Jaceuq 13:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar aqmyan keuvni, ngaq-euq nuima saflar-euq lafkhoer maeqbawq ya’mr-awr, Aqmyan keuvni ngaq-euq nuima-euq lafkhoer nan-anr nae ghawqshaq-aer yaghae-eu la? Aqmyan keuvni ngaq-anr muir-eu tsawrhaq, ngaq-euq taf-aer yabi ciqgor taq-eu la?

Akha

² Shaˬzahˬnaꞈ-eu heu hmˬ-ahˇngaˇ, aˇmyah keuˆni paˇya daˬta. uˬciꞈnah gʼahˇ nui noeˬshaˬ-eu, aˇmyah keuˆni paˇya daˬta. muiˇ-eu deuˬneh bi zuiˆ-eu jeˬ, aˇmyah keuˆni paˇ ya daˬ ta.

Jaceuq 13:2 ပူးပေါင်းရင်းမြစ်များ

Jaceuq 10:18

Khoer-aq, mirtsaq-euq khoertav jawr-eu tsawrhaqzaq lavguv-eu jeq maqpar bimr-aer, Bikhaeq bikhav-euq deuq hawr-eu aqda maqbaw-eu tsawrhaq-anr, dawr-awr tsaq-eu jeq janrnaeq-eu gharduq mae.

Jaceuq 116:3

Ngar, gardzaq garkawv hawr-eu nuima cawv-eu jeq-anr ya’mawr-awr; Ngaq-anr shir-eu jeq-euq lanrju khmrjawq taq-euq uqtaf; Ngaq-anr shiqbuir lanma-euq gawr-eu jeq, nyaeftaeq taq-euq mae.

Jaceuq 17:9

Ngaq-anr coeqlar deuqlarni mr-eu tsawrcawv hawr-eu, ngaq-anr lavsaef mawf-awr, Muir-eu laer gajawq taq-euq deuq-anr nae, Ngaq-anr bibuq-ir naeqlaf-awq.

Jaceuq 31:18

Nuima huiq-awr janrghae-eu lafkhoer, Tsaq-awr dawr-eu tsawrhaq-anr hawdoer-awr khanqsaer jaevjaev-aer, Jaqmyawf myawf-eu maeqluq deuq, ciqcur savni bipyeuf-ir-awq.

Jaceuq 38:17

Aqjeq mirnae aernar-aq, ngar coq-ir luf-eu mir-a, Ngar ghawqshaq-aer ghae-eu jeq aqmyanluf, Ngaq-euq maeqshi javluf-eu mae.

Jaceuq 42:4

Ngar, tsawrhaq armaf mafma naeq-aer le-awr, Ngar, aqyawfmaf naeq-aer Miqyaer-euq nymr-anr le-euq ma. Laqkhaq caer-eu tersar hawr-eu jaceuq-eu lafkhoer, Tsawrhaq armaf mafma naeq-aer guiqlanq-euq yawbui bui-eu mae. Ngar heudeuq-anr noeqmawrlar ngae, Ngaq-euq nuima saflar shaevdov lef-euq ma.

Jaceuq 6:4

Ya’we Miqyaer-or! Ghofle-awr ngaq-euq nuima saflar-anr bibuq-ir naeqlaf-awq. Nawr ghawqshaq gaq-eu jeq-euq baqda’nae, ngaq-anr bibuq-ir naeqlaf-awq.

Jaceuq 7:2

Maqngeur nar-aq, ngaq-anr bidzeur-ir naeqlaf-eu tiqghaq-iq maqjawr-aer, Aqyawfmaf, arlaqjaqshir lof-aer ngaq-anr gheupav gheushav-awr, caeqpyaq caeqsharjir naeqlaf taef-a.

Jaceuq 74:10

Miqyaer-or! Muir-eu deuq, nga’maf-anr aqmyan keuvni aerdoer-eu laer la? Aqyawfmaf, li-eu maqbawni nawq-euq tsawrmyanr-anr, Yaeqbawq saerlu-aer aer-eu laer mae laq?

Jaceuq 74:18

Ya’we Miqyaer-or! Muir-eu deuq ngaeqdoer-awr, Aqdzawq argan deuq, nawq-euq tsawrmyanr-anr, Yaeqbawq saerlu-aer aer-eu gar taqngaer de-eq.

Jaceuq 8:2

Nawq-anr muir-eu deuq-euq baqda’nae, Nawr, zaqnanq hawr-eu aqcoer dawrzaq-euq khaqmae-anr ghoe-awr nawq-euq baoq bi dovlar-euq mae. Khoer-aq, muir-eu tsawrhaq hawr-eu lafpov povkhof-eu tsawrhaq-anr lavnaq-eu gharduq mae.

Jaceuq 9:6

Muir-eu deuq-anr mqmaq maqbyav yarzir, cawvjirni janrnaeq-awr, meuqdeuq-anr lavcawv-awr, Aqyawf maf-anr noeqmawr-eu jeq khawf lavcawv jir-euq mae.

Dawqdaq 15:13

Laqkhaq caer-eu nuima-aq, myavpyawq bi byalar-eu mae. Aerkhawf, ghawqshaq-aer ghae-eu nuima-aq, saflar-anr nyaefpyaev-eu mae.

Maꞈtehˬ 26:38

“Ngaq-euq nuima saflar noeqshaq-eu shir shaw-iq mir-a, nawmaf heugar ngaq naeq-aer yawbeur beur-aer lof-awq.”

Luˇkaꞈ 22:53

Ngar yawqnan navluf nawmaf naeq-aer uqduq tanqnymr nymrma-anr jawrluf-eu khawf, nawmaf, ngaq-anr maqnyaef-a. Aerkhawf, aryamq heu-aq, nawmaf-euq aryamq mae. Nymq-mr-aq, yawzanr-euq baoq uvlanr luf-eu mae.”

Yoˇhaˬ 16:6

Aerkhawf, garkawv heudeuq ngar, nawmaf-anr aernaeq-euq mirnae, nawmaf-euq nuima-euq lafkhoer noeqshaq-eu jeq byan-eu mae.

Lormav 9:2

Ngar noeqshaq duidui-awr, aqmyanluf nuima ghawqshaq-aer ghaeluf mir-a.

Piˇliˇpiˆ 2:27

Aqdir aernar-aq, aqyawf shirtaw taeqni nar-euq mae. Aerkhawf, Miqyaer, aqyawf-anr ghawqshaq gaqnaeq-euq mae. Aqyawf-anr taef-aer ghawqshaq gaq-euq maqngeur-aer, ngar noeqshaq duidui luf-eu gar maqbi noeqshaq dzaeq-eu laer, ngaq-anr khawf ghawqshaq gaqnaeq laf-euq mae.