Jaceuq 41:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Irshaqzaq-anr sharnoeq naeq-eu tsawrhaq-aq, guiqlanq huiq-eu mae. Gardzaq garkawv keuvle-eu aryamq-anr, Ya’we Miqyaer, aqyawf-anr bibuq-ir taef-a.

Akha

¹ Yaw shaˬzaˬ-ahˇngehˬgʼeh-eu deuˬ, guiˬlahˬhuiˬ-eu tsawˇhaˬdeuˬmeh. Yawꞈmaꞈshaˬle zahˬle ngeh jawˇ, SahˬpaˬMiˬyehˇcaw ba tehꞈ-a.

Jaceuq 41:1 ပူးပေါင်းရင်းမြစ်များ

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Dawqdaq 14:21

Yawqha-euq dawqpae jawr-eu tsawrhaq-anr, Hawdoer-eu tsawrhaq-aq, iqbax mr-euq mae. Aerkhawf, irshaqzaq-anr ghawqshaq gaq-eu tsawrhaq-aq, guiqlanqhuiq taef-a.

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

Yaˬkoˆ 2:13

Aqjeq mirnae aernar-aq, aqcawq-anr ghawqshaq maqgaq-eu tsawrhaq-anr ghawqshaq maqgaqni darnaeq taef-a. Ghawqshaq gaq-eu jeq-aq, yarkhaq dar-eu jeq-anr ghaqler-eu mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Jaceuq 37:19

Aqyawfmaf, yawdoer aryamq keuvle khawf, maqya shafdawr-aer; Maef-awr shuf-eu arnan keuvle khawf, tiqdaev dzaq-eu jeq jav taef-a.

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Maˬkuˆ 14:7

Aqjeq mirnae aernar-aq, shaqzaq zanqzaq deuq, nawmaf naeq-aer aqmyanluf jawr taef-a. Nawmaf janrmawf nar-aq, aqgeu ngae khawf aqyawf maf-anr yawmuiq jeq janrnaeqnya taef-a. Aerkhawf, ngar, nawmaf naeq-aer aqmyanluf jawr-eu maqngeur.

Jaceuq 37:26

Aqyawf aqmyanluf ghawqshaq gaq-awr bingaq bipar-eu mae; Aqyawf-euq aryoeq deuq-aq, guiqlanq huiq-eu mae.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

Gaˬlaˬtiˆ 2:10

Aqyawfmaf, nga’maf-anr irshaqzaq-anr noeqkeuv de-eq laer shar-eu mae. Khoerlof-aer janr-eu-aq, ngar khawf nuima keuv-eu tiqjeq pyeuf-eu ma.

1 Teˇsaˬloˇni 5:14

Aqyuif aqnyir deuq-or! Nga’maf, nawmaf-anr ghaq heulof-aer parbif-eu ma. Yawdoer tsawrhaq-anr maeqbawq bif-awq. Nuima ghaq baq-eu tsawrhaq-anr ghaq bif-awq. Ghaqbyaev byaev-eu tsawrhaq-anr cawba-awq. Tsawrhaq dawqtawv luf-euq khoertav nuima ghawqmanrni taq-awq.

Dawqdaq 16:14

Sanqpaq-euq nuipaer-aq, shir-eu jeq-euq ghaqzaq ghaqkhaer pyeuf-eu mae. Aerkhawf, tsawrganr anr-eu tsawrhaq, Nuipaer khoer-anr daeqkaq nya-eu mae.

Jaceuq 34:19

Tsaq-awr dawr-eu tsawrhaq shaqzanq ghawqmya’ni yadaq-eu mae. Aerkhawf, Ya’we Miqyaer, aqyawf-anr shaqzanq dawqtawv luf-anr nae bibuq-ir-eu mae.