Jaceuq 5:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, ngar-aq, myaq duidui-eu, nawq-euq ghawqshaq gaq-eu jeq-euq baqda’nae, Ngar, nawq-euq nymr-euq lafkhoer urlar ma. Ngar, nawq-anr guv-eu lafkhoer, nawq-euq shawr-eu uqduq tanqnymr nymrma-euq maeqshi, awbyav-awr uqduqtanq ma.

Akha

⁷ Ehˇkʼawꞈ huiˬdui myaˬdui dui-eu, nawˬ-euˬgʼoeˇ-eu gaˬ-eu baˬda, nawˬ-euˬnymˇ-ahˇngaˇlaˇnya-awˇ, Uˬduˬtahˬnymˇnymˇshawˇlaꞈkʼoeˇ, nawˬ-ahˇyaw zeu baw nehˬlaˇ-awˇ, awˆbyaˆ-awˇ uˬduˬtahˬ-eu ma.

Jaceuq 5:7 ပူးပေါင်းရင်းမြစ်များ

Jaceuq 101:7

Maershuir shuir-eu gardeuq mr-eu tsawrhaq-aq, Ngaq-euq nymr-euq lafkhoer maqya jawr-ar. Jaqmyawf myawf-eu tsawrhaq-aq, Ngaq-euq maeqshi maqya yawf-ar.

Jaceuq 130:4

Aerkhawf, nawr jawr-eu gar iqbax pyaeq-eu jeq jav-eu mae; Khoermirnae, aqcawq, nawq-anr guv-eu tsaq mae.

Jaceuq 132:7

Aqdui, Ya’we Miqyaer-euq saqpar saeqghawv-anr urler kar-eur; Aqyawf-euq aqkuir cawqtaqduq-anr uqduq tanqler kar-eur.

Jaceuq 138:2

Nawq-euq ghoer-awr gaq-eu jeq hawr-eu nawq-euq yawtsaq yawdawr-euq baqda’nae, Nawr, nawq-euq tsawrmyanr dawqtawv luf-euq khoertav nawq-euq dawq-anr taqhuiq taq-euq baqda’nae, Ngar, nawq-euq shawr-eu uqduq tanqnymr nymrma jav-eu paw ciqpyawr-awr uqduq tanq-eu lafkhoer, nawq-euq tsawrmyanr-anr jaceuq ma.

Jaceuq 28:2

Ngar, nawq-euq shawr-eu yawshawr jawrduq paw, Ngaq-euq aqlaf bafdir-awr, Ngar, nawq-anr gurgaq ngae, Ngar, nawq-anr tanqshar-eu tersar-anr narhaq naeqlaf-awq.

Jaceuq 34:17

Tsaq-awr dawr-eu deuq gur-eu gar, Ya’we Miqyaer narhaq naeq-awr, Aqyawf maf-anr, aqyawf maf-euq gardzaq garkawv-anr nae bibuq-ir-eu mae.

Jaceuq 51:1

Miqyaer-or! Nawq-euq ghoer-awr gaq-eu jeq-euq baqda’nae, Ngaq-anr ghawqshaq gaqnaeq laf-awq. Nawq-euq myaq duidui-eu nanqyuni ghawqshaq gaq-eu jeq-euq baqda’nae, Ngaq-euq yawbanq yawlaeq sivdzaebyov naeqlaf-awq.

Jaceuq 52:8

Aerkhawf, ngar-aq, Miqyaer-euq nymr-anr nyoerjawfni daef-eu saqloq arbawr-anr dur-eu ma. Ngar, mqmaq maqbyav yarzir Miqyaer ghawqshaq gaq-eu jeq-anr ghoe ma.

Jaceuq 55:16

Ngar lawnmr-aq, Miqyaer-anr kur ma; Ya’we Miqyaer, ngaq-anr kakhof naeqlaf taef-a.

Jaceuq 69:13

Aerkhawf, Ya’we Miqyaer-or! Aryamq tsaq ngae, Ngar, nawq-anr guiqlanq shar-eu ma. Miqyaer-or! Nawr ghawqshaq gaq-eu jeq myaq duidui-eu lafkhoer, Nawq-euq kakhof-eu jeq-euq yawtsaq yawdawr-euq lafkhoer, Ngaq-anr narhaq naeqlaf-awq.

Jaceuq 69:16

Ya’we Miqyaer-or! Nawq-euq ghoer-awr gaq-eu jeq muiq-eu mirnae, Ngaq-anr narhaq naeqlaf-awq. Nawq-euq nanqyuni ghae-eu zawr-aer myaq-eu ghawqshaq gaq-eu jeq-euq baqda’nae, Ngar jawr-eu paw ciqpyawr lef-awq.

Dawqdaq 6:16

Ya’we Miqyaer byae-eu kof jeq jav-awr, Aqyawf nuidav dav-eu shif jeq jav-eu mae.

Dawqdaq 6:17

Janrghae-eu myavnuiv, jaqmyawf myawf-eu maeqlar, Hawr-eu tiqjeq-iq maqbanq-eu tsawrhaq-euq shiq lavdov-eu aqlaf,

Gʼaˬkʼehˇ 9:31

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.