Jaceuq 57:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngaq-euq nuima saflar-aq, arlaqjaqshir-euq ghanrcae jav-awr; Ngar, miqdzaq dof-eu tsawrhaq-euq zaqdeuq-euq ghanrcae yufluf mir-a; Aqyawf maf-euq seuq-aq, ganq hawr-eu kavmyaq-anr dur-awr, Aqyawf maf-euq maeqlar-aq, tav duidui-eu micaer-anr dur-eu mae.

Akha

⁴ Tsawˇ haˬ shaˬ jiˇ dzaˬ-eu aˇ laˬ jaˬ shiˇ-ahˇ duˇ-eu muiˇ-eu deuˬ, ngaˬ-ahˇ jawˬ lahˇ taˬ-euˬ meh. Aˬ yawꞈ maꞈ-euˬ seuˬ, gahˬ hawˇ-eu kaˆ myaˬ-ahˇ duˇ-awˇ, aˬ yawꞈ maꞈ-euˬ mehˬ laˇ, taˆ dui dui-eu mi cehˇ-ahˇ duˇ-eu meh.

Jaceuq 57:4 ပူးပေါင်းရင်းမြစ်များ

Jaceuq 10:9

Arlaqjaqshir, yawqha-euq byoe-anr dzurzaf taq-awr lofluf-eu lof-aer, Aqyawf, irshaqzaq-anr nyaef-eu laer lofluf-awr, aqyawf-euq za nae irshaqzaq-anr khmrpaf-awr nyaef-eu mae.

Jaceuq 35:17

Sanqpaq Miqyaer-or! Nawr aqmyan keuvni hawhaw-aer jawr-eu laer ghae-eu le? Poeq-eu ngaq-euq daefzir-anr arlaqjaqshir lavcawv lar-eu gar nae bidzeur-ir naeqlaf-awq.

Jaceuq 43:3

Nawq-euq yawshaef hawr-eu yawtsaq yawdawr pyaeqghae lef-awr, Ngaq-anr bisheuq-awr nae, nawq-euq saqpar saeqghawv jav-eu, Nawq-euq yawshawr gawqjawq-anr bi sheuqkeuv naeqlaf-awq.

Jaceuq 52:2

Nawq-euq maeqlar-aq, uqjaev micaer lof-aer tav-awr, Lavcawv-eu jeq tovluf-eu lafkhoer, jaqmyawf maershuir-euq gar mr-eu laejae-eu mae.

Jaceuq 55:21

Aqyawf-euq khaqmae-euq dawq-aq, tsirkhmq lof-aer jur-eu khawf; Aqyawf-euq nuima-aq, guirdeuv deuvluf-eu mae. Aqyawf-euq dawq-aq, tsir lof-aer nanqyuni ghae-eu khawf; Tawvkhawv-anr nae gheudov lef-euq micaer-anr dur-eu mae.

Jaceuq 58:6

Miqyaer-or! Aqyawf maf-euq khaqmae-euq seuq daeka naeq-awr; Ya’we Miqyaer-or! Arlaqjaqshir zaqguq-euq juir ngawqjuv naeq-awq.

Jaceuq 59:7

Aqyawf maf-euq maeqluq-euq lafkhoer micaer anr-awr, Haeqsher-eq, aqyawf maf-euq khaqmae bufbuf-aer tor-eu mae; Aqyawfmaf aer-eu, “Aqsur ghaq gaqnya-eu?”

Jaceuq 64:3

Aqyawf maf-euq maeqlar-aq, micaer lof-aer siqtav taq-awr, Aqyawf maf-euq kav ngofdav-awr kavmyaq beuvghae lef-eu lof-aer, Nuima baw-eu dawq dovle-eu mae.

Dawqdaq 12:18

Tiqghaqnav micaer tsawv-eu lof-aer, Dawqdoer ngaeq-eu mae. Aerkhawf, tsawrganr anr-eu tiq ghaq-euq maeqlar-aq, Bi taqler-eu mae.

Dawqdaq 25:18

Yawqha-euq dawqpae jawr-eu tsawrhaq-euq garkawv, Maqtsaq maqdawr-eu tsawrkaq geuf-awr ngaeq-eu-aq, Diqkawq, micaer hawr-eu tav duidui-eu kavmyaq lof-aer dur-eu mae.

Dawqdaq 28:15

Tsawrcawv, irshaqzaq-anr uvlanr-eu-aq, Joeqjoeq-aer can-eu arlaqjaqshir hawr-eu, Tsawqdawf lar-eu khaqhmr-anr dur-eu mae.

Dawqdaq 30:14

Shaqzaq zanqzaq, tsawrhaqzaq-anr nae bibyov-ir-awr, Irshaqzaq mirtsaq-anr nae dzaqbyov-eu laer, Seuq-aq, micaer jirbav-anr dur-awr, Juir-aq, tawvzaq lof-aer dur-eu tsawrhaq tsawrtsuif jawr-eu mae.

Yaˬkoˆ 3:6

Maeqlar-aq, miqdzaq lof-aer dur-awr, maqtsaq maqdawr-eu mirkhanq pyeuf-eu mae. Mawrdo dolan-aer lavjawf nya-awr, daefzir-anr taf-eu yawqjeq navluf-anr khawf shiqbuir lanma-euq miqdzaq keuqdof-awr, bi puivdzaqjir nya-eu mae.

Panmaeq 19:15

Aqyawf-euq khaqmae-anr nae zawr tav-eu micaer tiq kanr dovle-euq mae. Micaer khoer-aq, mirkhanq-euq tsawrjeuq deuq-anr deuv-eu gharduq mae. Khoernar-aq, aqyawf, aqyawf maf-anr shmr gawqyoeq nae uvlanr taef-a. Aqyawf, baoq huiq duidui-eu Miqyaer-euq nuima paer duidui-eu aqgaf dzaruir nawqdov duq-anr nawq taef-a.