Jaceuq 71:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawq-euq tsaq-awr dawr-eu lafkhoer, ngaq-anr bibuq-ir naeqlaf-awr, Ngaq-anr bi caevdzeurnya naeqlaf. Nawq-euq naqbawr, ngaq-anr ciqkhmr naeqlaf-awr, ngaq-anr kakhof naeqlaf-awq.

Akha

² Nawˇ yaw tsaˬ yaw dawˇ gʼaˬ pyeuꞈ-eu miˇ neh, ngaˬ-ahˇ ngehˬ gʼeh dah teˬ nehˬ laꞈ. Ngaˬ-euˬ shaˇ dawˬ-ahˇ naˇ haˬ-awˇ, ngaˬ-ahˇ ka kʼoꞈ nehˬ laꞈ.

Jaceuq 71:2 ပူးပေါင်းရင်းမြစ်များ

Jaceuq 143:1

Ya’we Miqyaer-or! Ngaq-euq guiqlanq shardawq-anr narhaq naeqlaf-awq. Ngar tanqshar-eu jeq-anr nawq-euq naqbawr ciqkhmr naeqlaf-awq. Nawq-euq sarjax zif-awr, tsaq-awr dawr-eu lafkhoer, ngaq-anr dawq ngaeqkhof naeqlaf-awq.

Jaceuq 143:11

Ya’we Miqyaer-or! Nawq-euq tsawrmyanr gharduq, ngaq-anr lavdaef naeqlaf-awq! Nawq-euq tsaq-awr dawr-eu jeq-euq baqda’nae, Ngaq-euq nuima saflar, gardzaq garkawv-anr nae gheudov naeqlaf-awq.

Jaceuq 17:2

Ngaq-anr japir-eu jeq, nawq-euq maeqshi nae bi dovle-awq! Nawq-euq myavnuiv tsaq-eu jeq-anr hawmawr naeqlaf!

Jaceuq 17:6

Nawr, ngaq-anr oq toqnaeq laf-eu mirnae, Miqyaer-or! Ngar, nawq-anr kur-eu ma. Nawq-euq naqbawr, ngar jawr-eu paw ciqkhmr naeqlaf-awr, Ngaq-euq dawq narhaq naeqlaf-awq.

Jaceuq 31:1

Ya’we Miqyaer-or! Ngar, nawq-anr ghoe ma. Ngaq-anr tiqjawr-iq taqbi shafdawr-ir naeqlaf; Nawq-euq tsaq-awr dawr-eu lafkhoer, ngaq-anr bibuq-ir naeqlaf-awq.

Jaceuq 31:2

Nawq-euq naqbawr, ngaq-anr ciqkhmr ghaelef naeqlaf-awr, Ngaq-anr yawkawr-aer bibuq-ir naeqlaf-awq. Ngaq-euq caevzafduq logur pyeufnaeq laf-awr; Ngar yabuq-ir ni, lofpir-eu zif-eu lanrlof pyeufnaeq laf-awq.

Jaceuq 34:15

Ya’we Miqyaer-euq myavnuiv-aq, tsaq-awr dawr-eu tsawrhaq deuq-anr hawluf-awr, Aqyawf-euq naqbawr-aq, aqyawfmaf gur-eu gar narhaq luf-eu mae.

Jaceuq 43:1

Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

1 Gawˇliˬtu 10:13

Nawmaf-anr keuvle teurle-awr yadaq-eu murjur jur-eu jeq-aq, tsawrhaqzaq maq daqhaw-euq murjur jur-eu jeq maqngeur-a. Miqyaer sarjax zif-eu mirnae, nawmaf maq daqcoer-eu murjur jur-eu jeq nawmaf-anr maqbi keuvle-a. Murjur jur-eu jeq keuvle ngae, nawmaf daqcoerni buq-ir nya-eu garma shardanr taq-euq mae.