Jaceuq 69:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Tiqjeq-iq maqngeur-eu gar, ngaq-anr byae-eu tsawrhaq deuq, Ngaq-euq uqduq tsaerkanr myavmaqtser myaq-eu mae. Tiqjeq-iq maqngeur-eu gar, ngaq-anr muir-eu deuq, aqyawfmaf ghaq khav-awr, Ngaq-anr lavcawv-eu laer ghae-eu mae. Ngaq nae maqkhoeq-euq jeq-anr, ngar ya tsoeqkhof naeq-eu mae.

Akha

⁴ Gaˇ kawˆ maˬ jaˆ gaˇ ngaˬ-ahˇ bye-eu tsawˇ haˬ deuˬ, ngaˬ-euˬ uˬ duˬ tsehˇ kahˇ myaˆ maˬ tseˇ myaˬ-eu meh. Ngaˬ-ahˇ muiˇ-eu deuˬ ngaˬ-euˬ gaˇ kawˆ jaˬ myawꞈ myawꞈ-awˇ, aˬ yawꞈ maꞈ gʼaˬ kʼaˆ-eu miˇ neh ngaˬ-ahˇ sehꞈ mawꞈ-eu meh. Ngaˬ neh maˬ kʼoeˬ-euˬ jeˬ, ngaˬ-ahˇ bi tsoeˬ laꞈ-euˬ meh.

Jaceuq 69:4 ပူးပေါင်းရင်းမြစ်များ

Jaceuq 35:19

Ngar tiqjeq-iq maqlaeq-eu gar muir-eu deuq, Ngaq-euq baqda’nae laqkhaq taqbi caer law. Tiqjeq-iq maqngeur-eu gar, ngaq-anr byae-eu deuq myavtaev taqbi taevcawq law.

Jaceuq 40:12

Aqjeq mirnae aernar-aq, maq guijircoer paq-aer myaq-eu yawdoer jeq, ngaq-anr gajawq taq-euq mae. Ngaq-euq uqduq tsaerkanr myavmaqtser myaq-eu ngaq-euq yawlaeq yawca, Ngaq-anr taemilar taq-euq mirnae, ngar tiqjeq-anr-iq maqpar hawmawrnya mir-a. Khoermirnae, ngaq-euq nuima nuighaq baq-ir jir taq-euq mir-a.

Jaceuq 59:3

Aqyawfmaf, ngaq-euq daefzir yur-eu laer dzurzaf taq-euq mae. Ghaq khav-eu deuq gmler-awr ngaq-anr caelar luf-eu mae. Ya’we Miqyaer-or! Hawsher-eq, khoer-aq, ngaq-euq iqbax hawr-eu yawlaeq yawca-euq baqda’nae maqngeur-a.

Jaceuq 6:7

Ngaq-anr muir-eu tsawrhaq dawqtawv luf-euq baqda’nae, Ngaq-euq myavnuiv ngoerpuq ngoerlu jir-awr, Ngar nuima cawv-eu mirnae, ngaq-euq myavnuiv myavghaq baq-ir taq-euq mir-a.

Yoˇhaˬ 15:25

Khoerlof-aer pyeuflar-euq-aq, aqyawf maf-euq zanrdawq-euq lafkhoer boftaq-euq dawq heudawq byanlar-euq mae, ‘Tiqjeq-iq maqngeur-eu gar, aqyawfmaf, ngaq-anr byae-eu mae.’ (Jc 35:19; 69:4)

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

1 Beˬtuˆluˆ 2:22

“Aqyawf iqbax maq mrhaw-aer, aqyawf-euq khaqmae-euq lafkhoer khawf jaqmyawf maershuir maq povmawr nya-a.” (Isy 53:9)

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.