Lormav 13:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqjeq mirnae aernar-aq, aqyawf, Miqyaer-euq kuirlaf zaqkhav geuf-eu khoer-aq, nawq-anr bimuiq-eu gharduq mae. Aerkhawf, nawr yawdoer jeq mr nar-aq, guv paq-aer ghae-eu mae. Aqjeq mirnae aernar-aq, aqyawf, micaer yawqngaef-aer shafluf-eu maqngeur-a. Aqyawf-aq, Miqyaer-euq kuirlaf zaqkhav geuf-awr, yawdoer jeq kharmr-eu tsawrhaq deuq-anr yarkhaq dar-eu ghaq pyeuf-eu mae.

Akha

⁴ Aˬ jeˬ miˇ neh ehˇ naˇ, sahˬ paˬ sahˬ ma-aˬ, nawˬ-euˬ gʼaˇ duˬ muiˬ ni Miˬyehˇ neh kʼehˇ taˬ-euˬ tsawˇ haˬ pyeuꞈ-eu meh. Ehˇ kʼawꞈ, nawˇ maˬ muiˬ-eu jeˬ mˇ naˇ, sahˬ paˬ sahˬ ma-ahˇ guˆ-awˬ. Aˬ yawꞈ nawˬ-ahˇ kʼehˬ-eu yaw duˬ baw meh. Aˬ jeˬ miˇ neh ehˇ naˇ, maˬ muiˬ-eu jeˬ mˇ-eu tsawˇ haˬ deuˬ kʼoeˇ taˆ Miˬyehˇ-euˬ kʼehˬ-eu kʼaˆ-eu jeˬ bi keuˆ le-eu gʼaˇ duˬ, Miˬyehˇ neh aˬ yawꞈ-ahˇ kʼehˇ taˬ-euˬ meh.

Lormav 13:4 ပူးပေါင်းရင်းမြစ်များ

Dawqdaq 16:14

Sanqpaq-euq nuipaer-aq, shir-eu jeq-euq ghaqzaq ghaqkhaer pyeuf-eu mae. Aerkhawf, tsawrganr anr-eu tsawrhaq, Nuipaer khoer-anr daeqkaq nya-eu mae.

Dawqdaq 20:2

Sanqpaq nuima paerlar nar-aq, Joeqluf-eu arlaqjaqshir-anr dur-eu mae. Aqyawf-anr nuima khar lavpaer-eu tsawrhaq-aq, Yawqha-euq daefzir-anr yawqha iqbax mr-eu mae.

Dawqdaq 20:26

Tsawrganr byan-eu sanqpaq-aq, Tsawrcawv-anr zardzae-awr, Aqyawf maf-anr lolaeq-euq arbeuv nae laeqnaeq taef-a.

Dawqdaq 20:8

Yarkhaq dar-eu nuirmanq-euq khoertav nuir-eu sanqpaq, Aqyawf-euq myavnuiv nae yawdoer jeq dawqtawv luf-anr taebyav jir-eu mae.

Lormav 12:19

Ngar zawr gaq-eu cawqdeuq-or! Yawqha yawqha lafpov taq povkhof. Aerkhawf, Miqyaer nuima paer-eu jeq-euq gharduq taq-awq. Aqjeq mirnae aernar-aq, Yaerbof-euq lafkhoer boftaq-euq, “Lafpov povkhof naeq-eu jeq-aq, ngaq-euq gar ma. Ngar janrkhofnaeq ma,” (Dm 32:35) laer Sanqpaq Miqyaer aer-eu mae.

Lormav 13:6

Heu-euq baqda’nae, nawmaf khawf jeq dovluf-eu mae. Aqjeq mirnae aernar-aq, aqyawfmaf, Miqyaer-euq gar mrzaq pyeuf-awr, aqmyanluf gar khoerdeuq mrluf-eu mae.

1 Teˇsaˬloˇni 4:6

Garkawv heu-anr tafler-awr nae tsawrhaq tiqghaq-iq yawqha-euq aqyuif aqnyir-anr coeqler civlerni, myawf-awr shuir-eu jeq taqmr. Nawmaf yanr de-eq laer dzeurlaf ngae ngar, nawmaf-anr yawkhav khav-aer maeqnaeq-euq lof-aer, Sanqpaq Miqyaer khoerlof-aer janr-euq tsawrhaq-anr yarkhaq darnaeq taef-a.

1 Beˬtuˆluˆ 2:14

yawdoer jeq mr-eu deuq-anr bidar-awr, yawmuiq jeq mr-eu deuq-anr bi jaceuq-eu laer, sanqpaq nae khaertaq-awr dzoeqdzaq bimr-euq meuqsanr-euq lafov khawf, yawmuiq-aer jawr-awq.