Jaceuq 69:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aerkhawf, Ya’we Miqyaer-or! Aryamq tsaq ngae, Ngar, nawq-anr guiqlanq shar-eu ma. Miqyaer-or! Nawr ghawqshaq gaq-eu jeq myaq duidui-eu lafkhoer, Nawq-euq kakhof-eu jeq-euq yawtsaq yawdawr-euq lafkhoer, Ngaq-anr narhaq naeqlaf-awq.

Akha

¹³ Ehˇ kʼawꞈ, Sahˬpaˬ Miˬyehˇ-oˇ, ngaˇ nawˬ-ahˇ guiˬ lahˬ shaˇ-eu ma. Miˬyehˇ-oˇ, nawˇ naˇ haˬ mawꞈ-eu aˇ yamˬ-ahˇ, ngaˬ-euˬ shaˇ dawˬ naˇ haˬ nehˬ laꞈ-awˬ. Nawˇ-aˬ, gʼoeˇ-eu gaˬ-eu jeˬ huiˬ dui dui-awˇ, ka kʼoꞈ-eu gʼaˇ duˬ dzaˬ taˬ-euˬ nawˬ-euˬ dawˬ ma saˇ jaˇ-ahˇ nawˇ ziꞈ-eu miˇ neh, ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ.

Jaceuq 69:13 ပူးပေါင်းရင်းမြစ်များ

Jaceuq 32:6

Heu-euq baqda’nae, nawq-anr sarjax zif-eu yawqghaq navluf, Nawq-anr mawrnya-eu aryamq pyeuf ngae, Nawq-anr guiqlanqshar taef-a. Ircuf ghawqmya’ni danqlar-eu khawf, Yawduq bawni, aqyawf-euq dawqpae maq danqkeuv lar-ar.

Jaceuq 51:1

Miqyaer-or! Nawq-euq ghoer-awr gaq-eu jeq-euq baqda’nae, Ngaq-anr ghawqshaq gaqnaeq laf-awq. Nawq-euq myaq duidui-eu nanqyuni ghawqshaq gaq-eu jeq-euq baqda’nae, Ngaq-euq yawbanq yawlaeq sivdzaebyov naeqlaf-awq.

Jaceuq 91:15

Aqyawf, ngaq-anr kur ngae, Ngar, aqyawf-anr ngaeqkhofnaeq ma. Aqyawf-anr gardzaq garkawv keuvle ngae, Ngar, aqyawf naeq-aer jawr ma. Ngar, aqyawf-anr bibuq-ir-awr taqhuiq taqmanrnaeq ma.

Jaceuq 98:3

Aqyawf, Irsaqleqlav-euq nymrkhanq-euq gharduq, Aqyawf-euq ghawqshaq gaq-eu jeq hawr-eu, Sarjax zif-eu jeq noeqkeuv naeq-euq mae. Mqdzer mirdzer dawqtawvluf, aqdui-euq Miqyaer-euq kakhof-eu jeq ya’mawr-euq mae.

Luˇkaꞈ 1:72

Aqyawf, aqdui-euq aqpoeq deuq-anr ghawqshaq gaq-eu lafkhoer janrnaeq-awr, Aqyawf-euq shawr-eu dawqma sarjax-anr noeqkeuv-euq mae.

Luˇkaꞈ 22:44

Yeqsur shaqzanq mr duidui-eu mirnae, yawbae navmaqtser, yawshaq-anr teufler-awr guiqlanq parshar-euq mae. Aqyawf-euq kuqpyur, shiq lof-aer pyeuf-ir-awr, mirtsa dzavka luf-eu mae.

2 Gawˇliˬtu 6:2

Aqjeq mirnae aernar-aq, Miqyaer aer-eu, “Aryamq tsaq ngae, ngar, nawq-euq shardawq-anr narhaq-euq ma. Kakhof-eu arnan ngae nan, ngar, nawq-anr cawba-euq ma.” (Isy 49:8) Hawsher-eq. Nymq-mr-aq, aryamq tsaq-eu mae. Iqnan-aq, kakhof-eu arnan mae.

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.

1 Beˬtuˆluˆ 2:23

Aqcawq, aqyawf-anr yaeqbawq-aer aer-euq khawf, aqyawf yaeqbawq-aer maq ngaeqkhof haw-aq. Aqyawf shaqzanq yadaq ngae khawf, aqcawq-anr guvtsiq nyaef-eu dawq maqngaeq-aer, aqyawf-euq mawrdo, tsaq-awr dawr-eu lafkhoer yarkhaq dar-eu Miqyaer-euq aqlaf-euq lafkhoer a’naeq-euq mae.