Jaceuq 6:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngaq-euq nuima saflar shaqzanq naf duidui nya. Ya’we Miqyaer-or! Nawr aqmyan keuvni ghae-awr, ngaq-anr cawba-eu laer ghae-eu le?

Akha

³ Ngaˬ-euˬsaꞈlaˇ shaˬzahˬnaꞈ nya. Sahˬpaˬ Miˬyehˇ-oˇ nawˇngaˬ-ahˇ, aˬmyah caw ba le-eu gʼeh te.

Jaceuq 6:3 ပူးပေါင်းရင်းမြစ်များ

Jaceuq 22:14

Ngar-aq, bi shaevdzae-euq ircuf lof-aer dur-awr, Ngaq-euq yoeqtsuif yoeqlaf puir-ir jir-euq mir-a; Ngaq-euq nuima-aq, byaqshanq lof-aer dur-awr, Ngaq-euq lafkhoer guirjir shaw-euq mir-a.

Jaceuq 38:8

Ngar ghaq maqanr-aer, shaqyoeq shaqlaf khaef-ir khoev-ir-euq mir-a. Ngaq-euq nuima yawbanq yawlanr-aer ghae-eu mirnae, ngar manrluf-eu ma.

Jaceuq 42:11

Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, ngaq-euq Miqyaer, Ngaq naeq-aer jawr-awr cawba naeqlaf-eu mirnae ngar, aqyawf-anr jaceuq le siq.

Jaceuq 42:5

Ngaq-euq nuima saflar-or, Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.

Jaceuq 77:7

Sanqpaq Miqyaer, aqdui-anr li-eu maqbawni taedzae naeqlaf taef-a lor? Aqyawf, aqdui-anr nuikhanr maqpar shir-eu laer mae laq?

Jaceuq 9:14

Ngar, nawq-anr jaceuq paq-aer ghae-eu kharngeur-eu jeq, Ziroq-euq zaqmiq-euq lanrkhaeq-anr dawqdzawr mr ma. Ngar, nawq-euq kakhof-eu jeq-euq lafkhoer laqkhaqcaer ma.

Jaceuq 90:13

Ya’we Miqyaer-or! Ciqpyawr lef-awq, Aqmyan keuvni heulof-aer bijav-eu laer ghae-eu le? Nawq-euq kuirlaf zaqkhav-anr ghawqshaq gaqnaeq laf-awq.

Dawqdaq 18:14

Tsawrhaq-euq saflar-aq, nargawr-anr daqcoer-eu mae. Aerkhawf, nuima saflar pav-ir-euq nar-aq, Aqsur ghaq kamqcoer nmr-mq?

Maꞈtehˬ 26:38

“Ngaq-euq nuima saflar noeqshaq-eu shir shaw-iq mir-a, nawmaf heugar ngaq naeq-aer yawbeur beur-aer lof-awq.”

Luˇkaꞈ 18:7

Miqyaer nae tserdov taq-euq tsawrhaq uqcif nan’ghanr maqaer, aqyawf-anr shar nar-aq, Miqyaer, aqyawf maf-euq gharduq yawtsaq yawdawr dawr-aer maq janrnaeqni, nyinaq nyinaq-aer jawr taef-a lor?

Yoˇhaˬ 12:27

“Nymq-mr ngaq-euq nuima saflar tiqpawf-iq maq sarnya. Ngar aqjox-aer aer-eu tsaq-eu la? ‘Aqda-or! Aryamq heu-anr nae ngaq-anr bibuq-ir naeqlaf-awq’ laer ya’aer-eu la laq? Aerkhawf, ngar-aq, arpyar heu jav-awr oe-euq ma.