Jaceuq 5:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ya’we Miqyaer-or! Uqshawq paw nawr, ngaq-euq tersar-anr ya gaqluf-eu mae. Uqshawq yawnaf-aer, ngar, nawr jawr-eu paw hawdav laf-awr, Ngaq-euq tersar, nawr jawr-eu paw bi larluf-eu ma.

Akha

³ Sahˬpaˬ Miˬyehˇ-oˇ, uˬ shawˬ paw, ngaˬ-euˬ dawˬ-ahˇ nawˇgaˬluꞈmeh. Nahˇma doˆngeh nawˬ-ahˇ lawˇ-awˇ, nawˬ-euˬdawˬ-ahˇ loꞈluꞈ-eu ma.

Jaceuq 5:3 ပူးပေါင်းရင်းမြစ်များ

Jaceuq 119:147

Ngar, uqshawq paw nanrma maq dovlar-euq minav-aer tur-awr, Ngaq-anr cawba naeqlaf laer gurluf-eu ma; Ngar, nawq-euq dawq-anr noeqtmq ma.

Jaceuq 130:2

Sanqpaq Miqyaer-or! Ngaq-euq tersar-anr narhaq naeqlaf-awq! Ghawqshaq gaqnaeqlaf laer, Ngar tanqshar-eu tersar-anr nawq-euq naqbawr ciqkhmr naeqlaf-awq.

Jaceuq 130:6

Uqcif paw lofpir-eu deuq uqbya byalar-eu gar dawq-eu navmaqtser, Ngaq-euq nuima saflar, Sanqpaq Miqyaer-anr dawq-eu ma. Uqcif paw lofpir-eu deuq uqbya byalar-eu gar dawq-eu navmaqtser dawq-eu ma.

Jaceuq 145:1

Ngaq-euq Miqyaer-or! Ngar, nawq-anr ciqpoeq ciqgor ma; Ngar, nawq-euq tsawrmyanr-anr, mqmaq maqbyav yarzir, li-eu maqbawni jaceuq ma.

Jaceuq 22:2

Ngaq-euq Miqyaer-or! Ngar nan’ghanr paw kur-eu khawf, nawr oq maq toqkhof naeqlaf-a. Uqcif-euq aryamq-anr khawf, ngar ciqcurni maqjawr-aq.

Jaceuq 44:5

Nga’maf, nawq-anr ghoe-awr, nga’maf-anr muirlar-eu deuq-anr daeqaw ghae-awr, Nga’maf, nawq-euq tsawrmyanr-anr ghoe-awr, tur-awr nga’maf-anr muirlar-eu deuq-anr nawqpyaevghae ma.

Jaceuq 55:17

Uqcif uqshawq hawr-eu nan’ghanr maqbawni, Ngar yawkhav-aer gurgur-aer guiqlanqshar ma; Aqyawf, ngaq-euq tersar-anr narhaq naeqlaf taef-a.

Jaceuq 69:16

Ya’we Miqyaer-or! Nawq-euq ghoer-awr gaq-eu jeq muiq-eu mirnae, Ngaq-anr narhaq naeqlaf-awq. Nawq-euq nanqyuni ghae-eu zawr-aer myaq-eu ghawqshaq gaq-eu jeq-euq baqda’nae, Ngar jawr-eu paw ciqpyawr lef-awq.

Jaceuq 74:12

Aqjeq mirnae aernar-aq, Miqyaer-aq, arhuba nae ngaq-euq Sanqpaq ma. Mirtsaq-euq khoertav kakhof-eu gar mrluf-eu mae.

Jaceuq 84:4

Nawq-euq nymr-euq lafkhoer jawr-eu tsawrhaq-aq, Guiqlanq huiq-eu mae. Aqyawfmaf, nawq-anr jaceuq luf-a siq. Sela.

Jaceuq 88:13

Aerkhawf, Ya’we Miqyaer-or! Ngar, nawq-anr gurgaq-eu ma. Uqshawq paw, ngaq-euq guiqlanq shardawq, nawr jawr-eu gar bilar ma.

Maˬkuˆ 1:35

Yeqsur uqshawq yawnaf-aer tur-awr, cofngaerni ghae-eu jawrduq-anr dov-ir-awr, khoergar guiqlanq shar-euq mae.