Jaceuq 71:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngar aqmyanluf jawrlar nya-eu, Ngaq-euq gharduq ghaq khav-eu caevzafduq pyeufnaeq laf-awq. Nawr, ngaq-anr kakhof-eu gharduq khaerdawq bifdzeur-euq mae. Aqjeq mirnae aernar-aq, nawr-aq, ngaq-euq logur hawr-eu ngaq-euq lanrlof pyeuf-eu mae.

Akha

³ Ngaˬ-euˬ gʼoe duˬ lo guˇ hawˇ-eu, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za-eu ziꞈ dah ni gʼeh-eu nymˇ nymˇ ma loꞈ-ehˇ, nawˇ ngaˬ-ahˇ haw piˇ nehˬ laꞈ.

Jaceuq 71:3 ပူးပေါင်းရင်းမြစ်များ

Jaceuq 144:2

Aqyawf-aq, ngaq-anr ghoer-awr gaq-eu, ngaq-euq lanrzif pyeuf-awr, Ngaq-anr bibuq-ir-eu ghaq, ngaq-euq lofpir-eu nymrgor pyeuf-eu uqtaf, Ngar, aqyawf-euq lafkhoer caevzaf ler-eu, ngaq-euq daeqdaqduq mae; Ngaq-euq tsawrhaq, ngaq-euq lafov jawrni, aqyawf nae janr-euq mae.

Jaceuq 18:2

Ya’we Miqyaer-aq, ngaq-euq logur, ngaq-euq lanrlof nymrzif hawr-eu ngaq-anr bibuq-ir-eu ghaq pyeuf-awr, Ngaq-euq Miqyaer, ngaq-euq logur hawr-eu ngar ghoeduq pyeuf-eu uqtaf, Ngaq-euq daeqdaqduq, ngaq-anr kakhof-eu uqcoer hawr-eu ngaq-euq zifduq pyeuf-eu mae.

Jaceuq 18:3

Ngar, jaceuq paq-aer geux-eu Ya’we Miqyaer-anr kur ngae, Ngaq-anr muir-eu deuq-anr nae yabuq-ir taef-a.

Jaceuq 42:8

Nan’ghanr paw, Ya’we Miqyaer, aqyawf-euq ghoer-awr gaq-eu jeq khaerlef taef-a, Uqcif paw-aq, aqyawf-euq cardawq, ngaq naeq-aer jav-awr, Ngaq-euq daefzir-euq Miqyaer-anr guiqlanq shar-eu jeq pyeuf taef-a.

Jaceuq 44:4

Miqyaer-or! Nawr-aq, ngaq-euq Sanqpaq mae; Yaqkov ghaqlerni nawr dawq bif-awq.

Jaceuq 68:28

Nawq-euq Miqyaer, nawq-euq ghaq-anr khaer-euq mae; Miqyaer-or! Dzeurlaf ngae nawq nae nga’maf-euq gharduq mr-euq lof-aer, Ghaq bimawr naeqlaf-awq.

Jaceuq 89:27

Ngar, aqyawf-anr ngaq-euq huqbaw aqyuif ghaq khawf bigeuf-awr; Mirtsaq-euq sanqpaq deuq-euq khoertav, gor duidui-eu ghaq bigeuf ma.

Jaceuq 90:1

Sanqpaq Miqyaer-or! Yawqzir navluf, Nawr-aq, nga’maf-euq jawrduq jawrzar pyeuf-eu ma.

Jaceuq 91:9

Nawr, Ya’we Miqyaer-anr nawq-euq caevzafduq bipyeuf-awr, Gor duidui-eu ghaq-anr, nawq-euq jawrduq khawf bipyeuf-euq mirnae;

Dawqdaq 18:10

Ya’we Miqyaer-euq tsawrmyanr-aq, Zifdanni ghae-eu lofpir-eu nymrgor pyeuf-awr, Tsaq-awr dawr-eu tsawrhaq deuq caevzafler ngae, Yabuq-ir-eu mae.