Jaceuq 66:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Miqyaer-anr heulof-aer aernaeq-awq, “Nawq nae mr-euq gardeuq yawzeu arnavni bawlar paq-aer ghae-eu nga. Nawq-euq baoq huiqdui manr duidui-eu mirnae, Nawq-anr muir-eu deuq, nawq-euq uqmov jawrlar taef-a.

Akha

³ Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Jaceuq 66:3 ပူးပေါင်းရင်းမြစ်များ

Jaceuq 18:44

Aqyawfmaf, ngaq-euq garkawv yagaq-euq naeq-aer, ngaq-euq dawq narhaq geuf-awr; Aqcawq tsawrjeuq, ngaq-euq maeqshi awbyav lar-eu mae.

Jaceuq 18:45

Aqcawq tsawrjeuq nuima gaka jir-awr, Aqyawf maf-euq caevzafduq-anr nae, guv duidui-eu lafkhoer dovle-eu mae.

Jaceuq 47:2

Aqjeq mirnae aernar-aq, gor duidui-eu Ya’we Miqyaer-aq, yawzeu bawlar paq-aer ghae-eu mae; Aqyawf-aq, mirtsaq tanqkhawr dawqtawv luf-euq khoertav uvlanr-eu huiq-eu Sanqpaq mae.

Jaceuq 65:5

Nga’maf-anr kakhof-eu Miqyaer-or! Nawr tsaq-awr dawr-eu jeq-euq lafkhoer, Yawzeu bawlar paq-aer ghae-eu jeq mr-awr, nga’maf-anr aerkhof naeqlaf taef-a. Nawr-aq, mqdzer mirdzer-anr keuvni jawr-eu tsawrhaq deuq hawr-eu, Kaq-eu iqmalavshav-anr jawr-eu tsawrhaq dawqtawvluf noeqtmqduq pyeuf-eu mae.

Jaceuq 68:30

Artof yar-anr jawr-eu bawrtsanq-euq jeqzaq yawghae-anr lmqguv naeq-awr, Mawrnerzaq sheuq-awr can-eu mawrgaw baqmaf-anr dur-eu, Tsawrjeuq khoerdeuq-anr khawf lmqguv naeq-awq. Aqcawq-anr pyur tafdzaq mawf-eu deuq-anr aqkuir-euq uqmov nawqpyaev naeq-awr, Guirdeuv deuv-eu gar laqkhaq caer-eu tsawrhaq deuq-anr taebyav naeq-awq.

Jaceuq 76:12

Aqyawf, dzoeqda deuq-euq saflar deuvtsaevdzae naeq ngae, Mirtsaq-euq sanqpaq deuq, aqyawf-anr guv taef-a.

Jaceuq 81:15

Ya’we Miqyaer-anr byae-eu deuq, awbyav-eu janrgeuf taef-a. Aerkhawf, aqyawfmaf yadaq-eu jeq, Mqmaq maqbyav yarzir yadaq taef-a.