Jaceuq 7:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq Miqyaer pyeuf-eu Ya’we Miqyaer-or! Ngar, nawq-euq lafkhoer caevzaf ma. Ngaq-anr tae-eu tsawrhaq dawqtawv luf-anr nae bibuq-ir naeqlaf-awr, Ngaq-anr bidzeur-ir naeqlaf-awq.

Akha

¹ Ngaˬ-euˬSahˬpaˬ,ngaˬ-euˬMiˬyehˇ, nawˬ-ahˇ ngaˇtahˬshaˇlaˇ-euˬma. Ngaˬ-ahˇteh-eu deuˬ-euˬlaꞈ-ahˇ, nawˇngaˬ-ahˇ ka kʼoꞈnehˬlaꞈ-awˬ.

Jaceuq 7:1 ပူးပေါင်းရင်းမြစ်များ

Jaceuq 11:1

Ngar, Ya’we Miqyaer-euq lafkhoer caevzaf ma. Nawr, ngaq-anr heulof-aer aqjox-aer aernya-eu le: “Arjir lof-aer, nawq-euq gawqjawq paw zawbyov lef-awq.

Jaceuq 13:3

Ngaq-euq Miqyaer pyeuf-eu Ya’we Miqyaer-or! Ngaq-anr narhaq-awr sharnoeq naeqlaf-awq. Ngar yuf ngae, yufkhav byov-awr shir-eu gar maqya keuvni, ngaq-euq myavnuiv bi mawrnya naeqlaf-awq.

Jaceuq 13:5

Aerkhawf, ngar, nawq-euq ghawqshaq gaq-eu jeq-anr ghoeluf ma. Ngaq-euq nuima, nawq-euq kakhof-eu jeq-anr laqkhaq yacaer taef-a.

Jaceuq 18:2

Ya’we Miqyaer-aq, ngaq-euq logur, ngaq-euq lanrlof nymrzif hawr-eu ngaq-anr bibuq-ir-eu ghaq pyeuf-awr, Ngaq-euq Miqyaer, ngaq-euq logur hawr-eu ngar ghoeduq pyeuf-eu uqtaf, Ngaq-euq daeqdaqduq, ngaq-anr kakhof-eu uqcoer hawr-eu ngaq-euq zifduq pyeuf-eu mae.

Jaceuq 18:28

Nawr, ngaq-euq tsirkhmq keuqdof naeqlaf-eu mirnae; Ngaq-euq Miqyaer pyeuf-eu Ya’we Miqyaer, ngaq-euq yawzanr-anr yawshaef bi byalar-eu mae.

Jaceuq 25:2

Ngaq-euq Miqyaer-or! Ngar, nawq-anr ghoe ma. Ngaq-anr taqbi shafdawr-ir naeqlaf; Ngaq-anr muir-eu deuq ngaq-anr taqbi ghaqlar naeqlaf.

Jaceuq 26:1

Ya’we Miqyaer-or! Ngaq-anr yarkhaq dar-awq. Aqjeq mirnae aernar-aq, ngar yawmuiq yawjaq-euq lafkhoer daeflaf-euq ma. Ngar, Ya’we Miqyaer-anr ghoe-euq mirnae, ngar povpov lavlav-aer maqghae.

Jaceuq 3:7

Ya’we Miqyaer-or! Turlar-awq. Ngaq-euq Miqyaer-or! Bibuq-ir naeqlaf-awq. Ngaq-anr kharmuir-eu deuq-euq maeqof taevceuf naeq-awr, Yawcawv deuq-euq seuq diqjuvjir naeq-awq.

Jaceuq 30:12

Khoermirnae, ciqcurni maqjawr-aer, ngaq-euq khanqsaer-anr nae, Car-awr nawq-anr jaceuq-eu ma. Ngaq-euq Miqyaer pyeuf-eu Ya’we Miqyaer-or! Ngar, nawq-anr mqmaq maqbyav yarzir jaceuq ma.

Jaceuq 30:2

Ngaq-euq Miqyaer pyeuf-eu Ya’we Miqyaer-or! Ngar, nawq-anr gurgaq ngae, Nawr, ngaq-anr lavsavtaq naeqlaf-euq mae.

Jaceuq 31:15

Ngaq-euq arnan aryamq-aq, nawq-euq aqlaf-euq lafkhoer jav-eu mae. Ngaq-anr muir-eu deuq-euq aqlaf-anr nae hawr-eu, Ngaq-anr khaeq-awr khav-eu deuq-anr nae bibuq-ir naeqlaf-awq.

Jaceuq 32:10

Tsawrcawv-aq, nuima cawv-eu ghawqmya jeq yadaq taef-a; Aerkhawf, Ya’we Miqyaer-anr ghoe-eu tsawrhaq-euq tiqjawq, ghawqshaq gaq-eu jeq jav taef-a.

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

Jaceuq 89:26

Aqyawf, ngaq-anr heulof-aer gur taef-a. ‘Nawr-aq, ngaq-euq aqda hawr-eu ngaq-euq Miqyaer ma. Ngaq-anr bibuq-ir naeqlaf-eu logur mae.’

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Beˬtuˆluˆ 4:19

Miqyaer nuima tsaq-eu mirnae shaqzanq daqluf-eu tsawrhaq deuq, sarjax zif-eu mqmir bae-euq Yawsanr ghaq-anr nuima saflar a’naeq-awr, yawmuiq jeq mr-awq.