Jaceuq 5:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, aqyawf maf-euq khaqmae-euq lafkhoer sarjax zif-eu jeq maqanr-aer, Aqyawf maf-euq lafkhoer-aq, lavcawv mawf-eu jeq taef-aer anr-eu mae. Aqyawf maf-euq kuqbyanq-aq, pantaq-euq lmqbymr-anr dur-awr, Aqyawf maf-euq maeqlar-aq, ja’muiq-eu janrgeuf-eu mae.

Akha

⁹ Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

Jaceuq 5:9 ပူးပေါင်းရင်းမြစ်များ

Jaceuq 27:11

Ya’we Miqyaer-or! Ngaq-anr nawq-euq garma maeqnaeq laf-awq. Ngaq-anr muir-eu deuq jawr-eu mirnae, Ngaq-anr cankawv yawdi paw sheuqghae naeqlaf-awq.

Jaceuq 51:6

Haeq, nawr, lafkhoer-euq yawtsaq yawdawr geufmawf-eu mae. Khoermirnae, lafkhoer zaftaq-euq pav-anr, Ngar zaqsiq tsawrganr siqnya larni maeqnaeq laf-awq.

Jaceuq 52:2

Nawq-euq maeqlar-aq, uqjaev micaer lof-aer tav-awr, Lavcawv-eu jeq tovluf-eu lafkhoer, jaqmyawf maershuir-euq gar mr-eu laejae-eu mae.

Jaceuq 62:4

Aqyawfmaf, aqyawf-anr yawgor artiv-anr nae taeka-eu laer taef-aer tov-awr; Aqyawfmaf jaqmyawf myawf-eu gar laqkhaq caer-eu mae; Aqyawf maf-euq khaqmae dawq ngaeqghae-eu khawf, Aqyawf maf-euq lafkhoer paw yaqkhaer yaq-eu mae. Sela.

Jaceuq 62:9

Aqdir nar-aq, teq-eu nyirzaq-aq, safkhoeq lof-aer dur-awr, Gor-eu huiqzaq khawf jaqmyawf lof-aer taef mae; Aqyawf maf-anr pavyawq nae savhaw ngae, Aqyawfmaf dawqtawvluf safkhoeq navmaqtser pyar-eu mae.

Jaceuq 64:6

Aqyawfmaf yawlaeq jeq tov-awr aer-eu, “Aqdui maf-euq bawqtov-aq, aerkhar maqza-eu bawqtov mae.” Tsawrhaq-euq nuima hawr-eu lafkhoer paw-euq nuinoeq, Heu nyiq jeqluf yawnaf mae.

Jaceuq 69:19

Ngar dawqdoer yadaq-awr ya shafdawr-euq gar, Hawr-eu ngar daq yaga-euq gar nawr siqnya-eu mae. Ngaq-anr muir-eu deuq dawqtawvluf, nawq-euq maeqshi jawrluf-eu mae.

Dawqdaq 29:5

Yawqha-anr muiqni, Yawqha-euq dawqpae jawr-eu tsawrhaq-anr japoeq-eu tsawrhaq-aq, Yawqha-euq aqkuir-anr lanrju khmr-eu gar dur-eu mae.

Luˇkaꞈ 11:39

Khoerngae, Sanqpaq Yeqsur, aqyawf-anr heulof-aer aernaeq-euq mae: “Nymq-mr nawmaf Paqliqsaer deuq-aq, khmqmaq hawr-eu ircuf khmqmaq-euq lafnyir paw yawmuiq-aer jovshawr-eu mae. Aerkhawf, nawmaf-euq lafkhoer paw-aq, maerjuir juir-eu jeq hawr-eu yawcawv jeq tiqbyanni anr-eu mae.

Luˇkaꞈ 11:44

Yawmuiq janrgeuf-eu Paqliqsaer hawr-eu zanrdawq khofdawq maeqzaq, nawmaf ghawqshar shaq-aer ya ghaesaef taef-a! Aqjeq mirnae aernar-aq, nawmaf-aq, maq mawrlar-eu lmqbymr-anr dur-awr, nawqnawq-aer can-eu deuq khawf lmqbymr nga laer maq siqnya-a.”

Lormav 3:13

“Aqyawf maf-euq kuqbyanq-aq, pantaq-euq lmqbymr pyeuf-eu mae. Aqyawf maf-euq maeqlar nae myawfdzaq shuirdzaq-awr,” “Aqyawf maf-euq maeqluq-euq lafkhoer paw, dof khav-eu arlawr uirnav-euq dof anr-eu uqtaf.” (Jc 5:9; 140:3)

1 Teˇsaˬloˇni 2:5

Aqjeq mirnae aernar-aq, nawmaf siqnya-eu lof-aer, maqngeur-eu gar keuvni ciqpoeq ciqpoeq-aer nga’maf maq maeqhaw-aq. Aqcawq-euq myawq-anr maerjuir juir-eu lafkhoer maeq-euq maqngeur-a laer khawf Miqyaer siqnya mae.