Jaceuq 69:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ya’we Miqyaer-or! Nawq-euq ghoer-awr gaq-eu jeq muiq-eu mirnae, Ngaq-anr narhaq naeqlaf-awq. Nawq-euq nanqyuni ghae-eu zawr-aer myaq-eu ghawqshaq gaq-eu jeq-euq baqda’nae, Ngar jawr-eu paw ciqpyawr lef-awq.

Akha

¹⁶ Sahˬpaˬ Miˬyehˇ-oˇ, maˬ tsehˆ leˇ nya-eu muiˬ dui dui-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-euˬ shaˇ dawˬ-ahˇ naˇ haˬ nehˬ laꞈ. Huiˬ dui dui-eu nawˬ-euˬ gʼawˬ shaˬ gaˬ-eu jeˬ baˬ da neh, ngaˬ-ahˇ haw cawˬ nehˬ laꞈ.

Jaceuq 69:16 ပူးပေါင်းရင်းမြစ်များ

Jaceuq 106:45

Aqyawf, aqyawf maf-euq gharduq, aqyawf-euq dawqma sarjax-anr noeqkeuv-awr; Aqyawf-euq ghawqshaq gaq-eu jeq myaq duidui-eu baqda’nae, nuima ga’nanq le-euq mae.

Jaceuq 109:21

Aerkhawf, Sanqpaq Miqyaer pyeuf-eu Ya’we Miqyaer-or! Nawq-euq tsawrmyanr-anr tsaqni, ngaq-anr janrnaeq laf-awq. Nawq-euq ghawqshaq gaq-eu jeq muiq-eu mirnae, ngaq-anr bibuq-ir naeqlaf-awq.

Jaceuq 18:5

Shir-eu mirkhanq-euq cavkhmr, ngaq-anr gheupaf-awr, Shir-eu jeq-euq lanrju, ngaq-euq maeqshi khmrtaq-euq mae.

Jaceuq 25:16

Ngar jawr-eu paw ciqpyawr lef-awr, ngaq-anr ghawqshaq gaqnaeq laf-awq. Aqjeq mirnae aernar-aq, ngar tiq ghaq taef-aer jawr-awr shaqzanq ya daqluf nya.

Jaceuq 26:11

Aerkhawf, ngar-aq, ngaq-euq yawmuiq yawjaq-euq lafkhoer can ma. Ngaq-anr ghawqshaq gaq-awr kakhof naeqlaf-awq.

Jaceuq 36:7

Miqyaer-or! Nawr ghoer-awr gaq-eu jeq, Arnavni poeq-awr lawq-eu nga! Heu-euq baqda’nae, nawq-euq aqdanr-euq narshmr-euq uqmov, Tsawrhaqzaq ghoelar-eu mae.

Jaceuq 51:1

Miqyaer-or! Nawq-euq ghoer-awr gaq-eu jeq-euq baqda’nae, Ngaq-anr ghawqshaq gaqnaeq laf-awq. Nawq-euq myaq duidui-eu nanqyuni ghawqshaq gaq-eu jeq-euq baqda’nae, Ngaq-euq yawbanq yawlaeq sivdzaebyov naeqlaf-awq.

Jaceuq 63:3

Nawq-euq ghoer-awr gaq-eu jeq-aq, daefzir navmaqtser muiqdzaeq-eu mirnae, Ngaq-euq maeqluq, nawq-anr jaceuq ma.

Jaceuq 69:13

Aerkhawf, Ya’we Miqyaer-or! Aryamq tsaq ngae, Ngar, nawq-anr guiqlanq shar-eu ma. Miqyaer-or! Nawr ghawqshaq gaq-eu jeq myaq duidui-eu lafkhoer, Nawq-euq kakhof-eu jeq-euq yawtsaq yawdawr-euq lafkhoer, Ngaq-anr narhaq naeqlaf-awq.