Jaceuq 7:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Tsawrcawv-euq yawdoer jeq arsaq bisaq-awr, Dawr-awr tsaq-eu deuq-anr lavzif naeq-awq. Aqjeq mirnae aernar-aq, tsaq-awr dawr-eu Miqyaer-aq, nuima hawr-eu nuinoeq-anr tsermr haw-eu mae.

Akha

⁹ Haiˬ-eu deuˬ aˇsaˬbi saˬ-awˇ, tsaˬ-eu deuˬ bi dehꞈtuˇlaˇ-awˬ. Tsaˬ-eu dawˇ-eu Miˬyehˇnawˇ-aˬ, nui ma-ahˇ yaˇkʼaˬdaˇ-eu meh.

Jaceuq 7:9 ပူးပေါင်းရင်းမြစ်များ

Jaceuq 10:15

Tsawrdoer hawr-eu tsawrcawv-euq lafdu ngawqkhaef naeq-awq, Aqyawf-euq yawdoer tiqjeq-iq maqbi dzerlarni povdovjir naeq-awq.

Jaceuq 10:18

Khoer-aq, mirtsaq-euq khoertav jawr-eu tsawrhaqzaq lavguv-eu jeq maqpar bimr-aer, Bikhaeq bikhav-euq deuq hawr-eu aqda maqbaw-eu tsawrhaq-anr, dawr-awr tsaq-eu jeq janrnaeq-eu gharduq mae.

Jaceuq 11:5

Ya’we Miqyaer, tsaq-awr dawr-eu tsawrhaq-anr tsermr-eu mae. Aerkhawf, coeqler deuqler-eu jeq-anr gaq-eu tsawrhaq hawr-eu tsawrcawv-anr-aq, Aqyawf-euq nuima saflar byae duidui-eu mae.

Jaceuq 139:1

Ya’we Miqyaer-or! Nawr, ngaq-anr povtser duq-awr, ngaq-anr siqnya-eu mae.

Jaceuq 17:3

Nawr, ngaq-euq nuima-anr pyaevtserhaw ngae, Uqcif paw ngar jawr-eu gar oe-awr, Ngaq-anr tsermrhaw ngae, maqtsaq-eu jeq anr-eu maqmawr-aq. Ngar, ngaq-euq khaqmae nae yawbanq yawlaeq jeq maqngaeq laer noeqtsov taq-euq ma.

Jaceuq 18:21

Aqjeq mirnae aernar-aq, ngar, Ya’we Miqyaer-euq garma-anr can’ghae laf-awr, Ngar yawcawv jeq maqmr-aer, ngaq-euq Miqyaer-anr nae maqghawq-ir-aq.

Jaceuq 26:2

Ya’we Miqyaer-or! Ngaq-anr tsermr haw-awr, ngaq-anr pyaevtser duq-awq. Ngaq-euq nuinoeq hawr-eu ngaq-euq nuima-anr povtser duq-awq.

Jaceuq 35:23

Ngaq-euq Sanqpaq, ngaq-euq Miqyaer-or! Ngaq-euq gardzaq hawr-eu ngaq-euq garkawv-euq gharduq, Tsawqtur-awr, yawqhar yawqha lavzor-awr japir naeqlaf-awq.

Jaceuq 37:23

Tsawrhaq yawmuiq-euq kuirtof-aq, Ya’we Miqyaer nae ciqtsaq taq-euq mae. Aqyawf-euq garma-anr Miqyaer nuikhanr shir-eu mae.

Jaceuq 40:2

Aqyawf, ngaq-anr lan’yaq lansix hawr-eu zawr doer-eu duqkhanq-anr nae gheudov naeqlaf-awr, Ngaq-euq aqkuir khaqlo-euq khoertav ciqdav naeqlaf-euq uqtaf, Ngaq-euq kuirtof lavzif naeqlaf-euq mae.

Jaceuq 43:1

Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

Jaceuq 44:21

Miqyaer maq hawmawr-aer jav taef-a laq? Aqjeq mirnae aernar-aq, aqyawf nuima-euq lafkhoer zaftaq-euq jeq khawf siqnya-eu mae.

Jaceuq 58:6

Miqyaer-or! Aqyawf maf-euq khaqmae-euq seuq daeka naeq-awr; Ya’we Miqyaer-or! Arlaqjaqshir zaqguq-euq juir ngawqjuv naeq-awq.

Jaceuq 9:9

Ya’we Miqyaer-aq, bikhaeq bikhav-euq deuq-euq gharduq, caevzafduq khawf pyeuf-awr, Shaq-awr zanq-eu jeq keuvle-eu yamq-anr, caevzafler nya-eu mae.

Jaceuq 96:10

Tsawrjeuq tsawrca deuq-euq ghanrcae heulof-aer aer-awq, “Ya’we Miqyaer uvlanrluf mae. Mirtsaq tanqkhawr khawf, maq jivlar paq-aer zifdanni lavzif taq-awr; Aqyawf, tsawrhaqzaq-anr tsaq-awr dawr-eu lafkhoer yarkhaqdar taef-a.”

Jaceuq 96:13

Aqjeq mirnae aernar-aq, aqyawf oeluf-eu mae. Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer yarkhaq dar-awr; Tsawrhaqzaq-anr aqyawf-euq yawtsaq yawdawr nae dar taef-a.

Jaceuq 98:9

Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer dar-awr, Tsawrhaqzaq-anr tiqkawv dini dar taef-a.

Gʼaˬkʼehˇ 12:23

Khoerngae, Heqlor, Miqyaer-anr maq ciqhuiq maq ciqmanr-eu mirnae, Sanqpaq Miqyaer-euq mqtav ghaqkhaer japyuqni tanqghae lef-awr aqyawf-anr arboeq armawr deuq nae bidzaq-awr, aqyawf saf tsaev-euq mae.

Lormav 16:25

Mirtsaq bae ngae nae maqbi siq-aer zaftaq-euq jeq-euq garkawv panmaeq naeqlaf-euq mirnae, ngar maeq-eu guiqlanqdawq hawr-eu Yeqsur Kali-euq garkawv dawqmaeq maeq-eu baqda’nae, nawmaf-anr bi ziflar nya-eu ghaq-anr jaceuq ma.

1 Teˇsaˬloˇni 3:13

Khoernar-aq, aqdui-euq Sanqpaq Yeqsur Kali, aqyawf-euq tsawrshawr dawqtawvluf naeq-aer zafkale ngae, aqdui-euq Aqda Miqyaer-euq maeqshi nuima shawrjaevni, aerkhar maqza-aer, aqyawf, nawmaf-euq nuima-anr bi ziflaf taef-a.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.