Jaceuq 2:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Akha

⁷ Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Jaceuq 2:7 ပူးပေါင်းရင်းမြစ်များ

Jaceuq 148:6

Aqyawf, heudeuq-anr mqmaq maqbyav yarzir, Li-eu maqbaw-aer zifni lavzif taq-awr, Aqyawf nae maqbyov-ir nya-eu zanrtaq khoftaq biftaq-euq mae.

Jaceuq 89:27

Ngar, aqyawf-anr ngaq-euq huqbaw aqyuif ghaq khawf bigeuf-awr; Mirtsaq-euq sanqpaq deuq-euq khoertav, gor duidui-eu ghaq bigeuf ma.

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Maꞈtehˬ 8:29

Khoerngae, tiqpov taef-aer aqyawfnyaf gurgur-aer aer-eu, “Miqyaer-euq Zaqyo Yeqsur-or! Nawr, nga’nyaf-anr aqjeq mirnae lavtsoeq le-euq le? Aryamq maq keuvlar-euq minav-aer, nawr heugar oe-awr nga’nyaf-anr khaeqnaeq le-euq le lor?”

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

Gʼaˬkʼehˇ 13:33

Yeqsur-anr bi ghofdaef lar-euq khoer-aq, Miqyaer nae aqyawf maf-euq zaqdeuq pyeuf-eu aqdui-euq gharduq bi byanlar-euq mae. Jaceuq-eu sanqbof deuvma nyif lafkhoer khawf heulof-aer boftaq-euq mae, ‘Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.’ (Jc 2:7)

Gʼaˬkʼehˇ 8:36

Aqyawfnyaf garma kanrli-aer irghae-awr, ircuf danq-eu tiq tsanr-anr irkeuv ngae, aqyuif khoerghaq aer-eu, “Hawsher-eq. Heugar ircuf danq ngar-a. Ngar bartirsaq hageuf-eu gar lavtsoeq paq-aer tiqjeqnav jav-a laq?”

Lormav 1:4

Yawshawr Saflar-euq baoq-anr ghoe-awr nae Kali shir-euq khawf ghofdaef lar-euq mirnae, Miqyaer-euq Zaqyo mae laer bi siqnya naeqlaf-euq mae.

HeˬByehˇ 3:6

Aerkhawf, Kali-aq, Miqyaer-euq nymrkhanq-anr hawlanr-eu Zaqyo mae. Aqdui khawf arsaqsaq ngae keuvni, nuima khaqduqni ghae-eu jeq hawr-eu, nuima huiqkhar za-eu noeqtmq-eu jeq-anr zifdanni tuvtaeqtaq nar-aq, aqdui, aqyawf-euq nymrkhanq-euq lafkhoer yajawr mae.

HeˬByehˇ 5:5

Khoerlof-aer durni, Kali khawf Pirma yawhuiq ghaq pyeuflarni, yawqhar yawqha tsaqgeuf-euq maqngeur-a. Aerkhawf, Miqyaer, aqyawf-anr aernaeq-eu, “Nawr-aq, ngaq-euq Zaqyo ma. Iqnan, ngar, nawq-euq Aqda pyeuflar-euq ma.” (Jc 2:7)

HeˬByehˇ 5:8

Aqyawf, Miqyaer-euq Zaqyo pyeuf-eu khawf, shaqzanq yadaq-euq baqda’nae narhaq geuf-eu jeq-anr dzawnya-euq mae.