Jaceuq 67:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Miqyaer, aqdui-anr guiqlanq bifnaeqlaf taef-a. Mqdzer mirdzer-anr keuvni jawr-eu tsawrhaq dawqtawvluf, aqyawf-anr guv taef-a.

Akha

⁷ Miˬyehˇ aˬ dui-ahˇ guiˬ lahˬ biꞈ laꞈ-euˬ meh. Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ, aˬ yawꞈ-ahˇ taˬ huiˬ taˬ mahˇ luꞈ-uˇ.

Jaceuq 67:7 ပူးပေါင်းရင်းမြစ်များ

Jaceuq 22:27

Mirtsaq-euq mirdzer yawqdzer navluf, Ya’we Miqyaer-anr noeqkeuv lar-awr, aqyawf jawr-eu paw ghofkhoflar taef-a. Mirkhanq-euq tsawrjeuq-euq zawfjir dawqtawvluf khawf, nawq-euq maeqshi uqduq tanqlar taef-a.

Jaceuq 29:11

Ya’we Miqyaer, aqyawf-euq tsawrhaq-anr ghaq bif taef-a; Ya’we Miqyaer, aqyawf-euq tsawrhaq-anr nuisar of-eu guiqlanq bif taef-a.

Jaceuq 33:8

Mirtsaq dawqtawvluf, Ya’we Miqyaer-anr guv-awr; Mirtsaq tanqkhawr-anr kharjawr-eu deuq aqyawf-anr zeu-awq.

Jaceuq 65:5

Nga’maf-anr kakhof-eu Miqyaer-or! Nawr tsaq-awr dawr-eu jeq-euq lafkhoer, Yawzeu bawlar paq-aer ghae-eu jeq mr-awr, nga’maf-anr aerkhof naeqlaf taef-a. Nawr-aq, mqdzer mirdzer-anr keuvni jawr-eu tsawrhaq deuq hawr-eu, Kaq-eu iqmalavshav-anr jawr-eu tsawrhaq dawqtawvluf noeqtmqduq pyeuf-eu mae.

Jaceuq 72:17

Aqyawf-euq tsawrmyanr li-eu maqbawni zif-awr; Nanrma kharbya-eu khoerkeuvni, aqyawf-euq tsawrmyanr javtsaflef taef-a. Tsawrhaqzaq, aqyawf-euq lafkhoer guiqlanq za-awr; Mirkhanq-euq tsawrjeuq dawqtawvluf, aqyawf-anr guiqlanq huiq-eu ghaq laer kur taef-a.

Jaceuq 98:3

Aqyawf, Irsaqleqlav-euq nymrkhanq-euq gharduq, Aqyawf-euq ghawqshaq gaq-eu jeq hawr-eu, Sarjax zif-eu jeq noeqkeuv naeq-euq mae. Mqdzer mirdzer dawqtawvluf, aqdui-euq Miqyaer-euq kakhof-eu jeq ya’mawr-euq mae.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Gʼaˬkʼehˇ 13:47

Aqjeq mirnae aernar-aq, Sanqpaq Miqyaer, nga’maf-anr dawq heulof-aer biftaq-euq mae, ‘Nawq-euq baqda’nae, mqdzer mirdzer-anr keuvni kakhof-eu jeq za’ni, Aqcawq tsawrjeuq tsawrca-euq gharduq ngar, nawq-anr yawshaef bipyeuf-euq ma.’ ” (Isy 49:6)

Gʼaˬkʼehˇ 2:28

Nawr, ngaq-anr daef-eu garma toeqmaeq naeqlaf-euq mae. Nawq-euq maeqshi ngar laqkhaq caer-eu jeq byanlarni, nawr, ngaq-anr janrnaelaf taef-a.’ (Jc 16:8-10)

Gaˬlaˬtiˆ 3:14

Khoermirnae, Aqbyaqhaq-anr bif-euq guiqlanq, Yeqsur Kali-anr ghoe-awr, aqcawq tsawrjeuq tsawrca-anr keuv-ir ni, aqdui jan-eu mirnae, bif ma laer aertaq-euq Yawshawr Saflar za-euq ma.

Gaˬlaˬtiˆ 3:9

Khoermirnae, jan-eu jeq anr-eu tsawrhaq-aq, nuijan anr-eu Aqbyaqhaq naeq-aer tiqkawv lof-aer guiqlanq za taef-a.

Panmaeq 15:4

Sanqpaq Miqyaer-or! Nawq-anr maqguv-aer, Nawq-euq tsawrmyanr-anr maq ciqhuiq-eu aqsur ghaq jawr-eu la? Aqjeq mirnae aernar-aq, nawr, tiq ghaq taef-aer yawshawr mae. Mirkhanq-euq tsawrjeuq dawqtawvluf, Nawq-euq maeqshi lar-awr uqduq tanqlar taef-a. Aqjeq mirnae aernar-aq, nawq nae dar-euq lof-aer byacaevni dovlar-euq mae.”