Jaceuq 9:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ya’we Miqyaer-aq, bikhaeq bikhav-euq deuq-euq gharduq, caevzafduq khawf pyeuf-awr, Shaq-awr zanq-eu jeq keuvle-eu yamq-anr, caevzafler nya-eu mae.

Akha

⁹ Bi kʼehˬbi kʼaˆ-euˬdeuˬgʼaˇduˬ, SahˬpaˬMiˬyehˇgʼoe duˬpyeuꞈ-awˇ, shaˬ-eu zahˬ-eu jeˬ keuˆ le ngeh, nui saˇbi oꞈ-eu lo guˇ meh.

Jaceuq 9:9 ပူးပေါင်းရင်းမြစ်များ

Jaceuq 108:12

Nga’maf gardzaq garkawv jav-eu gar cawba naeqlaf-awq. Aqjeq mirnae aernar-aq, tsawrhaq nae cawba-euq-aq, tiqjeq-iq gardanr maqtsoeq-a.

Jaceuq 142:4

Ngar, ngaq-euq armar paw hawghae ngae, Haeqsher-eq, ngaq-anr tiqghaq-iq maq siqnya-a; Ngar caevzafduq maqpar jav-aer, Ngaq-euq nuima saflar-euq garkawv sharnoeq naeqlaf-eu tiqghaq-iq maqjawr-a.

Jaceuq 18:2

Ya’we Miqyaer-aq, ngaq-euq logur, ngaq-euq lanrlof nymrzif hawr-eu ngaq-anr bibuq-ir-eu ghaq pyeuf-awr, Ngaq-euq Miqyaer, ngaq-euq logur hawr-eu ngar ghoeduq pyeuf-eu uqtaf, Ngaq-euq daeqdaqduq, ngaq-anr kakhof-eu uqcoer hawr-eu ngaq-euq zifduq pyeuf-eu mae.

Jaceuq 20:1

Nawr gardzaq garkawv yadaq-eu arnan-anr, Ya’we Miqyaer ngaeqghae naeq luf-ur. Yaqkov-euq Miqyaer-euq tsawrmyanr, nawq-anr daqpirnaeq luf-ur.

Jaceuq 32:7

Nawr-aq, ngar caevzafduq pyeuf-eu mae. Nawr, ngaq-anr gardzaq garkawv maqbi keuvle-aer hawpir naeqlaf-awr; Nawr, ngaq-euq tiqjawq buq-ir-euq cardawq nae tsanrlanr naeqlaf-eu mae. Sela.

Jaceuq 37:39

Aerkhawf, Ya’we Miqyaer-aq, tsaq-awr dawr-eu tsawrhaq-anr kakhof naeq-awr; Aqyawfmaf gardzaq garkawv ya’mawr-eu aryamq-anr, aqyawf maf-euq gharduq ghaq pyeufnaeq taef-a.

Jaceuq 46:1

Miqyaer-aq, aqdui-euq caevzafduq hawr-eu aqdui-euq ghaq pyeuf-awr, Gardzaq garkawv khar keuvle ngae, cawba naeqlaf-eu ghaq mae.

Jaceuq 46:7

Guirmaf-euq Ya’we Miqyaer, aqdui naeq-aer jawr-eu mae. Yaqkov-euq Miqyaer-aq, aqdui-euq caevzafduq pyeuf-eu mae. Sela.

Jaceuq 48:3

Miqyaer-aq, meuq-euq lafkhoer jav-eu sanqpaq-euq nymr-anr jawrluf-awr; Aqyawf-aq, meuq heumeuq-euq caevzafduq-a laer bi siqtaq-euq mae.

Jaceuq 50:15

Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Jaceuq 62:8

Miqyaer-aq, aqdui-euq caevzafduq pyeuf-eu mae; Nawmaf, tsawrhaqzaq-or! Nawmaf-euq nuima aqyawf-euq maeqshi shaevdov lef-awr; Aqmyanluf, aqyawf-anr ghoe-awq. Sela.

Jaceuq 67:5

Miqyaer-or! Tsawrhaqzaq, nawq-anr bi jaceuq-awq. Tsawrhaqzaq dawqtawvluf nawq-anr bi jaceuq-awq.

Jaceuq 7:9

Tsawrcawv-euq yawdoer jeq arsaq bisaq-awr, Dawr-awr tsaq-eu deuq-anr lavzif naeq-awq. Aqjeq mirnae aernar-aq, tsaq-awr dawr-eu Miqyaer-aq, nuima hawr-eu nuinoeq-anr tsermr haw-eu mae.

Jaceuq 96:10

Tsawrjeuq tsawrca deuq-euq ghanrcae heulof-aer aer-awq, “Ya’we Miqyaer uvlanrluf mae. Mirtsaq tanqkhawr khawf, maq jivlar paq-aer zifdanni lavzif taq-awr; Aqyawf, tsawrhaqzaq-anr tsaq-awr dawr-eu lafkhoer yarkhaqdar taef-a.”

Jaceuq 98:9

Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer dar-awr, Tsawrhaqzaq-anr tiqkawv dini dar taef-a.

Dawqdaq 18:10

Ya’we Miqyaer-euq tsawrmyanr-aq, Zifdanni ghae-eu lofpir-eu nymrgor pyeuf-awr, Tsaq-awr dawr-eu tsawrhaq deuq caevzafler ngae, Yabuq-ir-eu mae.

Luˇkaꞈ 13:34

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf, khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-a.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.