Jaceuq 66:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawf, aqyawf-euq baoq-anr ghoe-awr mqmaq maqbyav yarzir uvlanr-eu lafkhoer; Aqyawf-euq myavnuiv, tsawrjeuq tsawrca deuq-anr hawluf-awr, Puiq-awr muir-eu deuq yawqhar yawqha taqbi ciqgor. Sela.

Akha

⁷ Aˬ yawꞈ-euˬ baoˬ-ahˇ gʼoe-awˇ mˬ maˬ maˬ byaˆ zaˇ ziˇ uˆ lahˇ-eu laꞈ kʼoeˇ, tsawˇ jeuˬ dawˬ tawˆ luꞈ-ahˇ myaˆ nuiˆ haw luꞈ-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ bi puiˬ-a.

Jaceuq 66:7 ပူးပေါင်းရင်းမြစ်များ

Jaceuq 11:4

Ya’we Miqyaer-aq, aqyawf-euq shawr-eu uqduq tanqnymr nymrma-euq lafkhoer jawrluf-eu mae. Ya’we Miqyaer-euq nuirmanq-aq, mqtav mirkhanq-anr jav-awr, Aqyawf-euq myavnuiv hawluf-eu lafkhoer, Aqyawf-euq myavnuiv khovtaev tsawrhaq-euq zaqyo-anr tsermr luf-eu mae.

Jaceuq 140:8

Ya’we Miqyaer-or! Tsawrcawv deuq geufmawf-eu jeq taq bifnaeq; Aqyawfmaf yawdoer jeq tovtaq-euq khoer, taqbi irganrnya law; Maqngeur nar-aq, aqyawfmaf khanqsaer jaev-eu baw-mr. Sela.

Jaceuq 145:13

Nawr uvlanr-eu jeq-aq, mqmaq maqbyav yarzir zif-eu uvlanr-eu jeq pyeuf-awr; Nawq-euq dzoeqdzaq-aq, tiqzir sair tiqzir zif-eu mae.

Jaceuq 33:13

Ya’we Miqyaer, mqtav nae hawkalef ngae; Tsawrhaq-euq zaqdeuq dawqtawv luf-anr hawmawr luf-eu mae.

Jaceuq 62:11

Miqyaer tiq pov ngaeq-euq gar, ngar nyiq pov yagaq-euq ma; Baoq-aq Miqyaer-euq mae.

Jaceuq 75:6

Aqjeq mirnae aernar-aq, ciqgor-eu jeq-aq, Nanrma dovkhaeq hawr-eu gakhaeq paw nae oe-euq maqngeur-aer, Lafov pyawq-anr nae lar-eu khawf maqngeur-a.

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.