Jaceuq 7:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tsawrhaqzaq uiqlar-awr, nawq-euq tiqjawq jawrjawqlar taef-a. Khoermirnae, aqyawf maf-euq gharduq, yawgor-anr ghofdav ler-awr uvlanr-awq.

Akha

⁷ Tsawˇhaˬkʼaˇjawˇ-eu dawˬtawˆluꞈ, nawˬ-euˬtiˬjawˬ bi uiˬlaˇ-awˇ, yaw goˇ-ahˇ nuiˇ-awˇuˆlahˇ-awˬ.

Jaceuq 7:7 ပူးပေါင်းရင်းမြစ်များ

Jaceuq 138:6

Ya’we Miqyaer-aq, yawgor-anr jawr-eu khawf, Aqyawf, yaw’aw-anr jawr-eu deuq-anr noeqkeuv-eu mae; Aerkhawf, nuima huiq-eu deuq-anr-aq, garmanr kaq-eu gar nae siqnya-eu mae.

Jaceuq 35:23

Ngaq-euq Sanqpaq, ngaq-euq Miqyaer-or! Ngaq-euq gardzaq hawr-eu ngaq-euq garkawv-euq gharduq, Tsawqtur-awr, yawqhar yawqha lavzor-awr japir naeqlaf-awq.

Jaceuq 43:1

Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

Jaceuq 48:11

Nawr yarkhaq dar-eu mirnae, Ziroq gawqjawq laqkhaq bicaer-awr, Yurdav-euq zaqmiq deuq bi lurgha bi caergha-awq.

Jaceuq 59:5

Khoermirnae, Guirmaf-euq Miqyaer pyeuf-eu Ya’we Miqyaer-or, Irsaqleqlav-euq Miqyaer, nawr turlar-awr tsawrjeuq tsawrca dawqtawv luf-anr darnaeq-awq; Sarjax maqzif-eu tsawrcawv-anr ghawqshaq taq gaqnaeq. Sela.

Jaceuq 93:4

Yawgor-anr jawr-eu Ya’we Miqyaer-aq, ghaq khavdzaeq-eu mae. Ircuf ghawqmya ni-euq tersar navmaqtser ghaq khavdzaeq-eu mae. Iqmalavshav-euq ghaq khav-eu irluv dzae-eu navmaqtser khavdzaeq-eu mae.

Panmaeq 18:20

“Mqtav mirkhanq-or! Meuq heumeuq byov-ir-euq mirnae laqkhaq caer-awq. Nawmaf, shawr-eu ghaqkhaer hawr-eu Miqyaer gharduq ngaeqdan-eu deuq khawf laqkhaq caer-awq. Aqjeq mirnae aernar-aq, nawmaf-euq gharduq Miqyaer, aqyawf-anr janrkhof naeq-euq mae!”

Panmaeq 19:2

Aqyawf nae yarkhaq dar-euq-aq, tsaq duidui-awr dawr duidui-eu mae. Mawrdo anq-eu zaqmiq aqbur heughaq, aqyawf naeq-aer banq-awr muv-euq mirtsaqzaq-anr bicawv-ir-euq mirnae, Miqyaer, aqyawf-anr yarkhaq darnaeq-euq mae. Khoeruqtaf, aqyawf nae Miqyaer-euq kuirlaf zaqkhav-euq shiq lavdov-euq arpoeq, Miqyaer, aqyawf-anr janrkhof naeq-euq mae.”