Jaceuq 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq tsaq-awr dawr-eu Miqyaer-or! Ngar kur-eu gar narhaq naeqlaf-awq! Ngar guv-awr gav-eu jeq-anr ya’mawr ngae, nawr, ngaq-anr ngaeqghaedzeur naeqlaf-euq mae. Ngaq-anr ghawqshaq gaq-awr, ngaq-euq guiqlanq shardawq-anr narhaq naeqlaf-awq.

Akha

¹ Ngaˬ-euˬ gʼoe duˬ Miˬyehˇ-oˇ, ngaˇguiˬlahˬshaˇ ngeh naˇhaˬlaꞈ. Shaˬzahˬ ngaˬ-ahˇ ciˬtehˬle ngeh, nawˇcaw ba dzeuˇnehˬlaꞈ-euˬmeh. Nymˬ-mˇ ngaˬ-ahˇ gʼawˬ shaˬ gaˬ-awˇ, ngaˬ-euˬshaˇdawˬ naˇhaˬnehˬlaꞈ.

Jaceuq 4:1 ပူးပေါင်းရင်းမြစ်များ

Jaceuq 11:7

Aqjeq mirnae aernar-aq, Ya’we Miqyaer-aq, tsaq-awr dawr-awr, aqyawf-aq, tsaq-awr dawr-eu jeq-anr gaq-eu mae. Dawrcoeni daef-eu tsawrhaq, aqyawf-euq myavpyawq-anr ya’mawr taef-a.

Jaceuq 116:16

Ya’we Miqyaer-or! Ngar-aq, aqdir nawq-euq kuirlaf zaqkhav ma; Ngar-aq, nawq-euq kuirlaf zaqkhav pyeuf-eu, nawq-euq aqbur zaqkhav-euq zaqyo ma. Nawr, ngaq-anr paftaq-euq shmrcav-anr puirpyaeq naeqlaf-euq mae.

Jaceuq 116:6

Ya’we Miqyaer-aq, maqdzaw-euq zaq-anr hawpir-awr; Ngar yaw’aw-anr gaka ngae, aqyawf, ngaq-anr bibuq-ir naeqlaf-euq mae.

Jaceuq 119:132

Nawr, nawq-euq tsawrmyanr-anr gaq-eu tsawrhaq deuq-anr, Ngaeqghae naeq-eu zanrsanrkhof jav-eu lof-aer, Ngaq-anr haw-awr, ngaq-anr ghawqshaq gaqnaeq laf-awq.

Jaceuq 143:2

Nawq-euq kuirlaf zaqkhav-anr yarkhaq taq darnaeqlaf. Aqjeq mirnae aernar-aq, Nawq-euq maeqshi tsaq-awr dawr-eu tsawrhaq tiqghaq-iq maqjawr-a.

Jaceuq 17:6

Nawr, ngaq-anr oq toqnaeq laf-eu mirnae, Miqyaer-or! Ngar, nawq-anr kur-eu ma. Nawq-euq naqbawr, ngar jawr-eu paw ciqkhmr naeqlaf-awr, Ngaq-euq dawq narhaq naeqlaf-awq.

Jaceuq 22:1

Ngaq-euq Miqyaer-or! Ngaq-euq Miqyaer-or! Aqjeq mirnae nawr, ngaq-anr byaerdzae naeqlaf-eu le? Aqjeq ghae-eu ngaq-anr maq cawba naeqlaf-aer, ngar manrluf-eu dawq-anr nae garmanr kaq-eu gar jawr-eu le?

Jaceuq 24:5

Heulof-aer ghae-eu tsawrhaq-aq, Ya’we Miqyaer-euq guiqlanq za-awr, Aqyawf-anr kakhof-eu Miqyaer-anr nae tsaq-awr dawr-eu jeq khawf za taef-a.

Jaceuq 25:16

Ngar jawr-eu paw ciqpyawr lef-awr, ngaq-anr ghawqshaq gaqnaeq laf-awq. Aqjeq mirnae aernar-aq, ngar tiq ghaq taef-aer jawr-awr shaqzanq ya daqluf nya.

Jaceuq 31:8

Nawr, ngaq-anr muir-eu deuq-euq aqlaf-euq lafkhoer maqbi anrlerni, Nawr, ngaq-euq aqkuir-anr jerloni ghae-eu jawrduq-anr ciqtaq naeqlaf-euq mae.

Jaceuq 41:12

Ngaq-anr-aq, nawr, ngaq-euq yawmuiq yawjaq-euq lafkhoer ngaeqghae naeqlaf-awr; Ngaq-anr nawq-euq myavpyawq-euq maeqshi mqmaq maqbyav yarzir bijawr naeqlaf-euq mae.

Jaceuq 42:1

Khaqtsaev ircuf lawrgawv-anr nuikhanr jav-eu lof-aer, Miqyaer-or! Ngaq-euq nuima saflar khawf, nawq-anr nuikhanr jav-eu ma.

Jaceuq 45:1

Ngaq-euq nuima, garkawv yawmuiq byankhar luf-awr; Ngaq nae bof-euq Sanqpaq-anr taf-eu garkawv dzawrluf ngae; Ngaq-euq maeqlar-aq, sanqbof zawr bofnya-eu tiq ghaq-euq sanqdur ma.

Jaceuq 56:1

Miqyaer-or! Aqcawq, ngaq-anr myeufanr-eu laer nyaefsuf-awr nan’ga-i deuvlar luf-eu mirnae; Ngaq-anr ghawqshaq gaqnaeq laf-awq.

Jaceuq 57:1

Miqyaer-or! Ngaq-anr ghawqshaq gaqnaeq laf-awq! Ngaq-euq nuima saflar, nawq-anr ghoe-eu mirnae, Ngaq-anr ghawqshaq gaqnaeq laf-awq! Lavbyov lavbyav-eu jeq maqdzeur-ir-euq khoerkeuvni, Ngar, nawq-euq aqdanr narshmr-euq uqmov caevzaflar ma.

Jaceuq 6:1

Ya’we Miqyaer-or! Nawr nuima paer-eu lafkhoer, ngaq-anr taq maeqpar naeqlaf; Nawr nuima paer duidui ngae, ngaq-anr taqdaeq naeqlaf.

Jaceuq 67:1

Miqyaer, aqdui-anr ghawqshaq gaq-awr, guiqlanq bifnaeqlaf luf-ur. Aqyawf-euq myavpyawq aqdui-euq khoertav yawshaef bya’naeqlaf luf-ur. Sela.

Jaceuq 76:1

Yurdav mirkhanq-euq lafkhoer, Miqyaer-anr siqnya-awr, Irsaqleqlav-euq lafkhoer, aqyawf-euq tsawrmyanr huiq-eu mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

2 Gawˇliˬtu 1:10

Aqyawf-aq, khoernavni khav-eu shir-eu jeq-euq lafkhoer nga’maf-anr bibuq-ir naeqlaf-awr, nymq-mr khawf bibuq-ir naeqlaf luf-eu uqtaf, aqkar khawf parbi buq-ir naeqlaf taef-a laer nga’maf, aqyawf-anr noeqtmq luf-eu ma.

2 Gawˇliˬtu 1:8

Aqyuif aqnyir deuq-or! Arhu nga’maf, Aqsir mircoer-anr jawr ngae yadaq-euq shaqzanq deuq, nawmaf-anr bi siqmawf mir-a. Nga’maf-euq khoertav keuvle-euq khavbaev ardzaeq kandzeur-eu mirnae, nga’maf maqpar yadaef-eu jeq mir-a laer noeq-euq ma.