Jaceuq 4:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawq nae ngaq-euq nuima-euq lafkhoer, laqkhaq caer-eu jeq bifnaeq laf-euq khoer-aq, Dzaqla ghovcaer hawr-eu aqgaf dzaruir yawshuif za’myaq dzaeq-eu yamq-anr navmaqtser laqkhaq caer-eu jeq bifnaeq laf-euq mae.

Akha

⁷ Dzaˬla gʼo cehˇ, aˬgaꞈdzaˇuiˇ, za dui dui le-euˬbaˬda neh, yawꞈmaꞈlaˬkʼaˬcehˇ-eu kʼoeˇ-aˬ, nawˬneh ngaˬ-ahˇ biꞈnehˬlaꞈ-euˬ, laˬkʼaˬcehˇ-eu jeˬmaˬtawˬ-a.

Jaceuq 4:7 ပူးပေါင်းရင်းမြစ်များ

Jaceuq 31:17

Ya’we Miqyaer-or! Ngar, nawq-anr kur-euq mirnae, Ngaq-anr daq taqbi ga naeqlaf. Tsawrcawv deuq-anr, daq biga-ir-awr, Aqyawf maf-anr lmqbymr-euq lafkhoer ciqcurni bijawr-ir-awq.

Jaceuq 37:4

Ya’we Miqyaer-euq lafkhoer laqkhaq caer-awq; Aqyawf, nawq-euq nuima geufmawf-eu jeq bifnaeqlaf taef-a.

Jaceuq 43:4

Khoernar-aq, huiq duidui-eu ngaq-euq laqkhaq caerduq pyeuf-eu Miqyaer jawr-eu, Miqyaer-euq lawrduq-anr ngar le ma. Ngaq-euq Miqyaer pyeuf-eu Miqyaer-or, Ngar, deur-mq diq-awr nawq-anr jaceuq ma.

Jaceuq 67:2

Khoer-euq baqda’nae, mirtsaq tanqkhawr doeni, nawq-euq garma siqnya-awr; Tsawrjeuq tsawrca dawqtawv luf-euq ghanrcae, nawr kakhof-eu jeq siqnya luf-ur.

Jaceuq 80:4

Guirmaf-euq Miqyaer pyeuf-eu Ya’we Miqyaer-or! Nawq-euq tsawrhaq guiqlanq shar-eu gar, Nawr nuima aqmyan keuvni paer-eu laer ghae-eu le?

Jaceuq 92:4

Aqjeq mirnae aernar-aq, Ya’we Miqyaer-or, Nawr, nawq nae mr-euq gardeuq nae, Ngaq-anr laqkhaq bicaer naeqlaf-euq mae. Nawq-euq aqlaf nae mr-euq gardeuq-euq baqda’nae, ngar ghaqler ma.

Gʼaˬkʼehˇ 14:17

Aqjox-aer law-awr khawf, aqyawf yawmuiq jeq mr-euq mae laer aqyawf-euq gharduq sarkir maqbi jawr-aer maqbyaerni, aqyawf, aqdui-anr mq-anr nae uqyaer bif-awr, yamqlaw tsaqni dzaqla ghovcaer bibaw bi zale-eu mae. Khoer-aq, aqdui-euq nuima-anr dzaqdzaq dawrdawr hawr-eu laqkhaq caer-eu jeq bibyan-eu gharduq mae.”

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.