Jaceuq 11:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ya’we Miqyaer-aq, aqyawf-euq shawr-eu uqduq tanqnymr nymrma-euq lafkhoer jawrluf-eu mae. Ya’we Miqyaer-euq nuirmanq-aq, mqtav mirkhanq-anr jav-awr, Aqyawf-euq myavnuiv hawluf-eu lafkhoer, Aqyawf-euq myavnuiv khovtaev tsawrhaq-euq zaqyo-anr tsermr luf-eu mae.

Akha

⁴ Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Jaceuq 11:4 ပူးပေါင်းရင်းမြစ်များ

Jaceuq 103:19

Ya’we Miqyaer, aqyawf-euq nuirmanq mq-euq khoertav lavzif taq-awr; Aqyawf-euq uvlanr-eu jeq, yawqjeq navluf-anr uvlanr luf-eu mae.

Jaceuq 113:5

Yawgor-anr jawr-eu, aqdui-euq Miqyaer pyeuf-eu, Ya’we Miqyaer-anr dur-eu aqsur ghaq jawr-eu la?

Jaceuq 139:23

Miqyaer-or! Ngaq-anr pyaevtser-awr, ngaq-euq nuima siqnya-awq; Ngaq-anr tsermr-awr, ngaq-euq nuinoeq-anr khawf siqnya-awq.

Jaceuq 14:2

Ya’we Miqyaer, mq-anr nae hawka lef-awr, tsawrhaq-euq zaqdeuq-anr hawluf-eu mae. Tsawrhaqzaq-euq lafkhoer ghovshaw nya-awr, Miqyaer-anr pov-eu tsawrhaq jawr nga laq laer hawluf-eu mae.

Jaceuq 18:6

Ngar guv-awr gav-eu lafkhoer Ya’we Miqyaer-anr kur-awr, Ngaq-euq Miqyaer-anr gurgaq-eu ma. Aqyawf, aqyawf-euq uqduq tanqnymr nymrma-anr jawr-eu, ngaq-euq tersar gaq-awr, Ngar gur-eu khoer, aqyawf-euq naqbawr-anr gaqkeuv ler-euq mae.

Jaceuq 2:4

Mq-euq khoertav nuirluf-eu ghaq uir-eu mae; Sanqpaq Miqyaer, aqyawf maf-anr haw-awr uiryoer-eu mae.

Jaceuq 33:13

Ya’we Miqyaer, mqtav nae hawkalef ngae; Tsawrhaq-euq zaqdeuq dawqtawv luf-anr hawmawr luf-eu mae.

Jaceuq 44:21

Miqyaer maq hawmawr-aer jav taef-a laq? Aqjeq mirnae aernar-aq, aqyawf nuima-euq lafkhoer zaftaq-euq jeq khawf siqnya-eu mae.

Jaceuq 66:7

Aqyawf, aqyawf-euq baoq-anr ghoe-awr mqmaq maqbyav yarzir uvlanr-eu lafkhoer; Aqyawf-euq myavnuiv, tsawrjeuq tsawrca deuq-anr hawluf-awr, Puiq-awr muir-eu deuq yawqhar yawqha taqbi ciqgor. Sela.

Jaceuq 9:11

Ziroq-anr jawr-eu tsawrhaq, Ya’we Miqyaer-anr car-awr jaceuq-awq! Aqyawf nae mr-euq jeq, tsawrhaqzaq-anr dzawrnaeq-awq.

Dawqdaq 15:3

Ya’we Miqyaer-euq myavnuiv yawqgar navluf jav-awr, Tsawrmuiq-anr khawf, tsawrdoer-anr khawf hawluf-eu mae.

Maꞈtehˬ 23:21

Tsawrhaq tiqghaqnav, uqduq tanqnymr nymrma-anr ghoe-awr kamq-euq nar-aq, aqyawf-aq, uqduq tanqnymr nymrma-anr hawr-eu uqduq tanqnymr nymrma-euq lafkhoer jawr-eu ghaq-anr ghoe-awr kamq-eu mae.

Maꞈtehˬ 5:34

Aerkhawf, ngar, nawmaf-anr aernaeq nyar, tiqpawf-iq taqkamq, mq-anr ghoe-awr taqkamq. Aqjeq mirnae aernar-aq, mq-aq, Miqyaer-euq nuirmanq mae.

Gʼaˬkʼehˇ 7:49

‘Sanqpaq Miqyaer aer-eu, Mq-aq, ngaq-euq nuirmanq pyeuf-awr, Mir-aq, ngaq-euq aqkuir cawqtaqduq ma. Nawmaf, ngaq-euq gharduq aqjox-aer ghae-eu nymr tsov-eu laer ghae-eu le? Maqngeur nar-aq, ngar jawrnaq mrnya-eu aqjeq jav-eu la?

2 Teˇsaˬloˇni 2:4

Aqyawf-aq, tsawrhaqzaq uqduq tanq-eu yawqjeq navluf-anr hawr-eu miqyaer laer kharkur-eu deuq-anr lavtsoeq-awr, khoerdeuq dawqtawv luf-euq khoertav yawqhar yawqha taqhuiq taef-a. Khoeruqtaf, aqyawf, Miqyaer-euq uqduq tanqnymr nymrma-euq lafkhoer Miqyaer lof-aer nuir-awr, “Ngar-aq, Miqyaer ma” laer aer taef-a.

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

Panmaeq 4:2

Khoernar-aq, tiqpov taef-aer muiq-eu Saflar-euq lafkhoer jawrluf ngae, mq-euq khoertav nuirmanq tiq manq jav-awr, nuirmanq-anr tiq ghaq nuirluf-eu gar ngar ya’mawr-euq ma.