Jaceuq 3:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aerkhawf, Ya’we Miqyaer-or! Nawr-aq, ngaq-euq tiqjawq daeqdaqduq pyeuf-awr, Ngaq-euq khanqsaer pyeuf-eu uqtaf, Ngaq-euq uqduq bafdir naeqlaf-eu ghaq pyeuf-eu mae.

Akha

³ Ehˇ kʼawꞈ Sahˬpaˬ Miˬyehˇ nawˇ-aˬ, guˆgaˆdawˬtawˆdehˬpiˇluꞈ-eu, ngaˬ-euˬdehˬdaˬduˬ pyeuꞈ-eu ma. Nui ma-ahˇ gʼaˬbiꞈlahˬlaꞈ-awˇ, muiˇ-eu deuˬ-ahˇgʼaˬleˇ-euˬma.

Jaceuq 3:3 ပူးပေါင်းရင်းမြစ်များ

Jaceuq 110:7

Aqyawf, garma gardzer yoer-eu lawrgawv gawvzaq-anr nae ircuf dawr taef-a. Khoermirnae, aqyawf, uqduq bafdirlaf taef-a.

Jaceuq 119:114

Nawr-aq, ngar caevzafduq hawr-eu ngaq-euq daeqdaqduq pyeuf-awr, Ngar, nawq-euq dawq-anr noeqtmq ma.

Jaceuq 18:2

Ya’we Miqyaer-aq, ngaq-euq logur, ngaq-euq lanrlof nymrzif hawr-eu ngaq-anr bibuq-ir-eu ghaq pyeuf-awr, Ngaq-euq Miqyaer, ngaq-euq logur hawr-eu ngar ghoeduq pyeuf-eu uqtaf, Ngaq-euq daeqdaqduq, ngaq-anr kakhof-eu uqcoer hawr-eu ngaq-euq zifduq pyeuf-eu mae.

Jaceuq 27:6

Nymq-mr ngar, ngaq-euq tiqjawq jawrbyan taq-euq, Ngaq-anr muir-eu deuq-euq khoertav, ngaq-euq uqduq bafdir ma. Khoernar-aq, ngar, Miqyaer-euq saqpar saeqghawv-euq lafkhoer, laqkhaq caer-awr lawr-eu jeq lawrnaeq ma. Ngar dawqcar car ma. Ngar car-awr Ya’we Miqyaer-anr jaceuq ma.

Jaceuq 28:7

Ya’we Miqyaer-aq, ngaq-euq ghaq hawr-eu daeqdaqduq pyeuf-awr, Ngaq-euq nuima, aqyawf-anr ghoe-eu naeq-aer, aqyawf, ngaq-anr cawba naeqlaf-eu mae. Khoermirnae, ngaq-euq nuima laqkhaq yawkhav-aer caer-awr, Ngar dawqcar car-awr, aqyawf-anr jaceuq ma.

Jaceuq 4:3

Aerkhawf, nawmaf heu-anr siqnya-awq. Ya’we Miqyaer, aqyawf-euq gharduq aqyawf-anr yawzeu baw-eu tsawrhaq tserdov taq-euq mae. Ngar, Ya’we Miqyaer-anr kur ngae, aqyawf, ngaq-anr narhaq naeqlaf-eu mae.

Jaceuq 62:7

Ngaq-anr kakhof-eu jeq hawr-eu ngaq-euq khanqsaer, Miqyaer-euq lafkhoer jav-eu mae. Ngaq-euq ghaq pyeuf-eu logur hawr-eu ngar caevzafduq, Miqyaer-euq lafkhoer jav-eu mae.

Jaceuq 84:11

Aqjeq mirnae aernar-aq, Miqyaer pyeuf-eu Ya’we Miqyaer-aq, Nanrma hawr-eu daeqdaqduq pyeuf-eu mae. Ya’we Miqyaer, guiqlanq yawdzanr hawr-eu, Yawshaef khanqsaer bif-awr; Aqyawf dawrcoeni can-eu deuq-anr, Yawmuiq jeq maqbif-aer maqghae-a.

Luˇkaꞈ 2:32

Kakhof-eu jeq heu-aq, aqcawq tsawrjeuq tsawrca-anr bya’naeq-eu yawshaef pyeuf-awr, Nawq-euq tsawrjeuq tsawrca Irsaqleqlav tsawrhaq-euq yawshaef khanqsaer mae.”

Panmaeq 21:11

Meuq heumeuq-euq lafkhoer, Miqyaer-euq yawshaef khanqsaer jav-awr, yawshaef khoer-aq, jeq-oq-anr dur-eu yawbyaf byaf-aer ghae-eu, arpoeq zawr khav-eu khaqlo saer lof-aer dur-eu mae.

Panmaeq 21:23

Meuq heumeuq-euq lafkhoer, nanrma hawr-eu bala-euq yawshaef maqpar mawf-a. Aqjeq mirnae aernar-aq, Miqyaer-euq yawshaef khanqsaer meuq heumeuq-anr tsaeqbya-awr, Yawrzaq-aq, meuq heumeuq-euq tsirkhmq pyeuf-eu mae.