anr heulof-aer aerlernya taef-a laq? “Nawr, ngaq-anr aqjeq mirnae heulof-aer taev naeqlaf-euq le?”

1 Teˇsaˬloˇni 5:3

“Kharngeur-eu jeq sarlar-awr, tiqjeq-anr-iq guvkhar maqpar za-ar” laer aqcawq jaluf ngae, zaq ciq-eu aqma tiq ghaq nar duidui-eu gar yadaq-eu lof-aer, cawv-ir-eu jeq aqyawf maf-euq khoertav japyuqni keuvle teurle taef-a. Aqyawfmaf maq caevdzeur nya-ar.

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.