Jaceuq 7:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ya’we Miqyaer, tsawrhaqzaq-anr, yarkhaqdar taef-a. Ya’we Miqyaer-or! Ngar tsaq-awr dawr-eu gar hawr-eu, Ngaq-euq lafkhoer anr-eu muiq-awr dawr-eu gar haw-awr, Ngaq-anr yarkhaq darnaeq laf-awq.

Akha

⁸ Miˇtsaˬtsawˇhaˬ dawˬtawˆluꞈ-ahˇ, SahˬpaˬMiˬyehˇ yaˇkʼaˬdaˇmeh. Ngaˇtsaˬgaˇdawˇgaˇ nawˇhaw-awˬ, ngaˬ-euˬgʼaˇduˬ yaˇkʼaˬdaˇ-awˬ.

Jaceuq 7:8 ပူးပေါင်းရင်းမြစ်များ

Jaceuq 11:4

Ya’we Miqyaer-aq, aqyawf-euq shawr-eu uqduq tanqnymr nymrma-euq lafkhoer jawrluf-eu mae. Ya’we Miqyaer-euq nuirmanq-aq, mqtav mirkhanq-anr jav-awr, Aqyawf-euq myavnuiv hawluf-eu lafkhoer, Aqyawf-euq myavnuiv khovtaev tsawrhaq-euq zaqyo-anr tsermr luf-eu mae.

Jaceuq 25:21

Ngar, nawq-anr dawqluf-eu mirnae, Yawmuiq yawjaq hawr-eu yawdawr yawtsaq jeq nae, ngaq-anr hawpir naeqlaf-awq.

Jaceuq 26:1

Ya’we Miqyaer-or! Ngaq-anr yarkhaq dar-awq. Aqjeq mirnae aernar-aq, ngar yawmuiq yawjaq-euq lafkhoer daeflaf-euq ma. Ngar, Ya’we Miqyaer-anr ghoe-euq mirnae, ngar povpov lavlav-aer maqghae.

Jaceuq 26:11

Aerkhawf, ngar-aq, ngaq-euq yawmuiq yawjaq-euq lafkhoer can ma. Ngaq-anr ghawqshaq gaq-awr kakhof naeqlaf-awq.

Jaceuq 41:12

Ngaq-anr-aq, nawr, ngaq-euq yawmuiq yawjaq-euq lafkhoer ngaeqghae naeqlaf-awr; Ngaq-anr nawq-euq myavpyawq-euq maeqshi mqmaq maqbyav yarzir bijawr naeqlaf-euq mae.

Jaceuq 43:1

Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

Jaceuq 78:72

Khoermirnae, aqyawf-euq nuima muiq-awr jaq-eu lafkhoer, Aqyawf, aqyawf maf-anr yawr bo-eu lof-aer bosav-awr; Aqyawf-euq bym-awr nya-eu aqlaf nae, aqyawf maf-anr sheuqghae-euq mae.

Jaceuq 82:1

Miqyaer, ghaq khav-eu deuq uiqler taq-awr jawr-eu gar yawf-awr, Aqyawf, miqyaer deuq-euq ghanrcae yarkhaq dar-awr aer-eu;

Jaceuq 9:8

Aqyawf, mirtsaqzaq-anr tsaq-awr dawr-eu lafkhoer yarkhaq dar-awr, Tsawrhaqzaq-anr yarkhaqdar ngae, aqyawf dawrcoeni dar-eu mae.

Jaceuq 96:13

Aqjeq mirnae aernar-aq, aqyawf oeluf-eu mae. Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer yarkhaq dar-awr; Tsawrhaqzaq-anr aqyawf-euq yawtsaq yawdawr nae dar taef-a.

Jaceuq 98:9

Aqjeq mirnae aernar-aq, aqyawf, mirtsaq-anr yarkhaq dar-eu laer oeluf-eu mae. Aqyawf, mirtsaq tanqkhawr-anr tsaq-awr dawr-eu lafkhoer dar-awr, Tsawrhaqzaq-anr tiqkawv dini dar taef-a.

Dawqdaq 19:1

Dawrcoeni daef-eu irshaqzaq-aq, Aqdzawq argan gan-awr dawq birpyawv-aer ngaeq-eu tsawrhaq navmaqtser, muiqdzaeq-eu mae.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

1 Teˇsaˬloˇni 2:10

Nga’maf, nawmaf naeq-aer jawr ngae, kharmr kharshaq-euq jeq-aq, yawmuiq yawshawr, tsaq-awr dawr-eu hawr-eu iqbax taqkhar maqza-a laer Kali-anr jan-eu nawmaf hawr-eu Miqyaer khawf sarkir pyeuf-eu mae.